Pharmed
ASKORBIN KISLOTA 50MG N200 DRJ
TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev
“_____”______________ 2021-ci il
Dərman vasitəsinin istifadəsi üzrə təlimat (xəstələr üçün)
ASKORBİN TURŞUSU drajelər
ASCORBIC ACID
Beynəlxalq patentləşdirilməmiş adı: Ascorbic acid
Tərkibi
Təsiredici maddə: 1 drajenin tərkibində 0,05 q askorbin turşusu vardır
Köməkçi maddələr: şəkər, nişasta patkası, günəbaxan yağı, mum, talk, aromatik essensiya,
xinolon sarısı boya maddəsi E-104
Təsviri
Yaşılımtıl-sarı və ya sarı rəngli, kürəşəkilli, bircinsli rəngli drajelərdir.
Farmakoterapevtik qrupu
Vitamin.
ATC kodu: A11GA01.
Farmakolojı xüsusiyyətləri
Askorbin turşusu bir çox oksidləşmə-reduksiya reaksiyalarında iştirak edir, orqanizmə qeyri-
spesifik ümumtonuslandırıcı təsir göstərir. Orqanizmin adaptasiyaedici qabiliyyətini və onun
infeksiyalara qarşı müqavimətini yüksəldir; regenerasiya proseslərini stimullaşdırır.
İstifadəsinə gostərişlər
C vitamininin hipo- və avitaminozunun profilaktikası və müalicəsi. Köməkçi vasitə kimi:
hemorragik diatez, burun, uşaqlıq, ağciyər qanaxmaları; antikoaqulyantların doza həddinin aşılması;
mədə-bağırsaq traktının C vitamininin sorulmasının pozulması ilə müşayiət olunan xəstəlikləri; gec
sağalan yaralar. Fiziki və zehni işlə yüklənmə, hamiləlik və döşlə qidalandırma dövrü, uzunmüddətli
və ağır xəstəliklərdən sonra sağalma dövrü.
Əks göstərişlər
Preparatın komponentlərinə qarşı yüksək həssaslıq, tromboflebitlər, trombozlara meyillilik, şəkərli
diabet, hiperoksalaturiyalı (sidikdə oksalat turşusu duzlarının artması) xəstələrdə istifadəsi.
Xüsusi göstərişlər və ehtiyat tədbirləri
Hiperoksaluriya, böyrək çatışmazlığı, hemoxromatoz, talassemiya, polisitemiya, leykemiya,
sideroblast anemiya, qlükozo-6-fosfatdehidrogenaza çatışmazlığı, oraqvarı anemiya, şiddətlənən
bədxassəli xəstəliklər, hamiləlik.
Askorbin turşusunun kortikosteroid hormonların əmələ gəlməsinə stimullaşdırıcı təsir göstərməsi
ilə bağlı olaraq böyrəküstü vəzilərin funksiyasını və arterial təzyiqi izləmək lazımdır. Uzun müddət
yüksək dozalarda istifadə zamanı mədəaltı vəzinin insulyar aparatının funksiyasının tormozlanması mümkündür, ona görə də müalicə prosesində mədəaltı vəzinin funksiyasına müntəzəm olaraq
nəzarət etmək lazımdır.
Orqanizmində dəmirin miqdarı yüksəlmiş olan pasiyentlərdə askorbin turşusunu minimal dozalarda
istifadə etmək lazımdır.
Sürətlə proliferasiya olunan və intensiv metastaz verən şişləri olan pasiyentlərə askorbin turşusunun
təyin edilməsi prosesin gedişini ağırlaşdıra bilər.
Askorbin turşusu reduksiyaedici kimi müxtəlif laborator testlərin (qanda qlükozanın, bilirubinin,
kreatinin, sidik turşusunun, transaminazaların aktivliyinin, LDH-nin təyini, nəcisdə gizli qanın
təyininin) nəticələrini təhrif edə bilər.
Digər dərman vasitələri ilə qarşılıqlı təsiri
Qanda benzilpenisillinin və tetrasiklinlərin konsentrasiyasını yüksəldir; 1 q/gün dozada
etinilestradiolun biomənimsənilməsini yüksəldir. Bağırsaqda dəmir preparatlarının sorulmasını
yaxşılaşdırır (üçvalentli dəmiri ikivalentliyə çevirir); deferoksaminlə birlikdə istifadə zamanı
dəmirin ekskresiyasını yüksəldə bilər.
Askorbin turşusu amfetaminin böyrəklər vasitəsilə çıxarılmasını artırır.
Asetilsalisil turşusu (AST), peroral kontraseptivlər, təzə şirələr və qələvili içkilər preparatın
sorulmasını və mənimsənilməsini aşağı salır.
AST ilə birlikdə istifadə zamanı askorbin turşusunun sidiklə xaric olması yüksəlir, AST-nin
ekskresiyası azalır. AST askorbin turşusunun absorbsiyasını təqribən 30% aşağı salır.
Salisilatlarla və qısamüddətli təsirə malik sulfanilamidlərlə müalicə zamanı kristalluriyanın inkişaf
riskini yüksəldir, turşuların böyrəklər vasitəsilə xaric olmasını ləngidir, qələvi reaksiyaya malik
preparatların (o cümlədən alkaloidlərin) xaric olmasını yüksəldir, qanda peroral kontraseptivlərin
konsentrasiyasını aşağı salır.
Etanolun ümumi klirensini yüksəldir, o isə öz növbəsində orqanizmdə askorbin turşusunun
konsentrasiyasını aşağı salır.
Xinolon qrupu preparatları (flüorxinolonlar və s.), kalsium-xlorid, salisilatlar,
qlükokortikosteroidlər uzunmüddətli istifadə zamanı askorbin turşusunun ehtiyatlarını tükədir.
Birlikdə istifadə zamanı izoprenalinin xronotrop təsirini azaldır.
Uzun müddət və ya yüksək dozalarda istifadə zamanı disulfiram-etanol qarşılıqlı təsirini poza bilər.
Yüksək dozalarda meksiletinin böyrək ekskresiyasını yüksəldir.
Barbituratlar və primidon askorbin turşusunun sidiklə xaric olmasını yüksəldir.
Antipsixotik vasitələrin (fenotiazin törəmələrinin) müalicəvi təsirini, amfetaminin və trisiklik
antidepressantların kanal reabsorbsiyasını zəiflədir.
Hamiləlik və laktasiya dövründə istifadəsi
Hamiləliyin II-III trimestrlərində askorbin turşusuna olan gündəlik minimal tələbat – 60 mq-a
yaxındır.
Döşlə qidalandırma dövründə gündəlik minimal tələbat – 80 mq. Ananın tərkibində adekvat
miqdarda askorbin turşusu olan pəhrizi südəmər uşaqda C vitamin çatışmazlığının profilaktikası
üçün kifayətdir (südəmər uşağı olan analara askorbin turşusuna olan maksimal gündəlik tələbatı
aşmaq tövsiyə olunmur).
İstifadə qaydası və dozası
Preparat yeməkdən sonra daxilə qəbul edilir.
Profilaktika üçün: böyüklərə – gündə 0,05-0,1 q (1-2 draje), 5 yaşından etibarən uşaqlara – gündə
0,05 q (1 draje).
Müalicə üçün: böyüklərə – gündə 3-5 dəfə 0,05-0,1 q (1-2 draje), 5 yaşından etibarən uşaqlara –
gündə 2-3 dəfə 0,05-0,1 q (1 draje).
Hamiləlik və laktasiya dövründə 10-15 gün müddətində gündə 0,3 q (6 draje), sonra gündə 0,1 q
(gündə 2 draje).
Əlavə təsirləri
Mərkəzi sinir sisteminə (MSS): baş ağrısı, yorğunluq hissi, uzun müddət yüksək dozalarda istifadə
zamanı – MSS-in oyanıqlığının yüksəlməsi, yuxunun pozulması.
Həzm sisteminə: mədə-bağırsaq traktının selikli qişasının qıcıqlanması, ürəkbulanma, qusma,
yüksək dozalarda qəbul zamanı diareya, mədə spazmları.
Endokrin sistemə: mədəaltı vəzinin insulyar aparatının funksiyasının tormozlanması
(hiperqlikemiya, qlükozuriya).
Sidik-ifrazat sisteminə: yüksək dozalarda istifadə zamanı – diurezin artması, hiperoksalaturiya və
kalsium-oksalat tərkibli sidik daşlarının əmələ gəlməsi.
Ürək-damar sisteminə: tromboz, yüksək dozalarda istifadə zamanı – arterial təzyiqin yüksəlməsi,
mikroangiopatiyanın, miokardiodistrofiyanın inkişafı.
Allergik reaksiyalar: dəri səpgisi, nadir hallarda – anafilaktik şok.
Laborator göstəricilərə: trombositoz, hiperprotrombinemiya, eritropeniya, neytrofil leykositoz,
hipokaliemiya.
Digər: hipervitaminoz, istilik hissi, uzun müddət yüksək dozalarda istifadə zamanı – natriumun
(Na+
) və mayenin ləngiməsi, sink (Zn2+) və mis (Cu2+) mübadiləsinin pozulması.
Doza həddinin aşılması
Gündə 1 q-dan artıq qəbul edildiyi zaman qıcqırma, diareya, sidiyəgetmənin çətinləşməsi və ya
sidiyin qırmızı rəngə boyanması, hemoliz (qlükozo-6-fosfatdehidrogenazanın çatışmazlığı olan
pasiyentlərdə) mümkündür.
Hər hansı əlavə təsir meydana çıxarsa, preparatın qəbulunu dayandırmaq və həkimə müraciət etmək
lazımdır. Doza həddinin aşılması zamanı mədənin yuyulması və simptomatik müalicə göstərişdir.
Buraxılış forması
Draje 0,05 q.
200 draje şüşə flakonlarda və ya polimer flakonlarda.
10 draje, konturlu-yuvalı qablaşdırmada.
Bir flakon və ya 5 konturlu-yuvalı qablaşdırma içlik vərəqə ilə birlikdə karton qutuya qablaşdırılır.
150 flakonun və ya konturlu-yuvalı qablaşdırmanın eyni sayda içlik vərəqə ilə birlikdə karton
yeşiklərə qablaşdırılmasına yol verilir.
Saxlanma şəraiti
25°C-dən yüksək olmayan temperaturda, quru, qaranlıq və uşaqların əli çatmayan yerdə saxlamaq
lazımdır.
Yararlılıq müddəti
2 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı/Qeydiyyat vəsiqəsinin sahibi
Marbiofarm ASC, Rusiya Federasiyası.
424006, Rusiya Federasiyası, Mariy El Respublikası, Yoşkar-Ola şəh., K.Marks küç., 121,
Tel.: (8362) 42-03-12, faks: (8362) 45-00-00.