Pharmed
ANALGIN 500MG N10 TB (RUS)
ANALGİN
Beynəlxalq patentləşdirilməmiş adı: Metamizole sodium
ANALGİN Tərkibi
Təsiredici maddə:1 tabletin tərkibində 500 mq metamizol natrium monohidrat vardır. Köməkçi maddə: kartof nişastası, talk, natrium laurilsulfat, kalsium stearat. üzərində xətti olan və iti kənarlı tabletlərdir. Tabletin
Farmakoterapevtik qrupu
Analgetiklər və antipiretiklər-pirazolonlar.
ATC kodu: N02BB02.
İstifadəsinə göstərişlər
- Travmadan və əməliyyatdan sonrakı kəskin ağrı;
- daxili orqanların əzələlərinin spazmı ilə əlaqədar olan kəskin ağrı;
- şiş ilə əlaqədar ağrı;
- digər müalicəvi tədbirlər mümkün olmadıqda, digər kəskin və xroniki intensiv ağrılar;
- digər qızdırmasalıcı dərman vasitələri effekt vermədikdə, yüksək qızdırma.
Əks göstərişlər
- Preparatın istənilən komponentinə və ya digər pirazolon və ya pirazolidin (bu, eləcə də, bu maddələrin qəbulu zamanı aqranulositoz müşahidə edilən pasiyentlərə aiddir) törəmələrinə qarşı yüksək həssaslıq;
- məlum analgetiklərlə induksiya olunan astmatik sindromu və ya məlum analgetiklərə qarşı dözümsüzlüyü olan pasiyentlərdə, daha doğrusu, bronxospazm və ya salisilatlara, parasetamola və ya diklofenak, ibuprofen, indometasin və ya naproksen kimi digər qeyri-narkotik analgetiklərə qarşı anafilaktoid reaksiyaların (məsələn, övrə, rinit, angioödem/Kvinke ödemi) digər formaları;
- sümük iliyinin funksiyasının zəifləməsi (məsələn, sitostatiklərlə müalicədən sonra) və ya qanyaradıcı sistemin xəstəlikləri;
- qlükoza-6-fosfatdehidrogenazanın (hemoliz riski) genetik defisiti;
- kəskin aralıq qaraciyər porfiriyası (porfiriya tutmasının yaranması riski);
- hamiləliyin son trimestri;
- laktasiya dövrü;
- 15 yaşdan aşağı uşaqlar.
Xüsusi göstərişlər və ehtiyat tədbirləri
Preparatı böyrəklərin xəstəliyində (pielonefrit, qlomerulonefrit, o cümlədən, anamnezdə), uzun müddət alkoqoldan sui istifadə zamanı ehtiyatla istifadə etmək lazımdır. Analginin tərkibində pirazolon törəməsi olan metamizol vardır və bu, nadir, lakin həyat üçün təhlükəli olan, şok və aqranulositoz şəklində əlavə təsirlərin yaranmasına səbəb ola bilər. Analginə qarşı anafilaktoid reaksiyası olan pasiyentlər, eləcə də, analoji olaraq, digər qeyrinarkotik anagetiklərə də qarşı allergik reaksiyalara meyillidirlər. Analginə qarşı anafilaktik və ya immunoloji reaksiyalar (məsələn, aqranulositoz) müşahidə edilən pasiyentlər, eləcə də, analoji olaraq, digər pirazolonlara və ya pirazolidinlara qarşı riskə məruz qala bilərlər. Aqranulositoz: Aqranulositoz və ya trombositopeniya əlamətlərinin yaranması zamanı dərman vasitəsinin istifadəsini dərhal dayandırmaq və qanın ümumi analizini aparmaq lazımdır (leykositar formul daxil olmaqla). Laborator tədqiqatların nəticəsi məlum olana qədər müalicənin dayandırılmasını təxirə salmaq olmaz. Pansitopeniya: Pansitopeniyanın təzahürü zamanı müalicəni dərhal dayandırmaq, qanın ümumi analizinə onun tam normallaşmasına qədər nəzarət etmək lazımdır. Müalicə dövründə qan sisteminin (məsələn, əhval-ruhiyyənin ümumi pisləşməsi və ya süstlük, infeksiya, istilik, qansızma, qanaxma, avazıma) patoloji dəyişikliklərinə səbəb olan ağrı və ya simptomların yaranması zamanı pasiyent dərhal həkimə müraciət etməlidir. Anafilaktik/anafilaktoid reaksiyalar: İstifadə üsulunu seçərkən, Analginin parenteral yeridilməsinin anafilaktik/anafilaktoid reaksiyaların yüksək riski ilə əlaqədar olmasını nəzərə almaq lazımdır. Analginə qarşı ağır reaksiyalar riski aşağıdakı pasiyentlərdə yüksəkdir:
- övrə və ya angionevrotik ödem şəklində analgetiklərlə induksiya olunan astmatik sindrom və ya analgetiklərə qarşı dözümsüzlük;
- xüsusilə eyni vaxtda rinosinusit və burun polipi ilə müşayiət edilən bronxial astma;
- xroniki övrə;
- boyayıcı maddələrə (məsələn, tartrazin) və ya konservantlara (məsələn, benzoatlar) qarşı intolerantlıq;
- alkoqola qarşı intolerantlıq. Belə pasiyentlər, asqırma, gözlərin sulanması və sifətin güclü qızarması kimi simptomlarla alkoqolun kiçik miqdarına belə reaksiya verir. Alkoqola qarşı bu cür dözümsüzlük, əvvəllər diaqnostika edilməmiş analgetik-induksiyalaşmış astmatik sindromun olmasına işarə edə bilər. Anafilaktik şok əsasən, həssas pasiyentlərdə baş verə bilər. Bu səbəbə görə bronxial astmalı və atopiyalı pasiyentlərdə istifadəsi zamanı xüsusilə ehtiyatlı olmaq lazımdır. Ağır dəri reaksiyaları :Həyat üçün təhlükəli dəri reaksiyalarının yaranması halları qeyd edilmişdir: analginin istifadəsi zamanı Stivens-Conson sindromunun (SCS) və ya toksik epidermal nekrolizin (TEN) simptomları yaranmışdır. SCS və ya TEN-nin inkişaf edən simptomları baş verdikdə (məsələn, proqressivləşən dəri səpgisi, adətən, qabaqcıqlarla və ya selikli qişanın zədələnməsi), analginlə müalicəni dərhal dayandırmaq lazımdır və heç vaxt onu yenidən istifadə etmək olmaz. Pasiyentlər, simptomlar haqqında məlumatlandırılmalı və dəri reaksiyalarına nəzarət etməlidirlər, xüsusilə, müalicənin ilk həftəsi ərzində. İzoləedilmiş hipotenziv reaksiyalar :Analgin hipotenziv reaksiyalara səbəb ola bilər. Bu reaksiyalar dozadan asılı ola bilər. Bunu əsasən, parenteral yeridilmə zamanı gözləmək olar, nəinki enteral qəbul zamanı. Bu reaksiyaların riski aşağıdakı hallarda yüksəkdir:
- məsələn, əvvəllər pasiyentlərdə hipotoniya, orqanizmdə dövr edən mayenin həcminin çatışmazlığı və ya dehidratasiya, qeyri-stabil qan dövranı və ya yeni başlayan qan dövranı çatışmazlığı (məsələn, ürək infarktı və ya çoxsaylı travması olan pasiyentlər) olduqda;
- yüksək temperaturlu pasiyentlərdə. Bu səbəbə görə belə pasiyentlərin müalicəsi zamanı ciddi müayinə və sonradan vəziyyətinə müntəzəm nəzarət tələb edilir. Hipotenziv reaksiyaları yaranma riskini azaltmaq məqsədilə, xəbərdarlıq tədbirlərinin (məsələn, qan dövranının stabilizasiyası) keçirilməsi vacib ola bilər. Analgin, istənilən vəziyyətdə arterial təzyiqin enməsindən çəkinməsi vacib olan pasiyentlərdə, yalnız hemodinamik parametrlərə ciddi nəzarət etməklə istifadə edilə bilər, məsələn, ürəyin ağır işemik və ya beyni qanla təchiz edən əhəmiyyətli stenoz damarların xəstəliyi. Böyrək və qaraciyər çatışmazlığı olan pasiyentlərdə preparatın istifadəsi, yalnız fayda-risk nisbətinin ciddi qiymətləndirilməsindən sonra istifadə etmək olar. Preparatı təyin etməzdən əvvəl, pasiyent müvafiq şəkildə sorğu edilməlidir. Anafilaktoid reaksiyaların yüksək riski olan pasiyentlərdə, yalnız gözlənilən faydanın riskdən üstün olduğu halda analginin təyin edilməsi mümkündür. Analgin bu cür vəziyyətdə istifadə edildikdə, pasiyent, müntəzəm tibbi müayinə altında olmalı və təxirəsalınmaz tibbi yardımın göstərilməsinə hazırlıq təmin edilməlidir. Dərman vasitəsini qarın nahiyəsində kəskin ağrıların (səbəb aşkar edilən qədər) aradan qaldırılması məqsədilə istifadə etmək olmaz.
Digər dərman vasitələri ilə qarşılıqlı təsiri
Metamizol siklosporinin zərdab səviyyəsinin azalmasına səbəb olur. Bu səbəbə görə analginin siklosporinlə eyni vaxtda istifadəsi zamanı siklosporinin konsentrasiyasına nəzarət etmək lazımdır. Analginin xlorpromazin ilə eyni vaxtda istifadəsi zamanı ağır hipotermiya yarana bilər. Metamizolun metotreksata əlavə yeridilməsi, ikincinin hematotoksikliyini artıra bilər, xüsusilə, yaşlı pasiyentlərdə. Bu səbəbə görə bu kombinasiyanın istifadəsindən çəkinmək lazımdır. Metamizol eyni vaxtda istifadəsi zamanı asetilsalisil turşusunun kiçik dozalarının təsirindən antiaqreqant effekti azalda bilər. Bu səbəbə görə metamizolu, kardioproteksiya məqsədilə asetilsalisil turşusunun kiçik dozalarını qəbul edən pasiyentlərdə ehtiyatla istifadə etmək lazımdır. Bupropionun səviyyəsi metamizolun təsirindən azala bilər. Buna görə metamizol və bupropionun eyni vaxtda istifadəsi zamanı ehtiyatlı olmaq lazımdır. Pirazolon qrupundan olan maddələr üçün məlumdur ki, onlar peroral antikoaqulyantlarla, kaptoprillə, litium preparatları və triamterenlə qarşılıqlı təsirə girə bilər, eləcə də, hipotenziv preparatların və diuretiklərin effektivliyini dəyişə bilər. Metamizolun bu cür qarşılıqlı təsirə hansı səviyyədə səbəb olması məlum deyil.
Hamiləlik və laktasiya dövründə istifadəsi
İnsanlarda hamiləlik dövründə analginin istifadəsinə dair kifayət qədər məlumat yoxdur. Heyvanlar üzərində aparılan tədqiqatlar, Analginin teratogen effektini göstərməmişdir. İnsanlarda istifadəsinə dair kifayət qədər məlumat olmadığı üçün hamiləliyin ilk trimestrində istifadə etmək olmaz, ikinci trimestrdə, yalnız fayda-risk nisbəti ciddi tibbi qiymətləndirilmədən sonra mümkündür. Analgin prostaqlandinlərin sintezinin zəif inhibitorudur, bu zaman arterial axının vaxtından əvvəl bağlanması və perinatal ağırlaşmaların mümkünlüyü istisna edilmir, bu səbəbə görə Analginin istifadəsi hamiləliyin son trimestrində əks göstərişdir. Analginin metabolitləri ana südünə nüfuz edir, bu səbəbə görə onun laktasiya dövründə istifadəsi məsləhət görülmür. Müstəsna hallarda Analginin qəbulundan 48 saat sonra ana südü ilə qidalandırma mümkündür.
Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri
Məsləhət görülən diapazon diqqət konsentrasiyasına və reaksiyaların sürətinə təsir etmir. Yüksək dozaların istifadəsi zamanı ehtiyat tədbirləri məqsədilə, nəqliyyat vasitələrini və ya digər potensial təhlükəli fəaliyyət növlərini idarə etməkdən çəkinmək lazımdır.
ANALGİN İstifadə qaydası və dozası
Doza ağrının intensivliyindən, qızdırmadan və pasiyentin preparatın qəbuluna qarşı fərdi reaksiyasından asılıdır. Ağrıya və qızdırmaya nəzarət edən ən minimal dozadan istifadə edilməlidir. Tabletlər bütöv şəkildə, kifayət qədər maye ilə (məsələn, 1 stəkan su ilə) qəbul etmək lazımdır. Böyüklərdə və 15 yaşdan yuxarı yeniyetmələrdə (> 53 kq) bir dəfəyə 1000 mq qəbul etmək olar. Bir dəfəyə kifayət qədər effekt almadıqda, birdəfəlik maksimal dozanı sutkada 4 dəfə istifadə etmək olar.
Yaşlı pasiyentlər: Yaşlı pasiyentlərdə doza azaldılmalıdır, belə ki, preparatın qəbulu zamanı metabolitlərin xaric olması ləngiyə bilər. Yaşlı pasiyentlərdə böyrəklərin funksiyasının azalması və kreatininin klirensinin pozulması zamanı doza azaldıla bilər, belə ki, metabolitlərin xaric olması ləngiyə bilər.
Böyrək və qaraciyər funksiyasının pozulması: Böyrək və qaraciyər funksiyasının azalması zamanı yüksək dozaların istifadəsindən çəkinmək lazımdır. Dozanı azaltmadan qısa müddətli istifadəsi mümkündür. Uzunmüddətli istifadəyə yol verilmir. Müalicənin müddəti xəstəliyin növündən və ağırlıq dərəcəsindən asılıdır. Uzunmüddətli müalicə zamanı qana müntəzəm nəzarət tələb edilir, leykositlərin miqdarının sayılması daxil olmaqla.
Əlavə təsirləri
Əlavə təsirlərin tezliyi aşağıdakı parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100); nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan məlumatlara əsasən tezliyi qiymətləndirmək mümkün deyil).
Qan və limfa sistemində baş verən pozğunluqlar: nadir hallarda – leykopeniya; çox nadir hallarda – aqranulositoz, o cümlədən, letal sonluqlu hallar, trombositopeniya; məlum deyil – aplastik anemiya, pansitopeniya, o cümlədən, letal sonluqlu hallar. Bu reaksiyalar, hətta əvvəllər metamizolun istifadəsi zamanı ağırlaşma olmadığı halda belə baş verə bilər. Preparatın bir həftədən artıq istifadəsi zamanı ayrı-ayrı hallarda aqranulositoz riskinin yüksəlməsi barədə məlumat vardır. Bu reaksiya dozadan asılı deyil və müalicənin istənilən dövründə inkişaf edə bilər. Bu, yüksək temperatur, titrəmə, boğazda ağrı, udqunmanın çətinləşməsi, ağız, burun boşluğunda, boğazda, genital və ya anal nahiyədə iltihab ilə təzahür edir. Antibiotik qəbul edən pasiyentlərdə bu cür hallar baş verə bilər, lakin minimal təzahür edə bilər. Limfatik düyünlərin və ya dalağın böyüməsi əhəmiyyətsiz dərəcədədir və ya olmaya bilər. Eritrositlərin çökməsi güclü şəkildə sürətlənir, qranulositlərin miqdarı əhəmiyyətli dərəcədə azalır və ya ümumiyyətlə olmur. Bütövlükdə, lakin həmişə deyil, hemoqlobinin, eritrositlərin və trombositlərin normal miqdarı qeyd edilir. Ümumi vəziyyətin gözlənilmədən pisləşməsi, qızdırma enmədikdə və ya yenidən yüksəldikdə və ya selikli qişaların ağrılı zədələnməsi zamanı, xüsusilə, ağız, burun boşluğunun və boğazın, laborator diaqnostik tədqiqatların nəticəsini gözləmədən dərman vasitəsinin istifadəsini dayandırmaq lazımdır. Pansitopeniyanın yaranması zamanı müalicəni dərhal dayandırmaq lazımdır, qanın ümumi analizinin normallaşmasına qədər onun göstəricilərinə nəzarət etmək vacibdir.
İmmun sistemdə baş verən pozğunluqlar: nadir hallarda – anafilaktik və ya anafilaktoid reaksiyalar1 ; çox nadir hallarda – analgetik-induksiyalaşmış astmatik sindrom. Analgetik-induksiyalaşan astmatik sindromu olan pasiyentlərdə dözümsüzlük reaksiyaları bir qayda olaraq, astmatik tutma şəklində təzahür edir. Məlum deyil – anafilaktik şok. Nisbətən yüngül reaksiyalar, dəri və selikli qişalar tərəfindən (məsələn, qaşınma, yanma, qızartı, övrə, ödem), təngnəfəslik və nadir hallarda mədə-bağırsaq sistemi tərəfindən baş verən pozğunluqlar təzahür edir. Yayılmış övrə, ağır angioödem (eləcə də, qırtlaq nahiyəsində), ağır bronxospazm, ürək ritminin pozulması, arterial hipotenziya (bəzən arterial təzyiqin yüksəlməsilə), sirkulyator şok kimi bu cür əhəmiyyətsiz reaksiyalar daha ağır şəkil ala bilər. Bu səbəbə görə dəri reaksiyalarının yaranması zamanı analginin istifadəsini dərhal dayandırmaq lazımdır.
Ürəkdə baş verən pozğunluqlar: məlum deyil – Kounis sindromu.
Damar sistemində baş verən pozğunluqlar: bəzən – istifadə zamanı və ya ondan sonra yaranan, farmakoloji cəhətdən əlaqəli və anafilaktik və ya anafilaktoid reaksiyaların digər əlamətlərilə müşayiət edilməyən hipotenziv reaksiyalar. Bu cür reaksiya arterial təzyiqin ciddi enməsinə səbəb ola bilər. Eləcə də, hiperpireksiya zamanı doza ilə əlaqədar olan və hiperhəssaslıq reaksiyasının digər əlamətləri olmadan arterial təzyiqin kritik enməsi baş verə bilər.
Dəri və dərialtı piy/birləşdirici toxumada baş verən pozğunluqlar: bəzən – fiksəedilmiş dərman ekzanteması; nadir hallarda – səpgi (məsələn, makulopapulyoz səpgi); çox nadir hallarda – Stivens-Conson sindromu və ya toksik epidermal nekroliz (müalicəni dayandırmaq lazımdır).
Böyrəklərdə və sidikçıxarıcı yollarda baş verən pozğunluqlar: çox nadir hallarda – böyrəklərin funksiyasının kəskin pisləşməsi baş verə bilər ki, bunun fonunda çox nadir hallarda proteinuriya , oliqo- və ya anuriya və ya kəskin böyrək çatışmazlığı, kəskin interstisial nefrit inkişaf edə bilər.
Dərman vasitəsinin yeridilmə yerində ümumi xəstəliklər və şikayətlər :Sidiyin rənginin qırmızı rəngə boyanması barədə məlumat verilmişdir ki, bu da, metamizolun kiçik konsentrasiyalarda zərərsiz metaboliti olan rubazon turşusunun iştirakı ilə əlaqədar ola bilər. Bu reaksiyalar əsasən parenteral istifadədən sonra yarana, ciddi və həyat üçün təhlükəli, bəzi hallarda letal sonluğa səbəb ola bilər. Onlar eləcə də, əvvəl metamizolun istifadəsi zamanı ağırlaşma baş vermədiyi halda da yarana bilər.
Doza həddinin aşılması
Simptomları :Kəskin doza həddinin aşılması kontekstində ürəkbulanma, qusma, qarın nahiyəsində ağrı, böyrəklərin üzvi funksiyası/kəskin böyrək çatışmazlığı (məsələn, interstisial nefrit fonunda) və nadir hallarda mərkəzi sinir sistemi tərəfindən baş verən simptomlar (başgicəllənmə, yuxululuq, koma, qıcolmalar) və arterial təzyiqin kəskin enməsindən şok və taxikardiyaya qədər hallar müşahidə edilmişdir. Çox yüksək dozaların qəbulundan sonra rubazon turşusunun xaricolması sidiyin qırmızı rəngə boyanmasına səbəb ola bilər. Doza həddinin aşılması zamanı terapevtik tədbirlər: Metamizolun məlum spesifik antidotu yoxdur. Metamizol yaxın vaxtlarda qəbul edildikdə, onun orqanizmə düşməsinin qarşısını ilkin detoksikasiya üsulu (məsələn, mədənin yuyulması) və ya sorulmasının azaldılması tədbirləri ilə almaq olar (məsələn, aktivləşdirilmiş kömür qəbul edilməsi). Əsas metabolit (4-N-metilaminoantipirin) hemodializin, hemofiltrasiyanın, hemoperfuziyanın və ya plazmanın filtrasiyasının köməyilə xaric edilə bilər. İntoksikasiyanın müalicəsi, eləcə də, ciddi ağırlaşmaların qarşısının alınması, ümumi və xüsusi intensiv tibbi müşahidə və müalicə tələb edə bilər. Ağır hiperhəssaslıq reaksiyaları zamanı təxirəsalınmaz tədbirlər (şok zamanı) İlkin əlamətlər zamanı (məsələn, övrə və qəflətən sifətin qızarması kimi dəri reaksiyaları, narahatlıq, başağrı, tərləmə, ürəkbulanma) preparatın qəbulunu dayandırmaq lazımdır. Ümumi qəbul edilmiş təxirəsalınmaz tədbirlərlə yanaşı, pasiyenti “şokəleyhinə vəziyyətə” keçirmək lazımdır (başın və gövdənin aşağı ətraflardan aşağıya doğru pasiyenti horizontal vəziyyətdə uzandırmaq), tənəffüs yollarının təmizlənməsi, oksigendən istifadə, simpatomimetiklərin, dövr edən qanın korreksiyası üçün məhlullar və ya qlükokortikosteroidlərin yeridilməsi tələb edilə bilər.
Buraxılış forması
10 tablet, konturlu-yuvasız qablaşdırmada. Müvafiq sayda konturlu-yuvasız qablaşdırma, qutusuz şəkildə içlik vərəqə ilə birlikdə qrup qablaşdırmasında.
Aptekdən buraxılma şərti
Resept əsasında buraxılır.