Bayer
ASPIRIN KARDIO 100MG N28 TB
Dərman vasitəsinin istifadəsi üzrə təlimat (xəstələr üçün)
ASPİRİN KARDİO® tabletlər, çeynəmə tabletlər, qastro-rezistent (enterik-örtüklü) tabletlər
ASPIRIN CARDIO®
Beynəlxalq patentləşdirilməmiş adı: Acetylsalicylic aсid
Tərkibi
100 mq-lıq tabletlər və ya qastro-rezistent tabletlər
Təsiredici maddə: 1 tabletin tərkibində 100 mq asetilsalisil turşusu vardır.
Köməkçi maddələr: sellüloza, qarğıdalı nişastası, metakril turşusunun və
akril turşusunun etil efirinin sopolimeri (1:1), polisorbat 80, natrium laurilsulfat, talk, trietilsitrat
300 mq-lıq tabletlər və ya qastro-rezistent tabletlər
Təsiredici maddə: 1 tabletin tərkibində 300 mq asetilsalisil turşusu vardır.
Köməkçi maddələr: sellüloza, qarğıdalı nişastası, metakril turşusunun və akril turşusunun etil efirinin sopolimeri
(1:1), polisorbat 80, natrium laurilsulfat, talk, trietilsitrat
Təsviri
Aspirin Kardio 100 mq: dairəvi, iki tərəfi qabarıq, bir qədər nahamar, qırığında ağ rəngli eynicinsli kutlə, ağ rəngli ortuklu tabletlərdir. Aspirin Kardio 300 mq: dairəvi, iki tərəfi qabarıq, bir qədər nahamar, qırığında ağ rəngli eynicinsli kutlə, ağ rəngli ortuklu tabletlərdir.
Farmakoterapevtik qrupu
istisna olmaqla, trombositlərin aqreqasiyasının inhibitoru.
ATC kodu: B01AC06.
Farmakoloji xüsusiyyətləri
Farmakodinamikası
Asetilsalisil turşusu trombositlərin daxilində tromboksan A2-nin sintezini blokada etməklə, trombositlərin aqreqasiyasını inhibə edir. Onun təsir mexanizmi siklooksigenaza-1 fermentini (SOG-1) dönməz inhibə etməsinə əsaslanır. Bu inhibəedici təsir trombositlərdə xüsusilə aydın ifadə olunmuşdur, belə ki, trombositlər bu fermenti təkrar sintez etmə qabiliyyətinə malik deyildir. Asetilsalisil turşusu trombositlərə həmçinin digər inhibəedici təsir göstərir və bununla bağlı müxtəlif damar problemlərində istifadə olunur. Asetilsalisil turşusu qeyri-steroid iltihabəleyhinə preparat olub, ağrıkəsici, qızdırmasalıcı və iltihabəleyhinə təsir göstərir. Yüksək peroral dozaları soyuqdəymə və ya qrip kimi hallarda ağrını aradan qaldırmaq və yüksəlmiş temperatur aşağı salmaq üçün istifadə edilir. Farmakokinetikası
Absorbsiyası Daxilə qəbul edildikdən sonra asetilsalisil turşusu mədə-bağırsaq traktından sürətlə və tamamilə absorbsiya olunur. Absorbsiya zamanı və absorbsiyadan sonra asetilsalisil turşusu onun əsas aktiv metabolit olan salisil turşusuna çevrilir. Asetilsalisil turşusunun maksimal plazma səviyyəsi 10-20 dəqiqə sonra, salisil turşusunun maksimal plazma səviyyəsi isə 0,3-2 saat sonra yaranır. Tabletlər (dərhal azad olan) Aspirin® 100/300 mq tabletlərin acqarına qəbulu zamanı asetilsalisil turşusunun Cmax təqribən 30 dəqiqə və salisil turşusunun Cmax isə 1,5 saat sonra yaranır. Qida ilə birlikdə qəbulu zamanı Cmax və AUC müqayisə olunandır, lakin, Aspirin® tabletlərinin qida ilə birlikdə qəbulu zamanı Cmax orta hesabla 2,7 dəfə artır. Lakin, Asetilsalisil turşusunun ümumi plazma ekspozisiyası ilə onun trombositlərin aqreqasiyasına inhibəedici təsiri arasında mexaniki qarşılıqlı təsirə görə asetilsalisil turşusunun absorbsiya sürətində fərq Aspirin®-in aşağı dozaları ilə xroniki müalicə üçün (trombositlərin aqreqasiyasını adekvat inhibisiyasını təmin etmək üçün) aktual hesab edilmir. Qastro-rezistent tabletlər (enterik-örtüklü (bağırsaqda həll olan örtüklə örtülmüş)) Aspirin®-in 0,1/0,3100/300 mq enterik örtüklü qastro-rezistent tabletlərinin turşuyadavamlı formuluna görə asetilsalisil turşusu mədədə yox, bağırsağın qələvi mühitində ayrılır. Ona görə asetilsalisil turşusunun Cmax qastro-rezistent tabletlərin istifadəsindən sonra 2-7 saat müddətində yaranmışdır, yəni, dərhal azad olan tabletlərlə müqayisədə ləngimişdir. Eyni zamanda qida qəbulu asetilsalisil turşusunun absorbsiya sürətini azaltmaqla, absorbsiyanı yubadır, lakin absorbsiya dərəcəsinə təsir göstərmir. Asetilsalisil turşusunun ümumi plazma ekspozisiyası ilə onun trombositlərin aqreqasiyasına inhibəedici təsiri arasında mexaniki qarşılıqlı təsirə görə Aspirin® qastro-rezistent tabletlərin absorbsiyasının ləngiməsi Aspirin®-in aşağı dozaları ilə xroniki müalicə üçün (trombositlərin aqreqasiyasını adekvat inhibisiyasını təmin etmək üçün) aktual hesab edilmir. Bununla belə, preparatın faydalı qastro-rezistent formulunu saxlamaq üçün Aspirin® qastro-rezistent tabletlərini qida qəbulundan mümkün qədər çox müddət əvvəl (30 dəqiqə və daha çox) çoxlu miqdarda maye ilə qəbul etmək lazımdır (bax:“İstifadə qaydası və dozası”). Paylanması Asetilsalisil turşusunun və salisil turşusunun hər ikisi plazma zülalları ilə güclü bağlanır və sürətlə bütün orqanizmə paylanır. Salisil turşusu ana südünə nüfuz edir və plasentar baryerdən keçir (bax: “Hamiləlik və laktasiya dövründə istifadəsi”, “Fertillik”). Metabolizmi / Biotransformasiyası Əsas dərman asetilsalisil turşusu əsas metaboliti olan salisil turşusuna çevrilir. Asetilsalisil turşusunun asetil qrupu hətta bağırsağın selikli qişasından keçən zaman hidrolizə uğrayır, lakin, bu proses başlıca olaraq qaraciyərdə baş verir. Salisil turşusunun əsas metabolit başlıca olaraq qaraciyər metabolizmi vasitəsilə xaric olur. Onun metabolitləri salisilsidik turşusu, salisil fenol qlükuronid, salisilasid qlükuronid, gentizin turşusu və gentizurin turşusudur. Eliminasiyası / Ekskresiyası / Xəttiliyi Salisil turşusunun eliminasiyasının kinetikası dozadan asılıdır, belə ki, metabolizmi qaraciyər fermentlərinin qabiliyyəti ilə məhdudlaşmışdır. Ona görə də yarımxaricolma dövrü aşağı dozalardan sonra 2-3 saat, yüksək dozalarda 15 saata qədər təşkil edir. Salisil turşusu və onun metabolitləri əsasən böyrəklər vasitəsilə xaric olur. Asetilsalisil turşusunun farmakokinetikasına dair mövcud məlumatlar 100 mq-dan 500 mq-a qədər doza diapazonunda dozadan asılılıqda klinik əhəmiyyətli kənaraçıxmanın olduğunu göstərməmişdir.
İstifadəsinə göstərişlər
Asetilsalisil turşusu böyüklərdə aşağıdakı ürək-damar xəstəlikləri zamanı istifadə olunur:
•Kəskin miokard infarktına şübhə olan pasiyentlərdə ölüm riskini aşağı salmaq üçün •Miokard infarktı keçirmiş pasiyentlərdə xəstələnmə və ölüm riskini azaltmaq üçün • İnsultun ikincili profilaktikası üçün
•Tranzitor işemik tutmaları (TİT) olan pasiyentlərdə TİT-in və insultun başvermə riskini azaltmaq üçün
•Stabil və qeyri-stabil stenokardiyası olan pasiyentlərdə xəstələnmə və ölüm riskini azaltmaq üçün
•Damar cərrahiyəsindən və ya müdaxiləsindən, məsələn, PTCA, CABG, karotid endarterektomiya, arterialvenoz şuntlamadan sonra tromboemboliyanın profilaktikası üçün
•Uzunmüddətli immobilizasiyadan sonra, məsələn, böyük cərrahi əməliyyatdan sonra dərin venaların trombozunun və ağciyərin emboliyasının profilaktikası üçün. •Ürək-damar xəstəliklərinin, məsələn, şəkərli diabet, hiperlipidemiya, hipertoniya, piylənmə, siqaretçəkmə, qocalıq kimi risk faktorları olan insanlarda birinci miokard infarktı riskini azaltmaq üçün.
Əks göstərişlər
Asetilsalisil turşusu aşağıdakı hallarda istifadə olunmamalıdır:
•Asetilsalisil turşusuna və ya digər salisilatlara və ya preparatın digər komponentlərindən (bax: “Tərkibi”) hər hansı birinə qarşı yüksək həssaslıq;
• anamnezdə salisilatların və ya oxşar təsirə malik maddələrin, xüsusilə qeyri-steroid iltihabəleyhinə preparatların (QSİƏP) istifadəsi nəticəsində yaranmış astmanın olması;
• kəskin mədə-bağırsaq xorası;
• hemoragik diatez;
• ağır böyrək çatışmazlığı;
• ağır qaraciyər çatışmazlığı;
• ağır ürək çatışmazlığı;
• 15 mq/həftə və ya daha yüksək dozalarda metotreksatla kombinasiya (bax: “Digər dərman maddələri ilə qarşılıqlı təsiri”);
• hamiləliyin son trimestri (bax: “Hamiləlik və laktasiya dövründə istifadəsi”). Xüsusi xəbərdarlıqlar və ehtiyat tədbirləri
Asetilsalisil turşusu aşağıdakı hallarda xüsusi ehtiyatla istifadə edilməlidir:
• əvvəllər analgetiklərə, iltihabəleyhinə, revmatizməleyhinə maddələrinə qarşı yüksək həssaslıq və digər allergiyaların mövcud olması;
• anamnezdə mədə-bağırsaq traktının xroniki və residiv xora xəstəliyi daxil olmaqla, mədə-bağırsaq xoraları və ya anamnezdə mədə-bağırsaq qanaxmaları;
• antikoaqulyantlarla eyni zamanda müalicə (bax:“Digər dərman vasitələri ilə qarşılıqlı təsiri”);
• böyrək funksiyaları pozulmuş pasiyentlərdə və ya ürək-damar sisteminin pozğunluğu olan pasiyentlərdə (məsələn, böyrək çatışmazlığı, durğunluq ürək çatışmazlığı, qan həcminin tükənməsi, böyük cərrahiyyə, sepsis və ya böyük hemorragik hallar), belə ki, asetilsalisil turşusu əlavə olaraq böyrək çatışmazlığı və kəskin böyrək çatışmazlığı riskini yüksəldə bilər. Ağır qlükoza-6- fosfatdehidrogenaza (G6FD) çatışmazlığından əziyyət çəkən pasiyentlərdə asetilsalisil turşusu hemolizə və ya hemolitik anemiyaya təkan verə bilər. Hemolizin risk faktorlarına, məsələn, yüksək doza, qızdırma və ya kəskin infeksiyalar aiddir;
• qaraciyərin funksional pozğunluğu;
• bəzi QSİƏP-lər, məsələn, ibuprofen və naproksen asetilsalisil turşusunun trombositlərin aqreqasiyasına inhibəedici təsirini zəiflədə bilər. Pasiyentlərə tövsiyə edilməlidir ki, əgər onlar asetilsalisil turşusu rejimindədirlərsə və ya QSİƏP qəbul etməyi planlaşdırırlarsa, müalicə həkimləri ilə məsləhətləşməlidirlər (bax:“Digər dərman maddələri ilə qarşılıqlı təsiri”);
•Asetilsalisil turşusu bronxospazmı sürətləndirə və astma tutmaları və ya digər yüksək həssaslıq reaksiyaları törədə bilər. Risk faktorlarına əvvəllər astmanın mövcud olması, ot qızdırması, burun polipləri və ya xroniki respirator xəstəlikləri aiddir. Bunlar həmçinin digər maddələrə qarşı allergiyası olan (məs., dəri reaksiyaları, qaşınma, səpgi) pasiyentlərə aiddir;
• trombositlərin aqreqasiyasına istifadə edilməsindən sonra bir neçə gün ərzində davam edən inhibəedici təsiri nəticəsində asetilsalisil turşusu cərrahi əməliyyat zamanı və əməliyyatdan sonra (dişlərin çəkilməsi kimi, kiçik cərrahi əməliyyatlar daxil olmaqla) qanaxmaya meylliliyin artmasına səbəb ola bilər;
• aşaği dozalarda asetilsalisil turşusu sidik turşusunun ekskresiyasını azaldır. Bu, meylli pasiyentlərdə podaqra tutmalarının başlamasına təkan verə bilər;
• tərkibində asetilsalisil turşusu olan dərman preparatları həkimlə məsləhətləşmədən uşaqlarda və yeniyetmələrdə qızdırma ilə müşayiət olunan və ya qızdırmasız keçən virus infeksiyalarının müalicəsi üçün istifadə edilməməlidir. Müəyyən virus xəstəlikləri zamanı, xüsusilə A qripi, B qripi, suçiçəyi zamanı çox nadir hallarda rast gələn, lakin həyat üçün təhlükəli olan və dərhal tibbi müdaxilə tələb edən Reye sindromunun başvermə riski mövcuddur. Eyni zamanda asetilsalisil turşusunun istifadə edilməsi bu riskin yüksəlməsinə səbəb ola bilər. Lakin, səbəb-nəticə əlaqəsi sübut edilməmişdir. Əgər belə xəstəliklər zamanı davamlı qusma baş verərsə, bu, Reye sindromunun əlaməti ola bilər.
Digər dərman maddələri ilə qarşılıqlı təsiri
Əks göstəriş olan qarşılıqlı təsirlər Metotreksat (15 mq/həftə və ya daha yüksək dozalarda) Metotreksatın hematoloji toksikliyinin yüksəlməsi (iltihabəleyhinə maddələrin təsiri nəticəsində metotreksatın böyrək klirensinin azalması və salisilatlar tərəfindən metotreksatın plazma zülalları ilə bağlanmadan sıxışdırılıb çıxarılması) (bax:“Əks göstərişlər”). İstifadə zamanı ehtiyatlılıq tələb edən kombinasiyalar Metotreksat (15 mq/həftə-dən aşağı dozalarda) Metotreksatın hematoloji toksikliyinin yüksəlməsi (iltihabəleyhinə maddələrin təsiri nəticəsində metotreksatın böyrək klirensinin azalması və salisilatlar tərəfindən metotreksatın plazma zülalları ilə bağlanmadan sıxışdırılıb çıxarılması) QSİƏP-lər İbuprofen və naproksen kimi bəzi QSİƏP-in birlikdə (eyni gündə) istifadəsi asetilsalisil turşusunun trombositlərə göstərdiyi dönməz inhibəedici təsiri zəiflədə bilər. Bu qarşılıqlı təsirin klinik əhəmiyyəti məlum deyil. İbuprofen və ya naproksen kimi bəzi QSİƏP-lə müalicə ürək-damar riski yüksəlmiş pasiyentlərdə asetilsalisil turşusunun kardiovaskulyar müdafiəsini məhdudlaşdıra bilər (bax:“Xüsusi xəbərdarlıqlar və ehtiyat tədbirləri”). Antikoaqulyantlar, trombolitiklər/trombositlərin aqreqasiyasının digər inhibitorları/hemostatiklər Qanaxma riskinin yüksəlməsi. Yüksək dozada salisilatlarla digər QSİƏP Sinerqist təsir nəticəsində xora riskinin və mədə-bağırsaq qanaxmasının başvermə riskinin yüksəlməsi. Seşici serotoninin əks udulmasının inhibitorları (SSƏUİ) Mümkün sinerqist təsir nəticəsində mədə-bağırsaq traktının yuxarı şöbəsində qanaxma riskinin yüksəlməsi. Diqoksin Böyrək ekskresiyasının azalması hesabına diqoksinin plazma konsentrasiyası yüksəlir. Antidiabetik maddələr, məsələn, insulin, sulfonilsidikcövhəri törəmələri Asetilsalisil turşusunun hipoqlikemik təsiri və sulfonilsidikcövhəri törəmələrini onun plazma zülalları ilə balanmasından sıxışdırıb çıxarması nəticəsində asetilsalisil turşusunun yüksək dozalarda istifadəsi zamanı hipoqlikemik effektin yüksəlməsi. Diuretiklər asetilsalisil turşusunun yüksək dozaları ilə kombinasiyada Renal prostaqlandin sintezinin azalması vasitəsilə qlomerulyar filtrasiyanın azalması. Sistem qlükokortikoidlər, Addison xəstəliyində əvəzedici müalicə kimi istifadə olunan hidrokortizon istisna olunmaqla Kortikosteroidlərlə müalicə müddətində qanda salisilatların səviyyəsinin azalması və bu müalicədən sonra salisilatın doza həddinin aşılması salisilatların kortikosteroidlərin təsiri altında xaric olmasının yüksəlməsi nəticəsində dayanır. Angiotenzinçevirici fermentin (AÇF) inhibitorları yüksək dozalarda asetilsalisil turşusu ilə kombinasiyada Damargenişləndirici (vazodilatator) prostaqlandinlərin sintezinin inhibə edilməsi nəticəsində qlomerulyar filtrasiyanın azalması. Bundan başqa, AÇF inhibitorların antihipertenziv təsirin zəifləməsi. Valproy turşusu Zülallarla bağlanmasından sıxışdırılıb çıxarıldığı üçün valproy turşusunun toksikliyinin yüksəlməsi. Alkoqol Asetilsalisil turşusu ilə alkoqolun additiv təsiri nəticəsində mədə-bağırsaq traktının selikli qişasına zədələyici təsirin yüksəlməsi. Benzbromaron, probenesid kimi urikozurik dərman maddələri Urikozurik təsirin zəifləməsi (sidik turşusunun böyrək yumaqcıq filtrasiyası yolu ilə xaric olmasında rəqabət).
Fertillik, hamiləlik və laktasiya dövründə istifadəsi
Hamiləlik
Prostaqlandinlərin sintezinin inhibə edilməsi hamiləliyə və/və ya embrionun/dölün inkişafına mənfi təsir göstərə bilər. Epidemioloji tədqiqatların nəticələri hamiləliyin erkən mərhələlərində prostaqlandinlərin sintezini inhibə edən preparatların istifadəsindən sonra düşük riskinin və inkişaf qüsurlarının artmasına görə diqqətli olmağı tələb edir. Hesab edirlər ki, risk dozanın və müalicə müddətinin artması ilə artır. Mövcud məlumatlar asetilsalisil turşusunun istifadəsi ilə düşüklər arasında hər hansı əlaqənin olmasını təsdiq etmir. Asetilsalisil turşusuna dair mövcud epidemioloji məlumatlar onun malformasiya (eybəcər uşaq doğulması) törətməsini təsdiq etmir, lakin qastroşizisi istisna etmək olmaz. Hamiləliyin erkən dövründə (1-4-cü aylar) məruz qalma ilə 14 800-ə yaxın ana-uşaq cütlüyünün prospektiv tədqiqatında inkişaf qüsurlarının yüksək səviyyəsi ilə heç bir bağlılıq aşkar edilməmişdir. Heyvanlar üzərində aparılan tədqiqatlar zamanı reproduktiv toksiklik aşkar edilmişdir. Aşkar zərurət olmadığı hallarda hamiləliyin birinci və ikinci trimestrlərində tərkibində asetilsalisil turşusu olan preparatlar istifadə edilməməlidir. Əgər tərkibində asetilsalisil turşusu olan preparatlar hamilə qalmağa cəhd edən qadın tərəfindən istifadə olunursa və ya hamiləliyin birinci və ikinci trimestrləri dövründə istifadə olunursa, onlar mümkün qədər aşağı dozada və qısa müddət ərzində istifadə edilməlidir.
Hamiləliyin üçüncü trimestrində prostaqlandin sintezinin bütün inhibitorları dölü aşağıdakı təsirlərə məruz qoya bilər:
• kardiopulmonar toksiklik (arterial axacağın vaxtındanəvvəl bağlanması və ağciyər hipertenziyası ilə);
• böyrək disfunksiyası, hansı ki, oliqohidroamniozla müşayiət olunan böyrək çatışmazlığına qədər inkişaf edə bilər. Ana və uşaq, hamiləliyin sonunda aşağıdakı təsirlərə məruz qala bilər:
• qanaxma vaxtının uzanması, antiaqreqant effekt, hansı ki, hətta çox kiçik dozanın istifadəsindən sonra da baş verə bilər;
• uşaqlığın yığılmasının zəifləməsi baş verə bilər ki, bu da doğuşun ləngiməsinə və ya uzanmasına gətirib çıxara bilər. Ona görə də, hamiləliyin üçüncü trimestrində asetilsalisil turşusunun istifadəsi əks göstərişdir.
Laktasiya
Salisilatlar və onların metabolitləri ana südünə az miqdarda nüfuz edir. Bu vaxta qədər təsadüfi istifadədən sonra südəmər uşağa heç bir əlavə təsiri müşahidə edilmədiyindən, adətən preparatdan istifadə zamanı ana südü ilə qidalandırmanın dayandırılması tələb olunmur. Lakin, müntəzəm istifadə zamanı və ya yüksək dozaların qəbulu zamanı əvvəldən ana südü ilə qidalandırma dayandırılmalıdır. Fertillik
Mövcud məhdud məlumatlara əsaslanaraq, insanlarda aparılan tədqiqatlar, asetilsalisil turşusunun nəsilartırma funksiyasının pozulmasına təsiri və heyvan tədqiqatlarında istifadəsinə qəti sübut olmadığını göstərdi.
Pediatrik pasiyentlər
18 yaşa qədər uşaqlarda Aspirin Kardio-nun istifadəsinin effektivliyi və təhlükəsizliyi müəyyən edilməmişdir. Heç bir məlumat yoxdur. Ona görə də 18 yaşdan aşağı uşaqlarda Aspirin Kardio-nun istifadəsi tövsiyə olunmur.
Qaraciyərin funksional pozğunluğu olan pasiyentlər
Qaraciyərin ağır funksional pozğunluğu olan pasiyentlərdə Aspirin Kardionun istifadəsi əks göstərişdir (bax:“Əks göstərişlər”). Aspirin Kardio qaraciyərin funksional pozğunluğu olan pasiyentlərdə xüsusi ehtiyatla istifadə edilməlidir (bax:“Xüsusi xəbərdarlıqlar və ehtiyat tədbirləri”).
Böyrəklərin funksional pozğunluğu olan pasiyentlər
Böyrəklərin ağır funksional pozğunluğu olan pasiyentlərdə Aspirin Kardionun istifadəsi əks göstərişdir (bax:“Əks göstərişlər”). Aspirin Kardio böyrəklərin funksional pozğunluğu olan pasiyentlərdə xüsusi ehtiyatla istifadə edilməlidir, belə ki, asetilsalisil turşusu sonradan böyrək çatışmazlığının və böyrəklərin kəskin funksional pozğunluğunun riskini yüksəldə bilər (bax:“Xüsusi xəbərdarlıqlar və ehtiyat tədbirləri”).
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Nəqliyyat vasitələrini və digər potensial təhlükəli mexanizmləri idarəetmə qabiliyyətinə heç bir təsiri müşahidə edilməmişdir.
İstifadə qaydası və dozası
Daxilə qəbul üçün.
Tabletləri (dərhal azad olan) yeməkdən sonra çoxlu miqdarda su ilə qəbul etmək lazımdır. Çeynəmə tabletləri (dərhal azad olan) çeynəmək lazımdır. Mədə turşuluğuna davamlı Tabletlərin yeməkdən əvvəl, bol su ilə qəbul edilməsinə üstünlük verilməlidir. Bağırsağın qələvi mühitində azad olunmasını təmin etmək üçün mədə turşuluğuna davamlı tabletlər əzilməməli, qırılmamalı və çeynənməməlidir. Kəskin miokard infarktı: başlanğıc doza əzilməlidir və ya çeynənib udulmalıdır. Kəskin miokard infarktı: başlanğıc doza əzilməli və ya çeynənilərək udulmalıdır.
Dozası
Kəskin miokard infarktı: başlanğıc doza miokard infarktına şübhə olan kimi istifadə olunmaqla, 162- dən 325 mq-a qədər təşkil edir. 162 mq-dan 325 mq-a qədər dəstəkləyici dozanın qəbulu miokard infarktından sonra 30 gün müddətində hər gün davam etdirilir. 30 gündən sonra təkrar miokard infarktının qarşısını almaq üçün sonrakı müalicəni nəzərdən keçirmək lazımdır. Qastro-rezistent tabletlər daxil olmaqla, bu göstəriş üçün istifadə olunan bütün tablet formalarının başlanğıc dozası sürətli absorbsiyanı təmin etmək üçün xırdalanmalı və ya çeynənilərək udulmalıdır. Əvvəlki miokard infarktı: gündə 81-dən 325 mq-a qədər. İnsultun ikincili profilaktikası: gündə 81-dən 325 mq-a qədər. TİT-i olan pasiyentlərdə: gündə 81-dən 325 mq-a qədər. Stabil və qeyri-stabil stenokardiyası olan pasiyentlərdə: gündə 81-dən 325 mq-a qədər. Damaq cərrahiyyəsindən və ya müdaxiləsindən sonra tromboemboliyanın qarşısının alınması: gündə 81- dən 325 mq-a qədər. Dərin venaların trombozunun və ağciyərlərin emboliyasının profilaktikası: gündə 81-dən 200 mq-a qədər və ya günaşırı 300-dən 325 mq-a qədər. Birinci miokard infarktının başvermə riskinin azaldılması: gündə 81-dən 100 mq-a qədər və ya günaşırı 300-dən 325 mq-a qədər.
Əlavə təsirləri
Göstərilən əks Əlavə təsirləri, tədqiqat dərmanı kimi aspirin ilə bütün aspirin formulaları və kliniki sınaqlar (KS) ilə təbii marketinqdən sonrakı hesabatlarına əsaslanır. Tezliyin hesablanması yalnız Canlı Heyvanlar Üzərində Aparılmış Tədqiqatların Nəticələri (CHÜTN) tədqiqatının aspirin istiqamətindən alınan məlumatlara əsaslanır. Təhlükəsizlik profilinin xülasəsi Aspirin ilə bildirilən Əlavə təsirlərilərin tezliyi aşağıdakı cədvəldə ümumiləşdirilmişdir. Tezlik qruplaşmaları aşağıdakı konvensiyaya uyğun olaraq müəyyən edilir: ümumi (≥ 1/100 -dən < 1/10-ə ), xüsusi (≥ 1/1,000 -dən < 1/100-ə ), nadir (≥ 1/10,000 -dən < 1/1,000-ə) Yalnız marketinqdən sonrakı müşahidə zamanı müəyyən edilən və tezliyinin qiymətləndirilməsi mümkün olmayan Əlavə təsirləri “məlum olmayan” adı altında verilmişdir. Cədvəl 1: CHÜTN* və ya Aspirin Cardio ilə müalicə olunan xəstələrdə marketinq sonrası müşahidə zamanı bildirilən əlavə təsirləri
Doza həddinin aşılması
Salisilatın toksik təsiri (> 100 mq/kq/gün dozada 2 gün müddətində toksik təsir göstərə bilər) xronik, terapevtik qazanılmış və intoksikasiyanın və həyat üçün potensial təhlükəli kəskin intoksikasiyanın (doza həddi aşılmasının), uşaqların təsadüfən preparatı daxilə qəbul etməsindən tutmuş, təsadüfi intoksikaya qədər halların nəticəsi ola bilər. Salisilatla xronik zəhərlənmə qorxulu ola bilər, belə ki, onun əlamətləri və simptomları qeyrispesifikdir. Yüngül xronik salisilat intoksikasiyası və ya salisilizm adətən yalnız yüksək dozaların çoxsaylı istifadəsindən sonra baş verir. Onun simptomlarına başgicəllənmə, qulaqlarda küy, karlıq, tərləmə, ürəkbulanma və qusma, baş ağrısı və çaşqınlıq aiddir və dozanı azaltmaqla onlara nəzarət etmək olar. Tinnitus 150-dən 300 mikroqram/mL plazma konsentrasiyalarında baş verə bilər. Daha ciddi əlavə təsirlər 300 mikroqram/mL-dən yuxarı konsentrasiyalarda baş verir. Kəskin intoksikasiyanın prinsipial xüsusiyyəti turşu-qələvi balansının ciddi pozulmasıdır, hansı ki, yaşdan və intoksikasiyanın ağırlığından asılı olaraq dəyişə bilər. Uşaq üçün ən çox yayılmış əlamət metabolik asidozdur. Zəhərlənmənin ağırlığı yalnız plazma konsentrasiyasına əsasən qiymətləndirilə bilməz. Asetilsalisil turşusunun absorbsiyasını mədənin boşaldılması ilə, qastro-rezistent preparatların qəbulu ilə azaltmaq olar. Asetilsalisil turşusunun intoksikasiyasına nəzarət onun dərəcəsi ilə, mərhələsi və klinik simptomları və zəhərlənməyə müvafiq standart metodlarla müəyyən edilir. Əsas tədbirlərə preparatın xaric olmasının sürətləndirilməsi, həmçinin elektrolit və turşunun metabolizminin bərpa edilməsi aiddir. Mürəkkəb patofizioloji mexanizmlər səbəbindən salisilatlarla zəhərlənməyə aşağıdakı əlamətlər və simptomlar aiddir.
Buraxılış forması
Aspirin Kardio 100 mq
14 tablet, blisterdə. 2 blister içlik vərəqə ilə birlikdə karton qutuya qablaşdırılır.
Aspirin kardio 300 mq
10 tablet, blisterdə. 2 blister, içlik vərəqə ilə birlikdə karton qutuya qablaşdırılır.
Saxlanma şəraiti
25°C-dən aşağı temperaturda və uşaqların əli çatmayan yerdə saxlamaq lazımdır.
Yararlılıq müddəti
5 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
Bayer AG. 51368,
Leverkuzen, Almaniya.
Qablaşdırıcı
Bayer Bitterfeld GmbH,
D-06803 Qreppin, Almaniya.