Pharmed
AZROSIN 200MG 15ML SUSP
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“_____”______________ 2020-ci il
Dərman vasitəsinin istifadəsi üzrə təlimat (xəstələr üçün)
AZROSİN oral suspenziya hazırlamaq üçün toz
AZROSİN®
Beynəlxalq patentləşdirilməmiş adı: Azithromycin
Tərkibi
Təsiredici maddə: 5 ml hazır suspenziyanın tərkibində 200 mq azitromisin dihidrat vardır.
Köməkçi maddələr: saxaroza, üç əsaslı susuz natrium fosfat, hidroksipropilsellüloza, ksantan
kitrəsi, banan ətirləndiricisi tozu.
Təsviri
Ağ və ya sarımtıl ağ rəngli, homogen, banan qoxulu tozdur.
Farmakoterapevtik qrupu
Sistem istifadə üçün antibakterial preparatlar. Makrolidlər, linkozamidlər və streptoqraminlər.
ATC kodu: J01FA10.
Farmakoloji xüsusiyyətləri
Farmakodinamikası
Azitromisin – makrolid-azalid qrupuna aid olan geniş təsir spektrli antibiotikdir. Geniş
antimikrob təsir spektrinə malikdir. Azitromisinin təsir mexanizmi mikrob hüceyrənin zülalının
sintezinin ləngiməsi ilə bağlıdır. Azitromisin ribosomanın 50S-subvahidi ilə birləşərək
peptidtranslokazanı translyasiya mərhələsində yatırdır, zülalın sintezini ləngidir, bakteriyaların
çoxalmasının qarşısını alır. Yüksək konsentrasiyalarda bakterisid təsir göstərir. Bir sıra qram-
müsbət, qram-mənfi, anaerob, hüceyrədaxili və digər mikroorqanizmlərə qarşı aktivliyə malikdir.
Azitromisinə qarşı həssas olan mikroorqanizmlər: qram-müsbət koklar: Streptococcus pneumonia
(penisillin-həssas ştammlar), Streptococcus pyogenes, Staphylococcus aureus (metisillin-həssas
ştammlar); aerob qram-mənfi bakteriyalar: Haemophilus influenzae, Haemophilus
parainfluenzae, Legionella pneumophila, Moraxella catarrhalis, Pasteurella multocida, Neisseria
gonorrhoeae;
bir sıra anaerob mikroorqanizmlər: Clostridium perfringens, Fusonacterium spp., Prevotella spp.,
Porphyromonas spp.;
və həmçinin: Chlamidia trachomatis, Chlamidia pnevmoniae, Chlamidia psittaci, Mycoplasma
pneumoniae, Mycoplasma hominis, Borrelia burdorferi.
Azitromisinə qarşı qazanılmış rezistentliyi olan mikroorqanizmlər: aerob qram-müsbət
mikroorqanizmlər – Streptococcus pneumonieae (penisillin-həssas ştammlar və penisillinə qarşı
orta dərəcəli həssaslığı olan ştamlar).
Təbii rezistentliyi olan mikroorqanizmlər: aerob qram-müsbət mikroorqanizmlər – Enterococcus
faecalis, Staphylococcus aureus, Staphylococcus epidermidis (metisillin-rezistent ştammlar);
anaerob mikroorqanizmlər – Bacteroides fragilis.
Staphylococcus pnevmoniae, Staphylococcus pyogenes (A qrupuna aid beta-hemolitik
sterptokok), Enterococcus faecalis və Staphylococcus aureus (metisillin rezistent ştammlar)
arasında eritromisinə, azitromisinə, digər makrolidlərə və linkozamidlərə qarşı çarpaz rezistentlik
halları qeydə alınmışdır.
Azitromisin Salmonella typhi (MİK ≤ 16 mq/l) və Shigella spp. tərəfindən törədilən infeksion
xəstəliklərin müalicəsində istifadə olunur
Farmakokinetikası
Daxilə qəbulundan sonra azitromisin mədə-bağırsaq traktından yaxşı sorulur ki, bu da onun turş
mühitdə dayanıqlığı və lipofilliyi ilə bağlıdır və orqanizmdə tez bir zamanda paylanır. 500 mq
azitromisinin daxilə qəbulundan sonra onun plazmada maksimal konsentrasiyası 2-3 saatdan
sonra əldə edilir və 0,4 mq/l təşkil edir, biomənimsənilməsi 37% təşkil edir.
Azitromisin tənəffüs yollarına, urogenital orqanları və toxumalarına (məsələn, prostat vəziyə),
dəriyə və yumşaq toxumalara yaxşı nüfuz edir. Onun toxumalarda yüksək konsentrasiyası (qan
plazması ilə müqayisədə 50 dəfə daha yüksək) və uzun yarımxaricolunma dövrü (t½)
azitromisinin qan plazmasının zülalları ilə zəif bağlanması və, həmçinin, onun eukariotik
hüceyrələrə nüfuz etmək və lizosomları əhatə edən aşağı pH olan mühitdə toplanmaq qabiliyyəti
ilə əlaqəlidir ki, bu da onun böyük paylanma həcmini (31,1 l/kq) və yüksək plazma klirensini
müəyyən edir. Azitromisinin daha çox lizosomlarda toplanmaq qabiliyyəti hüceyrədaxili
törədicilərin eradikasiyası üçün xüsusilə vacibdir. Sübut edilmişdir ki, faqositlər azitromisini
iltihab yerinə nəql edir. Azitromisinin faqositlərdə yüksək konsentrasiyasına baxmayaraq
azitromisin onların funksiyasına nəzərə çarpan təsir göstərmir. Plazma zülalları ilə əlaqəsi 12-
52% təşkil edir (azitromisinin qan plazmasında konsentrasiyasına tərs mütənasibdir).
Azitromisin qaraciyərdə metabolizmə uğrayır, metabolitlər isə aktivliyə malik deyil.
Azitromisin t1/2 göstəricisi uzunmüddətlidir – 2-4 gün. Azitromisinin terapevtik konsentrasiyası
son dozanın qəbulundan sonra 5-7 gün müddətində saxlanılır ki, bu da qısamüddətli (3 və 5
günlük) müalicə kurslarının tərtib edilməsinə imkan yaratmışdır. Azitromisin, əsasən, dəyişilməz
şəkildə xaric edilir: 50% öd ilə, 12% böyrək vasitəsilə.
İstifadəsinə göstərişlər
Azitromisinə həssas mikroorqanizmlərin törətdiyi xəstəliklər:
• Yuxarı tənəffüs yolları və LOR-orqanları infeksiyaları (sinusit, tonzillit, farinqit, orta otit);
• Aşağı tənəffüs yolları infeksiyaları (xroniki bronxitin kəskinləşməsi, xəstəxanadan kənar
pnevmoniya);
• Dəri və yumşaq toxumaların infeksiyaları (orta ağırlıq dərəcəli akne vulqaris, qızıl yel,
impetiqo, piodermiya);
• Chlamydiya trachomatis tərəfindən törədilmiş sidik yollarının fəsadlaşmamış infeksiyaları
(uretrit və/və ya servisit);
• Laym xəstəliyinin (borrelioz) başlanğıc mərhələsi – miqrasiya edən eritema (erythema
migrans).
Əks göstərişlər
- Azitromisinə, eritromisinə və digər makrolidlərə, ketolidlərə və ya preparatın digər
komponentlərinə qarşı yüksək həssaslıq;
Qaraciyər funksiyasının ağır dərəcəli pozulması;
- Laktasiya dövrü;
- Erqotamin və dihidroerqotamin ilə yanaşı istifadəsi.
Xüsusi göstərişlər və ehtiyat tədbirləri
Ciddi allergik reaksiyalar angioödem və anafilaksiya daxil olmaqla (nadir hallarda letal, kəskin
yayəlmış ekzantematoz pustulyoz və DRESS sindrom barədə məlumat verilmişdir).
Azrosin orqanizm tərəfdən yaxşı qəbul olunur. Əsasən mədə-bağırsaq traktı tərəfindən əlavə
reaksiyalar müşahidə olunur: ürəkbulanma, qusma, qarın nahiyəsində ağrılar, ödem, ishal.
Başqa makrolidlərin və penisillinlərin qəbulu zamanı olduğu kimi qaraciyər transaminazaların
səviyyəsinin geriyə dönən yüksəlməsi müşahidə oluna bilər. Klinik tədqiqatlarda keçici
neytropeniya müşahidə oluna bilər ki, bunun da azitromisinlə əlaqədar olması təsdiqlənməyib.
Ağırlaşmamış pnevmoniyalar zamanı peroral müalicə təyin olunarsa azitromisin yüksək
effektivlik göstərə bilər. Ağır keçən pnevmoniyalar və aşağıda göstərilən vəziyyətlərdə, peroral
müalicənin effektiv olmadığından azitromisin təyin olunmur:
• Hospital infeksiyaları
• Bakteriemiya əlamətləri olan xəstərlərdə, yaxud bakteriemiyaya şübhə zamanı
• Stasionar xəstələrə
• Ağır vəziyyətdə olan xəstələrə və yaşlılara.
Mədəciklərin ləng repolyarizasiyası sindromu
Mədəciklərin ləng repolyarizasiyası sindromu (QT intervalının uzanması sindromu) makrolidlərin
qəbulu fonunda aritmiyaların (həmçinin “piruet” tipli aritmiyanın) inkişafının riskini yüksəldir.
Proritmogen faktorları olan (xüsusilə də ahıl yaşlı) pasiyentlərdə, həmçinin QT intervalının
anadangəlmə və ya qazanılmış uzanması olan pasiyentlərdə; IA (xinidin, prokainamid) və III
(dofetilid, amiodaron və sotalol) sinfə aid antiaritmik preparatlar, sizaprid, terfenadin, antipsixotik
preparatlar (pimozid), antidepressantlar (sitalopram), flüorxinolonlar (moksifloksasin və
levofloksasin) qəbul edən pasiyentlərdə, su-elektrolit tarazlığının pozulması olan pasiyentlərdə,
xüsusilə də hipokaliemiya və ya hipomaqneziemiya hallarında, klinik əhəmiyyətli bradikardiyası,
aritmiyası və ya ağır ürək çatışmazlığı olan pasiyentlərdə azitromisin ehtiyatla istifadə
olunmalıdır.
Başqa geniş təsir spektrli antibiotiklərin qəbulu zamanı olduğu kimi, azitromisinin qəbulu zamanı
psevdomembranoz kolitin yüngül forması inkişaf edə bilər. Bunu nəzərə alaraq, xəstələrdə ishalın
yaranma ehtimalı həkimin diqqəti altında olmalıdır. Azitromisinlə müalicə zamanı, bağırsaqların
normal mikroflorasının pozulması və patogen klostridiyaların inkişafı müşahidə oluna bilər.
Aparılan tədqiqatlar nəticəsində müəyyən edilmişdir ki, azitromisinin qəbulu ilə bağlı yaranan
kolitin əsas etioloji faktoru Clostridium difficile-nin toksinidir. Psevdomembranoz kolitin
əlamətləri keçəndən sonra müalicə davam etdirilir. Yüngül dərəcəli kolit əmələ gəldikdə,
müalicəni dayandırmaq kifayətdir. Lakin, ağır kolitlər zamanı Clostridium difficile-yə qarşı
yüksək aktivlik göstərən antibiotiklər, elektrolitlər, zülallar, maddələr mübadiləsini bərpa edən
mayelər təyin olunur. Azrosin ödlə xaric olduğu üçün qaraciyər çatışmazlığı zamanı təyinatında
diqqətli olmaq lazımdır. Həyat üçün təhlükəli qaraciyər çatışmazlığına səbəb olan fulminant
hepatit barədə məlumat vardır. Qaraciyər funksiyasının pozulmasının simptomları
(proqressivləşən asteniya, sarılıq, sidiyin tündləşməsi, qanaxmalara meyllilik, qaraciyər
ensefalopatiyası) meydana çıxdığı halda preparatın qəbulu dayandırılmalı və qaraciyərin
funksional vəziyyətinin müayinəsi aparılmalıdır.
Başqa makrolidlərin təyinatı zamanı yaranan QT intervalının uzanması, azitromisinin istifadəsi
zamanı istisna edilmir.
Ağır böyrək çatışmazlığı olan pasiyentlərdə sistem təsirə məruzqalma 33% artır.
Miasteniya
Azitromisinin istifadəsi ilə müalicə qəbul edən pasiyentlərdə miasteniya simptomlarının
kəskinləşməsi və ya yeni miastenik sindromun inkişaf etməsi barədə məlumatlar daxil olmuşdur.
Preparatın kanserogenliyi müəyyən olunmamışdır. Standart laborator analizlərdə preparatın
mutagenliyi müəyyən olunmayıb.
Preparatın tərkibində saxaroza vardır. Fruktozaya qarşı dözümsüzlük, qlükoza-qalaktoza
malabsorbsiyası və ya saxaraza-izomaltaza çatışmazlığı kimi nadir irsi xəstəlikləri olan
pasiyentlər bu preparatdan istifadə etməməlidirlər.
Digər dərman vasitələri ilə qarşılıqlı təsiri
Antasidlər preparatın sorulmasını zəiflətdiyindən, preparat antasidlərdən 1 saat əvvəl yaxud 2 saat
sonra qəbul olunur. Teofillinlə qarşılıqlı təsiri haqqında məlumat yoxdur. Ancaq, başqa
makrolidlərin teofillinlə qəbulu zamanı onun plazma konsentrasiyasının yüksəlməsi müşahidə
olunur. Bunu nəzərə alaraq, göstərilən preparatların qəbulu zamanı teofillinin plazma
konsentrasiyasına nəzarət edilməsi tələb olunur.
Setirizin
Sağlam könüllülərdə 5 gün müddətində azitromisinin setirizin (20 mq) ilə yanaşı istifadəsi
farmakokinetik qarşılıqlı təsir və QT intervalının əhəmiyyətli dərəcədə dəyişilməsi ilə
nəticələnməmişdir.
Didanozin (didezoksinozin)
6 HİV-infeksiyalı pasiyentdə azitromisinin (1200 mq/gün) və didanozinin (400 mq/gün) yanaşı
istifadəsi zamanı didanozinin farmakokinetik göstərişlərində plasebo qrupu ilə müqayisədə
dəyişikliklər qeydə alınmamışdır.
Diqoksin və kolxisin
Makrolid antibiotiklərin (azitromisin daxil olmaqla) diqoksin və kolxisin kimi qlikoprotein P
substratları ilə yanaşı istifadəsi zamanı qlikoprotein P substratının səviyyəsinin yüksəlməsinə dair
məlumat mövcuddur. Azitromisinin və diqoksinin yanaşı istifadəsi zamanı müalicə zamanı və
müalicədən sonra diqoksinin qanda konsentrasiyası nəzarət altında saxlanılmalıdır, çünki onun
qan plazmasında səviyyəsinin yüksəlməsi mümkündür.
Zidovudin
Azitromisinin (1000 mq bir dəfəyə və ya 1200 mq və ya 600 mq bir neçə dəfəyə)
farmakokinetikaya, həmçinin zidovudinin və ya onun qlükuronid metabolitinin böyrəklər ilə ixrac
edilməsinə cüzi təsir göstərir. Lakin azitromisinin istifadəsi kliniki aktiv metabolit olan
fosforilləşmiş zidovudinin periferik qanın mononuklearlarında konsentrasiyasının yüksəlməsinə
səbəb olmuşdur. Qeyd olunan faktın klinik əhəmiyyəti məlum deyil.
Flukonazol
Azitromisinin (1200 mq bir dəfə) yanaşı istifadəsi flukonazolun (800 mq bir dəfə)
farmakokinetikasını dəyişməmişdir. Flukonazol ilə yanaşı istifadəsi zamanı azitromisinin ümumi
ekspozisiyası və yarımxaricolma dövrü dəyişməmişdir, lakin azitromisinin Cmax göstəricisinin
enməsi (18%) qeyd olunurdu ki, bu da klinik əhəmiyyət kəsb etmirdi.
Nelfinavir
Azitromisinin (1200 mq) və nelfinavirin (750 mq-dan gündə 3 dəfə) yanaşı istifadəsi qan
zərdabında azotromisinin tarazlıq konsentrasiyasının yüksəlməsinə səbəb olur. Azitromisin ilə
yanaşı istifadəsi zamanı klinik əhəmiyyətli əlavə təsirlər qeyd olunmamışdır və azitromisinin
dozasının tənzimlənməsi tələb edilmirdi.
Rifabutin
Azitromisinin və rifabutinin yanaşı istifadəsi hər bir preparatın qan zərdabında konsentrasiyasına
təsir göstərmir. Azitromisinin və rifabutinin yanaşı istifadəsi zamanı bəzi hallarda neytropeniya
qeyd olunurdu. Neytropeniya rifabutinin istifadəsi ilə əlaqəli olduğuna baxmayaraq, azitromisin
və rifabutin kombinasiyasının istifadəsi və neytropeniya arasında olan səbəb-nəticə əlaqəsi
müəyyən edilməmişdir.
Azrosinlə paralel sitoxrom P450 sistemi tərəfindən metabolizmə uğrayan preparatların
(karbamazepin, siklosporin, heksobarbital) təyinatı zamanı, bu preparatların plazma
konsentrasiyalarına tam nəzarət edilməsi vacibdir.
Siklosporinlə qarşılıqlı təsiri nəzərə alaraq siklosporinin səviyyəsi nəzarət altında saxlanılmalı və
dozası korreksiya edilməlidir.
Belə məlumatın azitromisin tərəfindən olmamasına baxmayaraq, göstərilən preparatların birlikdə
təyinatı zamanı diqoksinin plazma səviyyəsini nəzarət altında saxlamaq lazımdır.
Başqa makrolidlər kimi azitromisin erqotaminin törədiciləri ilə təyin olunmur.
Varfarin və azitromisinin birlikdə qəbulu zamanı antikoaqulyant effekt güclənir.
Azitromisin triazolamın klirensini azaldır.
Hamiləlik və laktasiya dövründə istifadəsi
Hamiləlik
Heyvanlarda aparılan tədqiqatlar nəticəsində azitromisinin plasentar baryeri keçdiyi, ancaq dölə
heç bir təsiri olmadığı təyin olunmuşdur. Preparatın hamilələrə təsiri axıra kimi öyrənilməmişdir.
Vacib təlabat olmadığı halda preparat hamilələrdə istifadə olunmur.
Laktasiya
Preparatın ana südünə keçməsi barəsində məlumat yoxdur. Vacib təlabat olmadığı zaman preparat
laktasiya dövründə istifadə olunmur.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə
təsiri
Azitromisinin nəqliyyat vasitələrini və mexanizmləri idarə etmək qabiliyyətinə təsirinə dair
məlumatlar mövcud deyil. Lakin sinir sistemi və görmə orqanı tərəfindən arzuolunmaz
reaksiyaların inkişafı zamanı diqqətin cəmlənməsini və psixomotor reaksiyaların cəldliyini tələb
edən hərəkətləri ehtiyatla yerinə yetirmək lazımdır
İstifadə qaydası və dozası
Kütləsi 45 kq-dan yuxarı olan uşaqlarda Azrosinin tablet dərman formasını təyin etmək tövsiyə
olunur, kütləsi 45 kq-dan az olan uşaqlarda pediatrik suspenziya təyin olunur.
Preparat 3 günlük müalicə kursu ilə təyin olunur, hər kiloqram kütləyə – 10 mq. Beləliklə,
müalicə kursu zamanı 30 mq/kq azitromisin istifadə olunur.
Suspenziyanın hazırlanması
Suspenziyanı hazırlamaq üçün, içində toz olan plastik qabı yaxşı silkələmək, 7,5 ml təmizlənmiş
su əlavə etmək və qarışığı yaxşı çalxalamaq lazımdır.
Hazırlanmış suspenziyanı 5 gün ərzində otaq temperaturunda saxlamaq olar.
Dozalanma cədvəli
3 günlük müalicə
<15 kq
(6 aylıq-3 yaş)
10 mq/kq gündə 1dəfə
15-25 kq
(3-7 yaş)
200 mq gündə 1dəfə
(5 ml)
26-35 kq
(8-11 yaş)
300 mq gündə 1 dəfə
(7,5 ml)
36-45 kq
(12-14 yaş)
400 mq gündə 1 dəfə
(10 ml)
Azitromisinin 6 aylığa kimi uşaqlarda istifadəsi barədə məlumat olmadığından, preparatın
istifadəsi məsləhət görülmür. Azrosin yeməkdən 1 saat əvvəl, yaxud 2 saat sonra qəbul olunur.
Preparatın düzgün qəbulu və istifadəsi üçün ümumi həcmi 10 ml təşkil edən, xüsusi qabda 0,25
ml intervallı şpris var.
Yığılmış suspenziyanın miqdarı göstərilən düsturla hesablanır:
Suspenziyanın miqdarı (ml) = Bədən kütləsi (kq)× təyin olunmuş gündəlik doza (mq/kq) × 5
200
1. Suspenziya hazırlandıqdan sonra şprisin qapağı açılır və flakona salınır. Şprisin içində olan
porşeni çəkərək, həkim təyin edən doza lazım olan ölçüyə qədər çatdırılır.
2. Preparatı birbaşa şprisdən və qaşıqdan qəbul etmək olar.
3. Sonrakı istifadəyə qədər şpris öz qabında saxlanılır.
YFS 10-80 mq/l ilə müşayiət olunan böyrək funksiyasının pozulması olan pasiyentlərdə
preparatla müalicə ehtiyatla böyrək funksiyasının nəzarəti altında aparılmalıdır.
Qaraciyər funksiyasının yüngül və orta ağırlıq dərəcəli pozulması zamanı dozanın tənzimlənməsi
tələb olunmur.
Əlavə təsirləri
Arzuolunmaz reaksiyaların Ümumdünya Səhiyyə Təşkilatının təsnifatına əsasən rast gəlinmə
tezliyi: çox tez-tez rast gəlinən (≥ 1/10), tez-tez rast gəlinən (≥ 1/100-<1/10); bəzən (≥ 1/1000-
<1/100); nadir hallarda rast gəlinən (≥ 1/10000-<1/1000); çox nadir hallarda (<1/10000), tezliyi
məlum deyil (əldə olan məlumatlara əsasən müəyyən etmək qeyri-mümkündür).
Qan və limfatik sisteminə: tez-tez rast gəlinən – eozinofiliya; bəzən – leykopeniya, neytropeniya;
tezliyi məlum olmayan – trombositopeniya, hemolitik anemiya.
Sinir sisteminə: tez-tez rast gəlinən – başağrı; bəzən – başgicəllənmə, paresteziya, dadbilmə
hissinin pozulması, süstlük; tezliyi məlum olmaya – hipesteziya, bayılma, qıcolmalar, psixomotor
hiperaktivlik, iybilmənin itirilməsi (və ya anosmiya), iybilmənin pozulması, dadbilmə hissinin
itirilməsi, miasteniya.
Psixikanın pozulması: bəzən – yuxusuzluq, əsəbilik; nadir hallarda rast gəlinən – həyəcan; tezliyi
məlum olmayan - aqressivlik, təlaş, sayıqlama, qarabasma.
Görmə orqanına: bəzən – görmə pozulmaları.
Eşitmə orqanına və labirintə: bəzən – eşitmə pozulmaları, vertiqo; tezliyi məlum olmayan –
eşitmə pozulmaları (karlıq və/və ya qulaqda küy daxil olmaqla).
Ürəyə: bəzən – ürək döyünmə hissi; tezliyi məlum olmayan – QT intervalının uzanması, piruet
tipli aritmiya, mədəcik taxikardiyası.
Damarlara: bəzən – üzdə hiperemiya, istilik hissi; tezliyi məlum olmayan – arterial təzyiqin
enməsi.
Mədə-bağırsaq sisteminə: çox tez-tez rast gəlinən – diareya; tez-tez rast gəlinən – ürəkbulanma,
qarında ağrı, qusma; bəzən –dispepsiya, qəbizlik, qastrit, disfaqiya, meteorizm, ağız boşluğunun
selikli qişasının quruluğu, gəyirmə, ağız boşluğunun selikli qişasının yaraları, tüpürcək vəzilərinin
hiperfunksiyası; çox nadir hallarda rast gəlinən – dilin rənginin dəyişilməsi, pankreatit.
Böyrəklərə və sidik yollarına: bəzən – dizuriya, böyrəklər nahiyəsində ağrı; tezliyi məlum
olmayan – interstisial nefrit, kəskin böyrək çatışmazlığı.
Cinsiyyət orqanlarına və süd vəzilərinə: bəzən – metrorragiya, yumurtaların funksiyasının
pozulması.
İmmun sistemə: bəzən – hiperhəssaslıq reaksiyaları, angionevrotik ödem; anafilaktik reaksiya.
Dəriyə və dərialtı toxumalara: bəzən – dəridə qaşınma, dəridə səpgilər, övrə, dərinin quruluğu,
tərləmə, dermatit; nadir hallarda rast gəlinən – fotosensibilizasiya reaksiyası, kəskin yayılmış
ekzantematoz pustulyoz (KYEP); tezliyi məlum olmayan – multiformalı eritema, Stivens-Jonson
sindromu, toksiki epidermal nekroliz, eozinofiliya və sistemli təzahürlər ilə müşayiət olunan
dərman səpgisi (DRESS-sindrom).
Maddələr mübadiləsinə və qidalanmaya: bəzən – anoreksiya.
İnfeksion və parazitar xəstəliklər: bəzən – kandidoz, həmçinin ağız boşluğunun selikli qişasının,
vaginal infeksiyalar, pnevmoniya, göbələk infeksiyaları, bakterial infeksiyalar, faringit,
qastroenterit, respirator xəstəliklər, rinit; tezliyi məlum olmayan – psevdomembranoz kolit.
Qaraciyərə və öd yollarınana: bəzən – hepatit, nadir hallarda rast gəlinən – qaraciyər
funksiyasının pozulması, xolestatik sarılıq; tezliyi məlum olmayan – qaraciyər çatışmazlığı
(nadir hallarda ölüm ilə nəticələnən, xüsusilə də qaraciyər funksiyasının ağır dərəcəli pozulması
fonunda), qaraciyər nekrozu, fulminant hepatit.
Skelet-əzələ sisteminə və birləşdirici toxumaya: bəzən – osteoartrit, mialgiya, kürəkdə ağrı,
boyunda ağrı; tezliyi məlum olmayan – artralgiya.
Tənəffüs sisteminə, döş qəfəsi və divararalığı orqanlarına: bəzən – burun qanaxması,
təngnəfəslik.
Ümumi pozulmalar və yeridilmə yerində pozulmalar: bəzən – yorğunluq hissi, döş qəfəsində ağrı,
ödemlər, periferik ödemlər, asteniya, yorğunluq, üzün ödemi, yüksək hərarət, titrəmə.
Laborator və instrumental göstəricilər: tez-tez rast gəlinən – bazofillərin, monositlərin,
neytrofillərin miqdarının yüksəlməsi, qan plazmasında bikarbonatların konsentrasiyasının
azalması, limfositlərin sayının azalması, eozinofillərin sayının çoxalması; bəzən –
aspartataminotransferaza, alaninaminotransferazanın aktivliyinin yüksəlməsi, qan plazmasında
sidik cövhəri və kreatininin konsentrasiyasının yüksəlməsi, qan plazmasında bilirubinin
konsentrasiyasının yüksəlməsi, qələvi fosfatazanın aktivliyinin yüksəlməsi, qan plazmasında
xloridlərin miqdarının yüksəlməsi, qan plazmasında qlükozanın konsentrasiyasının yüksəlməsi,
trombositlərin sayının çoxalması, hematokritin enməsi, qan plazmasında natriumun səviyyəsinin
dəyişilməsi, kaliumun qan plazmasında səviyyəsinin dəyişilməsi, qan plazmasında
bikarbonatların səviyyəsinin yüksəlməsi.
Travmalar, intoksikasiyalar və manipulyasiyaların fəsadları: bəzən – prosedurdan sonrakı
fəsadlar.
Doza həddinin aşılması
Artıq dozalanma haqqında kifayət qədər məlumat yoxdur. Ümumiyyətlə, makrolidlərin artıq
dozada qəbulu zamanı ürəkbulanma, güclü qusma, ishal, eşitmə qabiliyyətinin müvəqqəti itməsi
müşahidə oluna bilər.
Göstərilən əlamətlər zamanı, mədənin yuyulması, aktivləşdirilmiş kömürün qəbulu və
simptomatik müalicə tələb olunur.
Buraxılış forması
15 ml-lik flakonda suspenziya hazırlamaq üçün toz.
1 flakon toz və dozalanma üçün 10 ml-lik şpris içlik vərəqə ilə birgə karton qutuya yerləşdirilir.
Saxlanma şəraiti
25°C temperaturdan yüksək olmayan, işıqdan qorumaqla və uşaqların əli çatmayan yerdə
saxlamaq lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı
Pharmavision San. ve Tic. A.Ş., Turkey.
Davutpaşa Cad., No 145 Topkapı, Zeytinburnu.
Sanofi İlaç San. ve Tic. A.Ş., Turkey.
Küçükkarıştıran Mahallesi Merkez Sokak N223.A 39780 Lüleburgaz Kırklareli/Turkey.
Qeydiyyat vəsiqəsinin sahibi
Sanofi İlaç San. ve Tic. A.Ş., Turkey.
Esentepe Mah., Büyükdere Cad., 193 Apt., N0 193/13 Şişli, Türkiyə.