Pharmed
ASPIRIN 500MG N10 TB
Dərman vasitəsinin istifadəsi üzrə təlimat (xəstələr üçün)
ASETİLSALİSİL TURŞUSU tabletlər
ACETYLSALICYLIC ACID
Beynəlxalq patentləşdirilməmiş adı: Acetylsalicylic acid
Tərkibi
Təsiredici maddə: 1 tabletin tərkibində 500 mq asetilsalisil turşusu vardır.
Köməkçi maddələr:kartof nişastası, limon turşusu, talk, stearin turşusu, susuz kolloidal silisium.
Təsviri
Ağ rəngli, azacıq mərmər şəkilli, xarakterik qoxulu, yastı silindr formalı, üzərində xətti olan, iti kənarlı tabletlərdir.
Farmakoterapevtik qrupu
Digər analgetiklər və antipiretiklər. Salisil turşusu və onun törəmələri.
ATC kodu: N02BA01.
İstifadəsinə göstərişlər
- Zəif və orta intensivliyə malik müxtəlif mənşəli ağrılar: başağrısı, diş ağrısı, oynaqlarda və əzələlərdə
ağrı, kürəkdə ağrı, nevralgiya, menstruasiya zamanı ağrı;
- Böyüklərdə və 15 yaşdan yuxarı uşaqlarda infeksion-iltihabi və soyuqdəymə xəstəlikləri
zamanı bədən temperaturunun yüksəlməsi.
Həkim məsləhəti olmadan dörd gündən artıq olmayan qısa müddətli istifadəsinə yol verilir.
Əks göstərişlər
- Qlükoza-6-fosfatdehidrogenazanın çatışmazlığı;
- preparatın istənilən komponentinə və salisil turşusuna qarşı yüksək həssaslıq;
- MBT-nin ağırlaşma fazasında eroziv-xoralı zədələnməsi;
- mədə-bağırsaq qanaxması; - “aspirin” astması və “aspirin” triadası;
- hemorragik diatezlər (Villebrand xəstəliyi, trombositopenik purpura, teleangioektaziya), hipoprotrombinemiya, hemofiliya;
- aortanın təbəqələşən anevrizmi, ağır ürək çatışmazlığı (NYHA üzrə III-IV sinif); - portal hipertenziya;
- K vitamininin çatışmazlığı;
- metotreksatın 15 mq/həftə və artıq dozada qəbulu;
- böyrək və qaraciyər çatışmazlığı;
- hamiləliyin I və III trimestri, laktasiya;
- podaqra və podaqralı artrit;
- viruslu xəstəliklər fonunda hipertermiya ilə 15 yaşa qədər uşaqlar.
Xüsusi göstərişlər və ehtiyat tədbirləri
Pediatriyada istifadəsi virus infeksiyası və ya KRX hipertermiyalı (qızdırma) 15 yaşdan aşağı uşaqlarda
asetilsalisil turşusunun istifadəsi Reye sindromunun (beyin və qaraciyər zədələnməsi) inkişafı riski yüksəkdir.
Bu səbəbdən bu qrup pasiyentlərdə asetilsalisil turşusu əks göstərişdir və yalnız məhdud hallarda
(kəskin revmatik qızdırmanın, perikarditin müalicəsi) istifadə edilir.
Cərrahi müdaxilə zamanı istifadəsi
Nəzərdə tutulan cərrahi müdaxilədən 5-7 gün əvvəl, cərrahi əməliyyat zamanı və sonrakı dövrdə
qanaxma riskini azaltmaq üçün, asetilsalisil turşusunun qəbulunu dayandırmaq vacibdir.
Asetilsalisil turşusunun uzun müddət istifadəsi
Asetilsalisil turşusunu uzun müddət istifadəsinə ehtiyac olduqda, periferik qanın mənzərəsinə
nəzarət etmək və nəcisdə gizli qanın olmasını tədqiq etmək lazımdır. Əsasən MBT eroziv-xoralı
zədələnmələri, anamnezdə mədə-bağırsaq qanaxmaları, böyrək və qaraciyər funksiyasının pozulması olan şəxslərdə.
Bronx-ağciyər sistemində patologiyalı şəxslərdə istifadəsi
Bronxial astma, burun polipozu və ot qızdırması olan pasiyentlərdə asetilsalisil turşusunun
istifadəsi xəstəliyin kəskinləşməsinə səbəb ola bilər.
Digər dərman vasitələri ilə qarşılıqlı təsiri
Eyni vaxtda istifadəsi zamanı zülallarla birləşməsindən sıxışdırıb çıxardığı üçün metotreksatın hepatotoksikliyini, valproat və fenitoinin toksik effektini gücləndirir. Hipoqlikemik vasitələrin, triyodtironinin, sulfanilamidlərin, rezerpinin effektini gücləndirir. Böyrək ekskresiyası azaldığı üçün barbituratların, diqoksinin, litium duzlarının qan plazmasında konsentrasiyası artır. Dolayı antikoaqulyantlarla, trombositlərin aqreqasiyasının inhibitorları, trombolitik vasitələrlə eyni vaxtda istifadə etdikdə, qanaxma riski artır. Serotoninin geriyə tutulmasının selektiv inhibitorları və digər qeyri-steroid iltihabəleyhinə preparatlar (QSİƏP yüksək dozada) sinergist effektə görə xora zədələnmələrinin və mədəbağırsaq qanaxmasının inkişafı riskini artırır. Digər qeyri-steroid analgetiklər/iltihabəleyhinə vasitələrlə (asetilsalisil turşusunun sutkada 3 q və daha artıq dozada) eyni vaxtda istifadəsi xoralı zədələmələri və mədə-bağırsaq traktının qanaxması riskini artırır. Antihipertenziv vasitələrin effektini azaldır: ACF inhibitorları və/ya aspirinlə birlikdə betablokatorlar qəbul edən arterial hipertenziyalı pasiyentlərdə arterial təzyiqə ciddi nəzarət, ehtiyac olduqda, dozanı korreksiya etmək lazımdır. Diuretiklərlə asetilsalisil turşusunun yüksək dozalarda istifadəsi zamanı sidikqovucu effektin zəifləməsi baş verir. Sistem qlükokortikoidlər asetilsalisil turşusunun mədənin selikli qişasına toksik təsirini gücləndirir, bununla da, qanaxma riskini yüksəldir; müalicə dövründə asetilsalisil turşusunun klirensinin artması hesabına qanda salisilatların səviyyəsini azaldırlar, müalicə dayandırıldıqdan sonra isə salisilatlarla doza həddinin aşılması riskini artırırlar. Nefron kanalcıqlarında sidik turşusunun rəqib xaric olması hesabına urikozurik vasitələrin təsirini zəiflədir. Alkoqolun mədə-bağırsaq traktının selikli qışasına toksik təsirini gücləndirir. Tərkibində maqnezium və/ya alüminium hidroksid olan antasidlər asetilsalisil turşusunun sorulmasını ləngidir və pisləşdirir.
Hamiləlik və laktasiya dövründə istifadəsi
Hamiləliyin I və III trimestrində asetilsalisil turşusunun qəbulu qadağandır. Hamiləliyin III trimestrində asetilsalisil turşusunu 500 mq/sutka dozadan artıq istifadə etdikdə, döldə arterial axacağın vaxtından əvvəl bağlanması, ağciyər hipertenziyasının inkişafı, döl mayesinin azlığı əmələ gəlməklə böyrək çatışmazlığına qədər yaranan böyrəklərin disfunksiyası, hamiləliyin sonunda anada və döldə qanaxma vaxtının uzanması mümkündür. Hamiləliyin II trimestrində asetilsalisil turşusunun epizodik istifadəsi yolveriləndir. Salisilatların az miqdarda ana südünə nüfuz etdiyi üçün laktasiya dövründə onların istifadəsinə ehtiyac olduqda, ana südü ilə qidalandırmanı dayandırmaq lazımdır.
İstifadə qaydası və dozası
Yeməkdən sonra yarım stəkan su ilə və ya qələvili mineral su ilə daxilə qəbul edilir. Böyüklərdə zəif və orta intensivliyə malik ağrı sindromu və qızdırma zamanı maksimal birdəfəlik doza 1000 mq, 15 yaşdan yuxarı uşaqlarda 500 mq təşkil edir. Böyüklər üçün birdəfəlik doza 1-2 tablet (500-1000 mq), 15 yaşdan yuxarı uşaqlarda 1 tablet (500 mq) təşkil edir. Ehtiyac olduqda, dərman vasitəsini 4 saatdan az interval olmamaqla sutkada 3 dəfə qəbul etmək olar. Böyüklərdə maksimal sutkalıq doza 6 tablet (3000 mq), 15 yaşdan yuxarı uşaqlarda 3 tabletdir (1500 mq). Yaşlı şəxslərdə: adi birdəfəlik doza 1 tablet (500 mq), daha güclü ağrı zamanı 2 tabletdir. Ehtiyac olduqda, 4 saatdan tez olmamaqla, qəbulu təkrar etmək olar. Maksimal sutkalıq doza 4 tabletdir.
Əlavə təsirləri
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara görə tezliyi qiymətləndirmək mümkün deyil). Həzm sistemində baş verən pozğunluqlar: tez-tez – ürəkbulanma, qusma, iştahanın itməsi, mədədə ağrı, diareya; nadir hallarda – mədə-bağırsaq traktının (MBT) eroziv-xoralı zədələnməsi, qaraciyər çatışmazlığı, mədə-bağırsaq qanaxması. Mərkəzi sinir sistemində baş verən pozğunluqlar: uzun müddət istifadəsi zamanı – başgicəllənmə, başağrı, görmənin geridönən pozuntusu, qulaqlarda küy, aseptik meningit. Qanyaradıcı orqanlarda baş verən pozğunluqlar: nadir hallarda – trombositopeniya, anemiya, aqranulositoz, pansitopeniya, leykopeniya. Qlükoza-6-fosfatdehidrogenaza defisiti olan pasiyentlərdə hemoliz və hemolitik anemiya barədə məlumat verilmişdir. Nadir və ya çox nadir hallarda həyat üçün təhlükəli ola bilən mədə-bağırsaq qanaxması kimi ciddi qanaxmalar, kəllədaxili qansızma (xüsusilə nəzarət olunmayan hipertenziyalı pasiyentlərdə və/ya antikoaqulyantların yanaşı qəbulu) yarana bilər. Əməliyyatdan sonrakı qanaxmalar, damaq qanaxması, dəri qansızmaları, qanaxma vaxtının mümkün uzanması ilə burun və sidik-cinsiyyət qanaxması. Sidikçıxarıcı yollarda baş verən pozğunluqlar: nadir hallarda – böyrəklərin funksiyasının pozulması; uzun müddət istifadəsi zamanı – nefrotik sindrom, kəskin böyrək çatışmazlığı. Allergik reaksiyalar: bəzən – dəri səpgisi; nadir hallarda – angionevrotik ödem, bronxospazm, “aspirin” astması və “aspirin” triadası (Fernon-Vidal sindromu), ağır dəri reaksiyaları (multiformalı ekssudativ eritema, Stivens-Conson sindromu, toksik epidermal nekroliz kimi). Digər: çox nadir hallarda – Reye sindrom (kəskin piy distrofiyası və qaraciyər-toxuma çatışmazlığı ilə ensefalopatiya); uzun müddət istifadəsi zamanı – xroniki ürək çatışmazlığının ağırlığının güclənməsi.
Doza həddinin aşılması
Yaşlı pasiyentlərdə intoksikasiyadan ehtiyat edilməlidir (doza həddinin terapevtik aşılması
və ya iri miqyaslı intoksikasiya letal sonluğa səbəb ola bilər).
Doza həddinin orta ağır aşılması
Ürəkbulanma, qusma, qulaqlarda küy, eşitmənin pozulması, başağrı, başgicəllənmə və şüurun dumanlanması.
Bu simptomlar preparatın dozasının azaldılması zamanı aradan qalxır.
Doza həddinin ağır dərəcəli aşılması
Qızdırma, hiperventilyasiya, ketoz, respirator alkaloz, metabolik asidoz, koma, kardiogen şok,
tənəffüs çatışmazlığı, ifadəolunmuş hipoqlikemiya.
Müalicəsi
Hospitalizasiya, lavaj, aktivləşdirilmiş kömürün qəbulu, turşu-qələvi balansının monitorinqi, pH7,5-8 (qan plazmasında salisilatın konsentrasiyası böyüklərdə 500 mq/l (3,6 mmol/l) və ya uşaqlarda 300 mq/l (2,2 mmol/l) olduqda, sürətləndirilmiş qələvi diurez əldə edilən hesab olunur), hemodializ, itirilən mayenin bərpası, simptomatik terapiya.
Buraxılış forması
10 tablet, polimer örtüklü kağızdan və ya kağız və ya karton əsasında hazırlanmış
kombinəolunmuş materialdan ibarət konturlu-yuvasız qablaşdırmada. Konturlu-yuvasız
qablaşdırmalar, eyni sayda içlik vərəqə ilə birlikdə karton qutu bağlamaya qablaşdırılır.
Saxlanma şəraiti
25°C-dən yüksək olmayan temperaturda, rütubətdən və işıqdan qorunan və uşaqların əli çatmayan yerdə saxlamaq lazımdır.
Yararlılıq müddəti
4 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı
“Borisov Dərman Preparatları Müəssisəsi” ASC. Belarus Respublikası, Minsk vilayəti, Borisov ş., Çapayev k., 64. T