pharmed
ANALGIN 500MG N20 TB
ANALGİN® tabletlər ANALGIN®
Beynəlxalq patentləşdirilməmiş adı: Metamizole sodium
Tərkibi
Təsiredici maddə: 1 tabletin tərkibində 500 mq metamizol natrium (metamizole sodium) vardır.
Кöməkçi maddələr: mikrokristallik selluloza, maqnezium stearat, povidon K25, buğda nişastası, talk.
Təsviri
Yumru 13 mm diametrində yastı, ağ və ya ağımtıl, qoxusuz, bir tərəfdən bölücü zolağı olan tabletlərdir. Bölücü zolağ tableti 2 eyni yerə bölmək üçündür.
Farmakoterapevtik qrupu
Analgetiklər və antipiretiklər. Pirazolonlar.
ATC kodu: N02BB02.
Farmakoloji xüsusiyyətləri
Farmakodinamikası
Metamizol natrium güclü ağrıkəsici və qızdırmasalıcı təsirə malik pirazolon qrupundan olan analgetikdir. Zəif iltihabəleyhinə aktivliyə və spazmolitik təsirə malikdi. Onun əsas təsir mexanizmi siklooksigenazanın inhibə etməsi yolu ilə prostaqlandinlərin sintezinin tormozlanmasından ibarətdir. Beta-endorfinlərin azad olunmasını stimulə edir, endogen pirogenlərin səviyyəsini azaldır və bilavasitə hipotalamusun termorequlyasiya mərkəzinə təsir göstərir.
Farmakokinetikası
Sorulması
Peroral istifadəsindən sonra metamizol mədə-bağırsaq traktında hidroliz olunur. Aktiv metabolitlər bunlardır: 4-metil-amin-antipirin (MAA) və 4-amin-antipirin (AA). MAA tam və tez sorulur. Maksimum plazmada konsentrasiyası 1-2 saat ərzində müşahidə olunur. MAA biomənimsənilməsi 90%-ə qədərdir. Metamizolun farmakokinetikasına qida təsir göstərmir.
Paylanması
Plazma zülalları ilə 50-60% birləşir. Hematoensefalik və plasentar baryerdən keçir. Paylanmanın həcmi – 0,7 l/kq.
Metabolizmi
Metamizol mədə-bağırsaq traktında və qaraciyərdə intensiv biotransformasiyaya uğrayır. Onun əsas metaboliti olan MAA qaraciyərdə başqa metabolitlərə çevrilir, AA daxil olmaqla, hansi ki farmakoloji aktivliyə malikdir.
Xaric olması
Metamizolun sidik yolu ilə metabolitlər şəklində xaric edilir, yalnız 3% dəyişməmiş şəkildə qalır.
İstifadəsinə göstərişlər
Analgin tabletlərin tərkibində Metamizol natrium təsiredici maddə daxildir, hansı ki, ağrıkəsici dərman vasitələrinə daxildir. Ağrıkəsici xüsusiyyətindən başqa onun qızdırmasalıcı xassəsi də vardır.
Analgin istifadə edilir:
müxtəlif lokalizasiyalı orta və ya güclü ağrılar, baş ağrısı, dış ağrısı, nevralgiyalar, nevritlər, mialgiyalar, travmalar, yanıqlar, əməliyyatdan sonra baş verən ağrılar, fantom ağrıları, alqomenoreya, onkoloji xəstəliklər zamanı baş verən ağrılar, böyrək və qaraciyər sancıları.
qızdırmasalıcı vasitə.
Əks göstərişlər
Metamizola və ya preparatın digər komponentlərindən istənilən birinə qarşı allergiya (hiperhəssaslıq).
Kəskin qaraciyər porfiriyası (eritrositlərin əmələ gəlmə pozğunluğu olan irsi xəstəlik) və ya anadangəlmə glükoza-6-fosfatdehidrogenaza fermentinin çatışmazlığı (qirmızı qan cisimciklərinin dağılma təhlükəsinin olması ilə keçən irsi xəstəlik).
Ağır böyrək və qaraciyər xəstəlikləri.
Sümük iliyi funksiyasının pozulması (sitostatik müalicədən sonra) və ya qan xəstəlikləri, məsələn, aplastik anemiya (qan hüceyrələrinin miqdarının azalması nəticəsində əmələ gələn halsızlıq, sizanaqlar və infeksiyaların yaranma ehtimalının artması), aqranulositoz (ağ qan hüceyrələrinin müəyyən növünün əhəmiyyətli dərəcədə azalması) və leykopeniya (ağ qan hüceyrələrinin ümumi miqdarının azalması).
Hamiləlik (son 3 ay) ərzində.
Xüsusi göstərişlər və ehtiyyat tədbirləri
Qaraciyər problemləri
Metamizol istifadə edən xəstələrdə qaraciyərin iltihabı haqqında məlumat vardır və simptomlar müalicənin başlanmasından bir neçə gündən bir neçə aya qədər sonra inkişaf edir.
Ürəkbulanma və ya qusma, qızdırma, yorğunluq hissi, iştahsızlıq, tünd sidik, açıq rəngli nəcis, dərinin və ya gözlərin ağlarının saralması, dəridə qaşınma və səpgi və ya qarnın yuxarı hissəsində ağrı kimi qaraciyər problemlərinin əlamətləri varsa, Analgin istifadəsini dayandırın və həkiminizə müraciət edin , Həkiminiz qaraciyər funksiyanızı yoxlayacaq.
Əgər əvvəllər tərkibində metamizol olan bir dərman vasitəsi qəbul etmisinizsə və sizdə qaraciyər problemləri olubsa, Analgin istifadə etməməlisiniz.
Ciddi dəri reaksiyaları
Metamizolun qəbulu ilə əlaqəli ciddi dəri reaksiyaları, o cümlədən Stivens-Conson sindromu, toksik epidermal nekroliz, eozinofiliya və sistem simptomları (DRESS) halları bildirilmişdir. "Əlavə təsirlər" bölməsində təsvir edilən bu ciddi dəri reaksiyaları ilə əlaqəli simptomlardan hər hansı birini görsəniz, metamizolun istifadəsini dayandırın və dərhal həkimə müraciət edin.
Əgər sizdə keçmişdə ciddi dəri reaksiyaları olubsa, siz heç vaxt Analgin ilə müalicəni bərpa etməməlisiniz (“Əlavə təsirlər” bölməsinə baxın).
Analgin xüsusi ehtiyatla qəbul etmək lazımdır:
əgər Sizdə ağrıkəsicilərə və ya revmatizmin müalicəsində istifadə olunun dərmanlara və ya diqər dərman vasitələrinə və qida məhsullarına garşı allergiya varsa;
allergik mənşəli bronxial astma (boğulma tutması);
ağ qan hüceyrələrinin (leykositlərin) miqdarının azalması ilə müşayiət olunan xəstəlik;
qaraciyərin və ya böyrəklərin funksional pozğunluğu;
əqər qan təzyiqiniz normadan aşağıdırsa preparatı qəbul edərkən diqqətli olmalısınız.
Bəzi tərkib hissələri barədə vacib məlumat
Dərman preparatının tərkibində cox az miqdarda buğda nişastası vardır. Seliakiyası (qlüten enteropatiyası) olan insanlar üçün çətin ki, hər hansı bir problem yaratsın. Bir tabletin tərkibində qlütenin miqdarı 3,4 mikroqramdan artıq deyil. Buğdaya allergiyası olan pasiyentlər bu dərmanı qəbul etməməlidir.
Analginin tərkibində natrium vardır.
Hər bir tabletin tərkibində 32,7 mq natrium var, bu da öz növbəsində Ümumdünya Səhiyyə Təşkilatın (WHO) böyüklər ücün tövsiyyə etdiyi natriumun maksimal ğündəlik dozasının (2 q) 1,6%-na bərabərdir.
Digər dərman vasitələri ilə qarşılıqlı təsiri
Hal-hazırda və yaxın zamanlarda qəbul etdiyiniz digər dərman preparatları haqqında (o cümlədən reseptsiz buraxılan) həkiminizə və ya əczaçıya məlumat verməyiniz xahiş olunur.
Analginin və xloropromazinin (psixi xəstələklərin müalicəsində istifadə olunan dərman maddəsi) birlikdə istifadə olunması bədən temperatunun əhəmiyyətli dərəcədə aşağı düşməsinə qətirib çıxarda bilər.
Metamizol və asenokumarol və varfarin kimi (qan laxtalanmasını azaldan dərmanlar) kumarin antikoaqulyantları ilə eyni vaxtda istifadəsindən yayınmaq məsləhətdir.
Metamizol bəzi dərmanların təsirini azalda bildiyi üçün Analgin aşağıdakı dərmanlarla birlikdə ehtiyatla istifadə olunmalıdır:
bupropion, depressiyanı müalicə etmək üçün və ya siqareti buraxmağa köməkçi dərman kimi;
efavirenz, HİV/AİDS-in müalicəsində istifadə olunan dərman;
metadon, qadağan olunmuş maddələrın (opioidlər) asılılığını müalicə etmək üçün istifadə olunan bir dərman;
valproat, epilepsiya və ya bipolyar pozuntunun müalicəsində istifadə olunan dərman;
takrolimus, transplantasiya olunan xəstələrdə orqan rədd edilməsinin qarşısını almaq üçün istifadə olunan preparat;
sertralin, depressiyanı müalicə etmək üçün istifadə edilən dərman.
Xloramfenikol və digər mielotoksik preparatlar (qanyaranmanı zədələyən dərman maddələri) metamizol ilə birgə qəbulu qanyaradıcı sistemə arzuolunmaz effektlərin başvermə riskini artırır.
Analgini yuxu dərmanları, depressiyanın müalicəsi üçün preparatlarla, hamiləliyə qarşı peroral preparatlarla, analgetiklərlə, podaqranın müalicəsi üçün preparatlarla (allopurinol) eyni vaxtda qəbul etməyin.
Metamizol kaptopril ilə (ürək xəstəliklərində və yüksək qan təzyiqinin müalicəsində istifadə olunan dərman vasitəsi), peroral antikoaqulyantlarla (qanın laxtalanma vaxtını uzadan preparatlar), litium (psixi xəstəliklərdə istifadə olunan dərman), metotreksatla (revmatik və şiş xəstəliklərində istifadə olunan dərman vasitəsi) qarşılıqlı təsir qöstərə bilər, həmçinin antihipertenziv (qan təzyiqini aşağı salan ) və diuretik (sidikqovucu) preparatların effektini dəyişdirə bilər.
Metamizol (ağrı və temperaturu azaltmaq üçün istifadə edilən bir maddədir) asetilsalisil turşusunun trombositlərin aqreqasiyasına (qan laxtalanmasına və trombların əmələ gəlməsinə) eyni vaxtda qəbulu zamanı təsirini azalda bilər. Bu səbəbdən, kardioproteksiya (profilaktika) üçün aşağı dozada aspirin qəbul edən xəstələrdə bu kombinasiya ehtiyatla istifadə olunmalıdır.
Hamiləlik və laktasiya dövründə istifadəsi
Hər hansı bir dərman vasitəsini istifadə etməzdən əvvəl öz həkiminizə və ya əczaçınıza müraciət edin.
Kifayət qədər təcrübə olmadığından, hamiləliyin ilk üç ayında Analgini qəbul etməyin.
Hamiləliyin ikinci trimestrində Analgin yalnız bir həkim və ya əczaçı ilə məsləhətləşdikdən sonra və yalnız preparatın faydaları və riskləri diqqətlə nəzərdən keçirildikdən sonra qəbul edilə bilər.
Hamiləliyin sonuncu 3 ayı ərzində Analgin istifadəsi tövsiyə olunmur, cünki ana və usaq ücün fəsadların artmasının yüksək riski mövcüddur (qanaxma, doğulmayan uşağda vaxtındanəvvəl Botal kanalı deyilən, mühüm damarın bağlanılması, hansı ki, ancaq uşaq doğulandan sonra təbii yolla bağlanır).
Laktasiya dövründə metamizolun cürümə məhsulları əhəmiyyətli miqdarda ana südünə kecir və ana südü ilə qidalanan usaq ücün riski inkar etmək olmaz, bununla bağlı laktasiya dövründə metamizolun təkrar istifadəsindən imtina etmək lazımdır. Metamizolun birdəfəlik dozasını qəbul etdikdən sonra 48 saat ərzində analara südü yığıb və atmağ tövsiyyə edilir.
Pediatriyada istifadəsi
10 yaşdan aşağı uşaqlar
Analgin 500 mq preparat 10 yaşdan aşağı uşaqlarda istifadə olunmur. Bu dərman vasitəsinin başqa formaların və dozaların kicik yaşlı uşaqlarda istifadəsi mümkündür, bunu həkimdən və ya əczaçıdan soruşun.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Müalicə dövründə nəqliyyat idarə etməkdən və yüksək diqqət və sürətli psixomotor reaksiyalar tələb edən digər potensial təhlükəli fəaliyyət növlərilə məşğul olmaqdan çəkinmək lazımdır.
İstifadə qaydası və dozası
Həmişə Analgin preparatını iclik-vərəqədəki təlimatlara dəqiq şəkildə əməl etməklə qəbul edin. Nəyəsə əmin olmadıqda, həkiminizdən və ya əczaçınızdan soruşun.
Tabletlər daxilə gəbul olunur.
Dozası əsasən ağrının və ya qızdırmanın intensivliyı ilə və Analginə individual həssaslıq cavabı ilə təyin edilir. Ağrını və qızdırmanı nəzarət edəcək ən aşağı dozanı seçmək vacibdir.
Böyüklər və 15 yaşdan böyük uşaqlar
Böyüklər və 15 yaşdan böyük uşaqlar üçün (>53 kq) adi doza 500-1000 mq qədər metamizol, bir dəfəlik doza 1-2 tablet təşkil edir. Lazım olduqda 4 dəfəyə qədər doza 6-8 saatdan sonra təkrarlanır. Maksimal gündəlik doza 4000 mq (8 tabletə ekvivalent).
14 yaşdan aşağı uşaqlara 8-16 mq/kq dozada gündə 4 dəfəyə qədər 6-8 saat intervalla təyin etmək olar.
65 yaşdan yuxarı pasiyentlər
Adətən dozanın azaldılması tələb olunmur. Yaşla bağlı qaraciyərin və böyrəklərin funksiyasının pozulmaları olan pasiyentlərdə preparatın dozasını azaltmaq lazımdır, çünki böyrək pozulmaları vaxtı maddənin xaricolma sürəti azalır.
Garaciyər və böyrək funksiyası pozulmuş pasientlər
Əgər Sizdə garaciyər və böyrək funksiyasının pozulmaları xəstəliyi varsa, böyrək pozulmaları vaxtı maddənin xaricolma sürəti azaldığına görə yüksək dozanın təkrarən istifadəsindən cəkinmək lazımdır. Dozanın azaldılması qısamüddədli istifadə zamanı lazım deyil. Uzunmüddətli istifadə ilə əlaqədar hec bir məlumat yoxdur.
Analgin 3-5 gündən artıq qəbul etməyin. Əgər 3 gündən sonra yaxşılaşma müşahidə olunmazsa, və ya yüksək qizdırma hələ də qalsa, bu halda, müalicə həkiminizə müraciət edin.
Analginin qida məhsulları ilə və içkilərlə birqə qəbulu
Müalicə zamanı əlavə təsirlərin güclənməsi ilə bağlı spirtli içkilərdən istifadə olunması məsləhət görulmür.
Analgin qəbulunu unutduqda
Unudulmuş dozanı kompensasiya etmək üçün ikiqat doza qəbul etmək olmaz.
Əlavə təsirləri
Aşağıdakı əlavə təsirlər ciddi fəsadlar törədə bilər.
Analginin yenidən qəbulunu dayandırın və dərhal həkiminizə müraciət edin.
Aşağıdakı ciddi əlavə təsirlərdən hər hansı birini görsəniz, metamizolun istifadəsini dayandırın və dərhal tibbi yardım üçün müraciət edin:
- tez-tez mərkəzdə yerləşən qabarcıqlar ilə müşahidə olunan, bədəndə qırmızımtıl, yastı, hədəfəbənzər və ya yumru ləkələr, dəri soyulması, ağız, boğaz, burun, cinsiyyət orqanları və gözlərdə xoralar. Bu şiddətli dəri səpgilər qızdırma və qripə bənzər simptomlarla (Stivens-Conson sindromu, toksik epidermal nekroliz) ola bilər.
- geniş yayılmış səpgi, qızdırma və limfa düyünlərinin şişməsi (DRESS sindromu və ya dərmana qarşı həssaslıq sindromu).
Əlavə təsirlərin tezliyi aşağıdakı parametrlərlə təyin edilir:
bəzən ((≥1/1000 - <1/100) – dəri səpgiləri, arterial təzyiqin enməsi, ürək ritminin pozulması (palpitasiya, taxikardiya);
nadir hallarda (≥1/10000 - <1/1000) – leykopeniya (ağ gan hüceyrələrinin migdarının azalması, bu isə infeksiyanın əmələ qəlməsinin riskini artırır); makulopapulyoz səpgilər (dəridə düyünlərin və qabarıqların əmələ gəlməsi); hiperhəssaslıq reaksiyaları (anafilaktik və anafilaktoid reaksiyalar) – qaşınma, yanma hissi, dərinin qızarması, övrə, ödemlər (yayılmış ya yerli), tənəffüsün çətinləşməsi və nadir hallarda mədə-bağırsaq traktı tərəfindən şikayətlər, angionevrotik ödem (larinqeal daxil olmaqla), ürək ritminin pozulması, arterial təzyiqin enməsi; sidikdə zülal, sidiyin miqdarının azalması və ya artması, böyrəklərin iltihabı kimi böyrək zədələnmələri.
Bu səbəbdən dəri reaksiyaları baş verərsə, metamizolun istifadəsi dərhal dayandırılmalıdır!
çox nadir hallarda (<1/10000) – aqranulositoz (ağ qan hüceyrələrinin miqdarının kəskin azalması, bu, infeksiyanın əmələ gəlmə riskini artırır). Aqranulositoz üçün xas olan əlamətlərə aiddir: ağız, boğaz, cinsiyyət orqanlarının dəri və selikli qişaların iltihabi dəyişiklikləri; boğazda ağrı və yüksək temperatur.
Ümumi vəziyyətin qəflətən ağırlaşmasında – yüksək temperatur enmir ya təkrar əmələ gəlir, dəri və selikli qişalar tərəfindən ağrı əlamətləri əmələ gəlir, bu zaman Analgin preparatının qəbulunu dayandırmaq və həkimə müraciət etmək məsləhət görülür.
Çox nadir hallarda həmçinin aşağıda göstərilən hallar müşahidə oluna bilər: trombositopeniya (trombositlərin miqdarının azalması, bu isə qanaxmaların ya qansızmaların əmələ gəlməsinin riskini artırır); hemolitik anemiya (qırmızı qan hüceyrələrinin miqdarının azalması, bu, dərinin rənginin saralmasına ya ağarmasına, zəiflik və ya boğulmaların əmələ gəlməsinə gətirə bilər); aplastik anemiya (qırmızı qan hüceyrələrinin miqdarının kəskin azalması, bu, qansızmaların və infeksiyanın əmələ gəlməsi riskini artırır); astmatik tutmalar (analgetik astması olan xəstələrdə); anafilaktik şok (həyat üçün təhlükəli ağır allergik reaksiya);
Tezliyi məlum deyil – ürəkbulanma, qusma, qarında ağrı və diskomfort, nadir hallarda mədə- bağırsaq traktında xoralar və ya qanaxmalar, qaraciyərin iltihabı, dərinin və gözlərin ağlarının saralması, qanda qaraciyər fermentlərinin səviyyəsinin artması, dərinin ağır reaksiyaları.
Əgər, hər hansı bir əlavə təsir ağırlaşarsa və ya bu içlik-vərəqədə qeyd olunmamış əlavə təsirlər əmələ gələrsə, həkimə və ya əczaçıya bu haqda xəbər vermək lazımdır.
Doza həddinin aşılması
Simptomları: ürəkbulanma, başgicəllənmə, qarında ağrı, hərlənmə hissi, şüurun pozulmasına gədən zəiflik, arterial təzyiqin kəskin enməsi, dərinin rənginin dəyişilməsi və boğulma kimi əlamətlər meydana çıxarsa, dərhal tibbi yardım üçün həkimə müraciət etmək lazımdır.
Buraxılış forması
10 tablet, PVX/Alüminium folqadan blisterdə, 2 blister, içilik vərəqə ilə birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan, orijinal qutusunda, işıqdan qorumaqla və uşaqların əli çatmayan yerdə saxlamaq lazımdır.
Yararlılıq müddəti
5 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Reseptsiz buraxılır.
İstehsalçı /Qeydiyyat vəsiqəsinin sahibi
SOFARMA AC.
Sofiya 1220, İlienski şossesi küç., 16, Bolqarıstan.