Pharmed

ANUZOL N10 SAM (BIOSINTEZ)

ANUZOL, rektal suppozitoriyalar

ANUZOL tərkibi

Təsiredici maddələr:1 suppozitoriyanın tərkibində 0,1 q bismut tribromfenolyat və bismut oksid kompleksi (kseroform), 0,02 q xanımotu yarpaqlarının (belladonna) quru ekstraktı, 0,05 q sink sulfat vardır.

İstifadəsinə göstərişlər

Babasil, anal çatlar.

Əks göstərişlər

Preparatın istənilən komponentinə qarşı yüksək həssaslıq, mədə-bağırsaq sisteminin obstruktiv xəstəlikləri, bağırsağın atoniyası, aktiv xoralı kolit, dekompensasiya mərhələsində xroniki ürək çatışmazlığı, taxikardiya, miasteniya, bağlıbucaqlı qlaukoma, prostat vəzinin xoşxassəli hiperplaziyası, hamiləlik, laktasiya dövrü, 18 yaşa qədər uşaqlar.

Hamiləlik və laktasiya dövründə istifadəsi

Hamiləlik və laktasiya dövründə preparatın istifadəsi əks göstərişdir. Laktasiya dövründə preparatın istifadəsinə ehtiyac olduqda, ana südü ilə qidalandırmanı dayandırmaq lazımdır.

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Müalicə dövründə nəqliyyat vasitəsi idarə etmək və yüksək diqqət, sürətli psixomotor reaksiya və yaxşı görmə tələb edən potensial təhlükəli fəaliyyət növlərilə məşğul olmaq olmaz.

ANUZOL istifadə qaydası və dozası

Təmizləyici imalədən və ya bağırsağın sərbəst boşalmasından sonra rektal istifadə edilir. Sutkada 1-2 dəfə 1 suppozitoriya düz bağırsağa yeridilir. Maksimal sutkalıq doza 7 suppozitoriyadır. Adətən müalicə kursunun müddəti 7-10 gün təşkil edir.