Pharmed

ANALGIN 500MG 2ML N10 AMP (BELARUS)

TƏSDİQ EDİLMİŞDİR
Azərbaycan Respublikası
Səhiyyə Nazirliyi
Farmakoloji və Farmakopeya
Ekspert Şurasının sədri
_____________ E.M.Ağayev

___________________ 2023-cü il

Dərman vasitəsinin istifadəsi üzrə təlimat (xəstələr üçün)

ANALGİN 500 mq tabletlər
ANALGIN

Beynəlxalq patentləşdirilməmiş adı: Metamizole sodium

Tərkibi
Təsiredici maddə: 1 tabletin tərkibində 500 mq metamizol natrium monohidrat vardır.
Köməkçi maddələr:kartof nişastası, talk, natrium laurilsulfat, kalsium stearat.

Təsviri
Ağ və ya sarımtıl çalarlı ağ rəngli, yastı silindrik formalı, iti kənarlı və xətti olan tabletlərdir.
Tabletin üzərindəki xətt dərman vasitəsinin daha rahat qəbulu üçündür.

Farmakoterapevtik qrupu

Analgetiklər, digər analgetiklər və qızdırmasalıcı vasitələr, pirazolonlar.

ATC kodu: N02BB02.

Farmakoloji xüsusiyyətləri

Farmakodinamikası
Metamizol pirazolon törəməsi olub, ağrıkəsici, qızdırmasalıcı və spazmolitik xüsusiyyətlərə malikdir.
Preparatın təsir mexanizmi sona qədər öyrənilməmişdir. Bəzi tədqiqatların nəticələrində metamizolun
və onun əsas metabolitinin (4-N-metilaminoantipirinin) həm mərkəzi, həm də periferik təsir
mexanizmə malik olması nümayiş etdirilmişdir.

Farmakokinetikası
Daxilə qəbul edildikdən sonra metamizol farmakoloji baxımdan aktiv 4-N-metilaminoantipirinə
(MAA) qədər tam hidrolizə məruz qalır. Parenteral yolla istifadəsi ilə müqayisədə, peroral yolla
istifadə edildikdə, MAA-nın biomənimsənilməsi təxminən 90 % və bir qədər yüksəkdir.
Preparatın qida ilə eyni zamanda istifadəsi, metamizolun kinetikasına əhəmiyyətli təsir göstərmir.
Metamizolun əsas metaboliti – MAA gələcəkdə qaraciyərdə oksidləşmə və demetilləşmə yolu ilə
metabolizmə məruz qalır və daha sonra asetilləşir.
Preparatın klinik effektivliyi əsasən MAA ilə və eləcə də, nisbətən az dərəcədə 4-aminoantipirin
(AA) ilə əlaqəlidir. AA-nın AUC göstəriciləri, MAA-nın AUC göstəricilərinin təxminən 25 %-ni
təşkil edir. Preparatın 4-N-asetilaminoantipirin (AAA) və 4-N-formiaaminoantipirin (FAA)
metabolitləri farmakoloji baxımdan qeyri-aktivdir.
Qeyd etmək lazımdır ki, preparatın bütün metabolitləri qeyri-xətti farmakokinetika nümayiş etdirir.
Göstərilən halların klinik əhəmiyyəti məlum deyildir. Qısamüddətli müalicə aparıldıqda,
metabolitlərin orqanizmdə toplanmasının mühüm əhəmiyyəti yoxdur.
Metamizol plasentadan nüfuz edir. Metamizolun metabolitləri ana südü ilə xaric olunur.
Qan plazmasının zülalları ilə birləşmə dərəcəsi MAA üçün 58 %, AA üçün 48 %, FAA üçün 18 %
və AAA üçün 14 % təşkil edir.
Vena daxilinə yeridildikdən sonra qan plazmasından metamizolun yarımxaricolma dövrü təxminən
14 dəqiqə təşkil edir. Vena daxilinə yeridildikdən sonra, radioaktiv nişanlanmış dozanın təxminən 96 %-i sidiklə və təxminən 6 %-i nəcislə birlikdə xaric olunur. Preparatın birdəfəlik peroral
istifadəsindən sonra, sidiklə xaric olunan metabolitlərin 85 %-ni identifikasiya etmək mümkün
olmuşdur. Onların (3 ± 1) %-ni MAA, (6 ± 3) %-ni AA, (26 ± 8) %-ni AAA və (23 ± 4) %-ni FAA
təşkil etmişdir. 1 q metamizolun birdəfəlik peroral istifadəsindən sonra böyrək klirensi MAA üçün
(5 ± 2) ml/dəqiqədə, AA üçün (38 ± 13) ml/dəqiqədə, AAA üçün (61 ± 8) ml/dəqiqədə və FAA
üçün (49 ± 5) ml/dəqiqədə təşkil etmişdir. Qan plazmasından müvafiq yarımxaricolma dövrləri
MAA üçün (2,7 ± 0,5) saat, AA üçün (3,7 ± 1,3) saat, AAA üçün (9,5 ± 1,5) saat və FAA üçün
(11,2 ± 1,5) saat təşkil edir.
Yaşlı pasiyentlər və qaraciyər çatışmazlığı qeyd olunan pasiyentlər
Yaşlı pasiyentlərin müalicəsi zamanı AUC göstəricisi 2-3 dəfə yüksəlir. Preparatın birdəfəlik
peroral istifadəsindən sonra, qaraciyər sirrozu qeyd olunan pasiyentlərdə MAA-nın və FAA-nın
yarımxaricolma dövrü təxminən 3 dəfə uzandığı halda, AA-nın və AAA-nın yarımxaricolma dövrü
eyni dərəcədə artmamışdır. Həmin pasiyentlərdə preparatın yüksək dozalarının istifadəsindən
çəkinmək lazımdır.
Uşaqlar və yeniyetmələr
Böyüklərlə müqayisədə, uşaqlarda preparatın metabolitlərinin daha sürətli xaric olması müşahidə
olunur.
Böyrək çatışmazlığından əziyyət çəkən pasiyentlər
Böyrək çatışmazlığı qeyd olunan pasiyentlər barədə mövcud məlumatlarda bəzi metabolitlərin
(AAA və FAA) sorulma sürətinin azalması göstərilmişdir. Bu səbəbdən, həmin pasiyentlərdə
yüksək dozaların istifadəsindən çəkinmək lazımdır.
Preparatın təhlükəsizliyinə dair preklinik məlumatlar
Müxtəlif heyvan növlərində subxronik və xronik toksikliyin öyrənilməsi istiqamətində tədqiqatlar
aparılmışdır. Siçovullara 6 ay müddətində bədən kütləsinin hər kq-na 100 mq-dan 900 mq-a qədər
metamizol yeridilmişdir. Maksimal (bədən kütləsinin hər kq-na 900 mq) dozanın istifadəsi zamanı
13 həftədən sonra retikulositlərin və daxili Hayns cisimciklərinin artması müşahidə olunmuşdur.
İtlərə 6 ay müddətində bədən kütləsinin hər kq-na 30 mq-dan 600 mq-a qədər metamizol
yeridilmişdir. Bədən kütləsinin hər kq-na 300 mq dozanın istifadəsi zamanı dozadan asılı hemolitik
anemiya və böyrək və qaraciyər funksiyalarının pozğunluqları müşahidə olunmuşdur.
İn vitro və in vivo şəraitdə eyni test-sistemlərdə istifadə edildikdə, metamizol üçün ziddiyyətli
nəticələr əldə edilmişdir.
Siçovullar üzərində aparılan uzunmüddətli tədqiqatlarda preparatın kanserogen təsiri aşkar
edilməmişdir. Yüksək dozaların istifadəsi ilə siçanlar üzərində aparılan uzunmüddətli 3 tədqiqatdan
ikisində qaraciyər hüceyrələrinin adenomasının ölçülərinin böyüməsi müşahidə edilmişdir.
Siçovullar və evdovşanları üzərində embriotoksikliyin öyrənilməsi istiqamətində aparılan
tədqiqatlarda preparatın teratogen təsirinin hər hansı bir təsdiqi aşkar edilməmişdir.
Ana orqanizm üçün hələki toksik olmayan, bədən kütləsinin hər kq-na 100 mq sutkalıq dozada
istifadə edildikdə, evdovşanlarında preparatın embrioletal effektləri müşahidə olunmuşdur. Ana
orqanizm üçün toksik olan dozalarda istifadə edildikdə, siçovullarda preparatın embrioletal
effektləri müşahidə edilmişdir. Bədən kütləsinin hər kq-na 100 mq-dan yüksək sutkalıq dozaların
istifadəsi, siçovullarda hamiləlik müddətinin uzanmasına və doğuşun, anada və nəsildə ölüm
göstəricisinin yüksəlməsi ilə müşayiət olunan pozulmasına gətirib çıxarmışdır.
Fertillik testləri, bədən kütləsinin hər kq-na 250 mq-dan yüksək dozaların istifadəsi zamanı valideyn
nəslində hamiləliyin baş vermə tezliyinin bir qədər aşağı düşməsini göstərmişdir. F1 nəslin
məhsuldarlığı dəyişməmişdir.

İstifadəsinə göstərişlər
Travmadan və ya cərrahi müdaxilədən sonra kəskin ağrı;
daxili orqanların əzələlərinin spazmı ilə törənən kəskin ağrı;
şiş prosesi ilə əlaqədar ağrı;
digər müalicə tədbirləri mümkün olmadıqda, digər kəskin və xroniki intensiv ağrı;
digər qızdırmasalıcı dərman vasitələrinin effekti olmadıqda, yüksək temperatur.

Əks göstərişlər
Aşağıda göstərilən vəziyyətlərdə preparatın istifadəsi əks göstərişdir:
- təsiredici maddəyə və ya digər pirazolonlara və ya pirazolidinlərə (bu həmçinin, göstərilən maddələrin istifadəsi nəticəsində aqranulositoz qeyd olunan pasiyentlərə də aiddir) və eləcə də,
preparatın tərkibinə daxil olan “Tərkibi” bölməsində göstərilən köməkçi maddələrdən hər hansı
birinə qarşı hiperhəssaslıq;
- analgetiklərin istifadəsi ilə induksiya edilən astmatik sindrom və ya analgetiklərin istifadəsinə
qarşı övrə və ya eyni zamanda angioödem şəklində meydana çıxan məlum dözümsüzlük qeyd
olunan pasiyentlər, yəni, salisilatlara, parasetamola və ya digər qeyri-narkotik analgetiklərə,
məsələn, diklofenak, ibuprofen, indometasin və ya naproksen kimi preparatlara qarşı bronxospazm
və ya anafilaktik reaksiyaların digər formaları (məsələn, övrə, rinit, angioödem/Kvinke ödemi)
müşahidə olunan pasieyntlər;
- sümük iliyi funksiyalarının pozğunluqları (məsələn, sitostatik preparatlarla müalicədən sonra) və
ya qanyaradıcı sistemin xəstəlikləri;
- genetik səbəbli qlükoza-6-fosfatdehidrogenaza ferment çatışmazlığı (hemolizin inkişaf etmə riski);
- kəskin intermittent (dəyişkən) qaraciyər porfiriyası (porfiriya tutmasının meydana çıxma riski);
- hamiləlik;
- laktasiya dövrü;
- 15 yaşdan kiçik uşaqlar.

Xüsusi göstərişlər və ehtiyat tədbirləri
Analgin preparatının tərkibində nadir rast gəlinən, lakin həyat üçün təhlükəli olan şokun və
aqranulositozun inkişaf etmə riskləri ilə əlaqəli olan pirazolon törəməsi – metamizol vardır (“Əlavə
təsirləri” bölməsinə bax).
Analgin preparatının istifadəsinə qarşı anafilaktoid reaksiyalar inkişaf edən pasiyentlər həmçinin,
digər qeyri-narkotik analgetiklərə qarşı oxşar reaksiyalar riskinə xüsusilə məruz qalırlar. Analgin
preparatının istifadəsinə qarşı anafilaktik və ya hər hansı digər immunoloji reaksiya (məsələn,
aqranulositoz) inkişaf edən pasiyentlər həmçinin, digər pirazolonlara və pirazolidinlərə qarşı oxşar
reaksiyalar riskinə xüsusilə məruz qalırlar və əksinə, digər pirazolonlara, pirazolidinlərə və ya digər
qeyri-narkotik analgetiklərə qarşı anafilaktik və ya digər immunoloji reaksiya qeyd olunan
pasiyentlərdə Analgin preparatına qarşı da müvafiq reaksiyanın yüksək riski mövcuddur.
Aqranulositoz
Neytropeniya (< 1500 neytrofil/mm3
) meydana çıxdığı halda, müalicə dərhal dayandırılmalıdır və
göstəricilər normallaşana qədər qanın ümumi analizinə nəzarət edilməlidir.
Pasiyentlər aşağıda göstərilən əlamətlərin və simptomların meydana çıxma ehtimalı barədə
məlumatlandırılmalıdır və onlara, həmin simptomlar qeyd olunduqda, həkimə müraciət etmələri
tövsiyə olunmalıdır: pasiyentin ümumi vəziyyətinin gözlənilmədən pisləşməsi (məsələn, qızdırma,
vicə, boğaz ağrısı, udma aktının çətinləşməsi), daimi və ya yeni qızdırma və selikli qişalarda,
xüsusilə, ağız boşluğu, burun və boğaz nahiyələri və ya cinsiyyət orqanları və ya anus nahiyəsi
selikli qişalarında ağrı ilə müşayiət olunan dəyişikliklər. Preparatın istifadəsi dərhal
dayandırılmalıdır və qan analizi həyata keçirilməlidir (qanın differensial analizi də daxil olmaqla).
Müalicənin dayandırılması, laborator tədqiqatların nəticələri əldə olunana qədər təxirə
salınmamalıdır (“Əlavə təsirləri” bölməsinə bax).
Trombositopeniya
Trombositopeniya əlamətləri, məsələn, qanaxmalara yüksək meyllilik və dəri və selikli qişalar
üzərində petexiyalar meydana çıxdıqda, Analgin preparatının istifadəsi dərhal dayandırılmalıdır və
qan analizi həyata keçirilməlidir (qanın differensial analizi də daxil olmaqla) (“Xüsusi göstərişlər və
ehtiyat tədbirləri” bölməsinə bax). Müalicənin dayandırılması, laborator tədqiqatların nəticələri
əldə olunana qədər təxirə salınmamalıdır.
Pansitopeniya
Pansitopeniya inkişaf etdiyi halda, müalicə dərhal dayandırılmalıdır və göstəricilər normallaşana
qədər qanın ümumi analizinə nəzarət edilməlidir (“Əlavə təsirləri” bölməsinə bax). Bütün
pasiyentlər məlumatlandırılmalıdırlar ki, müalicə müddətində qan diskraziyasını nümayiş etdirən
əlamətlər və simptomlar (məsələn, ümumi halsızlıq, infeksiya, daimi qızdırma, qançırlar,
qanaxmalar, solğunluq) meydana çıxdığı halda, onlar dərhal həkimə müraciət etməlidirlər.
Anafilaktik və anafilaktoid reaksiyalar
Nəzərə almaq lazımdır ki, Analgin preparatının istifadəsi, anafilaktik və ya anafilaktoid
reaksiyaların daha yüksək inkişaf etmə riski ilə əlaqəlidir.
Aşağıda göstərilən vəziyyətlərdə potensial ağır anafilaktoid reaksiyaların riski əhəmiyyətli dərəcədə yüksəlir:
- analgetik astma və ya analgetiklərə qarşı angionevrotik ödem və övrə tipli dözümsüzlük qeyd
olunan pasiyentlərdə (“Əks göstərişlər” bölməsinə bax);
- xüsusilə, eyni zamanda rinosinusitlə və burun polipləri ilə müşayiət olunan bronxial astma
mövcud olan pasiyentlərdə;
- xroniki övrə zamanı;
- rəngləyicilərə (məsələn, tartrazinə) və ya konservantlara (məsələn, benzoatlara) qarşı dözümsüzlük
qeyd olunduqda;
- alkoqola qarşı dözümsüzlük olan pasiyentlərdə.
Həmin pasiyentlər alkoqol tərkibli içkilərin hətta az miqdarlarının istifadəsinə qarşı asqırma, göz
yaşı ifrazının güclənməsi və üz nahiyəsinə şiddətli qan axını kimi simptomların meydana çıxması
ilə reaksiya nümayiş etdirirlər. Alkoqola qarşı göstərilən dözümsüzlük əvvəllər diaqnozu təsdiq
olunmamış analgetik astma sindromunun əlaməti ola bilər (“Əks göstərişlər” bölməsinə bax).
Anafilaktik şok, ilk növbədə, həssas pasiyentlərdə meydana çıxa bilər və bu səbəbdən, preparatın
astmalı və ya atopiyalı pasiyentlərdə istifadəsi müddətində ehtiyat tədbirlərinə xüsusilə riayət
edilməlidir.
Analgin preparatının istifadəsinə başlamazdan əvvəl pasiyenti tələb olunan qaydada dindirmək
lazımdır. Anafilaktoid reaksiyaların yüksək riski qeyd olunan pasiyentlərdə Analgin preparatı
yalnız, mümkün risklərin preparatın gözlənilən faydası ilə hərtərəfli analizindən sonra istifadə
edilməlidir (“Əks göstərişlər” bölməsinə bax). Göstərilən hallarda Analgin preparatı təyin edilərsə,
pasiyent təcili yardım göstərməyə hazır olan həkim nəzarəti altında saxlanılmalıdır.
Ağır dərəcəli dəri reaksiyaları
Metamizolun istifadəsi ilə əlaqəli Stivens-Conson sindromu (SJS), toksik epidermal nekroliz (TEN)
və eozinofiliya və sistem simptomlarla müşayiət edilən dərman reaksiyası (DRESS) da daxil
olmaqla, həyat üçün təhlükəli ola bilən və ya ölümlə nəticələnən ciddi əlavə dəri reaksiyaları
(SCAR) barədə məlumatlar daxil olmuşdur.
Pasiyentlər dəri reaksiyalarının əlamətləri barədə məlumatlandırılmalı və həmin reaksiyaların
meydana çıxmasına ciddi nəzarət və müşahidə etməlidirlər. Həmin reaksiyaların mövcudluğunu
göstərən əlamətlər və ya simptomlar meydana çıxdığı halda, metamizolun istifadəsi dərhal
dayandırılmalıdır və bir daha heç bir vəziyyətdə metamizol təkrar istifadə edilməməlidir (“Əks
göstərişlər” bölməsinə bax).
Dərman preparatının istifadəsi ilə əlaqəli qaraciyər zədələnməsi
Metamizoldan istifadə edən pasiyentlərdə, müalicənin başlanmasından sonra bir neçə gündən bir
neçə aya qədər davam edən müddət ərzində əsasən hepatosellülyar mənzərə ilə müşayiət olunan
kəskin hepatit halları qeydə alınmışdır. Simptomlara, adətən, dərman preparatlarına qarşı digər
hiperhəssaslıq reaksiyaları (məsələn, səpgi, qan analizinin pozulması, qızdırma və eozinofiliya) ilə
əlaqəli və ya autoimmun hepatit əlamətləri ilə müşayiət olunan sarılıqla və ya sarılıqsız meydana
çıxan qan zərdabına qaraciyər fermentlərinin səviyyəsinin yüksəlməsi aiddir. Metamizol ilə müalicə
dayandırıldıqdan sonra, pasieyntlərin əksəriyyəti sağalmışdır. Bununla belə, ayrı-ayrı hallarda
kəskin qaraciyər çatışmazlığının proqressivləşməsi barədə məlumatlar daxil olmuşdur və bu zaman,
qaraciyər transplantasiyasının aparılması tələb oluna bilər.
Metamizolun istifadəsi nəticəsində qaraciyər zədələnməsinin mexanizmi tam müəyyən
edilməmişdir. Lakin, məlumatlar mexanizmin immunoallergik xarakter daşımasını göstərir.
Pasiyentlər, qaraciyər zədələnməsini təsdiq edən simptomlar meydana çıxdığı hallarda həkimlə
məsləhətləşmənin zəruriliyi barədə məlumatlandırılmalıdırlar. Həmin pasientlərdə metamizol ilə
müalicə dayandırılmalıdır və qaraciyər funksiyaları müayinə olunmalıdır. Metamizol ilə müalicə
müddətində əvvəllər qaraciyər zədələnməsi qeyd olunduğu və bunun üçün başqa səbəb aşkar
edilmədiyi hallarda, metamizolu təkrar təyin etmək olmaz.
Təcrid olunmuş hipotenziv reaksiyalar
Analgin preparatı hipotenziv reaksiyaların meydana çıxmasına səbəb ola bilər (“Əlavə təsirləri”
bölməsinə bax). Həmin reaksiyalar dozadan asılı ola bilər. Bu vəziyyət, preparatın enteral istifadəsi
ilə müqayisədə, parenteral yeridilmə zamanı daha tez-tez müşahidə olunur.
Aşağıda göstərilən hallarda bu reaksiyaların təhlükəsi həmçinin yüksəlir:
- venadaxili inyeksiya həddindən artıq sürətlə yeridildikdə (“İstifadə qaydası və dozası” bölməsinə
bax);
- əvvəllər mövcud olan hipotenziyalı, hipovolemiyalı pasiyentlərdə və ya susuzlaşma, qeyri-stabil qan dövranı sistemi və ya qan dövranı çatışmazlığı (məsələn, miokard infarktı və ya çoxsaylı
zədələnmələr) müşahidə olunan pasiyentlərdə;
- bədən temperaturunun yüksəlməsi qeyd olunduqda.
Həmin pasiyentlərdə göstərişlərin hərtərəfli qiymətləndirilməsi və ciddi monitorinqin aparılması
tələb olunur. Hipotenziv reaksiyalar riskinin aşağı salınması üçün profilaktik tədbirlərin aparılması
(məsələn, qan dövranının stabilləşdirilməsi) tələb oluna bilər.
Arterial təzyiqin azalmasının qarşısının alınması tələb olunan pasiyentlərə, məsələn, ürəyin işemik
xəstəliyinin ağır fozması və ya baş beyni qanla təchiz edən müvafiq damarların stenozu qeyd olunan
vəziyyətlərdə Analgin preparatı, yalnız hemodinamik parametrlərin hərtərəfli monitorinqinin
aparılması ilə istifadə edilə bilər.
Böyrək və ya qaraciyər çatışmazlığı qeyd olunan pasiyentlərdə Analgin preparatının istifadəsi,
yalnız fayda/risk nisbətinin hərtərəfli qiymətləndirilməsindən və müvafiq ehtiyat tədbirlərinin
həyata keçirilməsindən sonra mümkündür (“İstifadə qaydası və dozası” bölməsinə bax).
Analgin preparatının tərkibində natrium vardır.
Göstərilən dərman preparatının hər bir tabletinin tərkibində 33,0 mq natrium vardır ki, bu da ÜST
(Ümumdünya Səhiyyə Təşkilatı) tərəfindən yetkin yaşlı insanlar üçün tövsiyə edilən natriumun
maksimal sutkalıq 2 q dozasının 1,7 %-nə ekvivalentdir. Bu, natriumun miqdarına nəzarətli
(natriumun və suyun aşağı miqdarları ilə) pəhriz saxlayan pasiyentlərdə nəzərə alınmalıdır.
Digər dərman vasitələri ilə qarşılıqlı təsiri
Metabolizmdə iştirak edən fermentlərin farmakokinetik induksiyası
Metamizol CYP2B6 və CYP3A4 izofermentləri də daxil olmaqla, metabolzim fermentlərini
induksiya edə bilər.
Metamizolun bupropionla, efavirenzlə, metadonla, valproatla, siklosporinlə, takrolimusla və ya
sertralinlə eyni zamanda istifadəsi qan plazmasında göstərilən dərman preparatların
konsentrasiyalarının azalmasına gətirib çıxara bilər ki, bu da klinik effektivliyin potensial zəifləməsi
ilə müşayiət oluna bilər. Bu səbəbdən, göstərilən preparatların metamizolla eyni zamanda istifadəsi
müddətində ehtiyat tədbirlərinə riayət edilməlidir. Klinik cavaba və/və ya preparatın səviyyəsinə
tələb olunan qaydada nəzarət edilməlidir.
Analgin preparatının və xlorpromazinin eyni zamanda istifadəsi müddətində şiddətli hipotermiya
meydana çıxa bilər.
Metotreksatın istifadəsi ilə yanaşı metamizolun təyin edilməsi, xüsusilə, yaşlı pasiyentlərdə
metotreksatın hematotoksikliyinin güclənməsinə səbəb ola bilər. Bu səbəbdən, göstərilən
kombinasiyanın istifadəsindən çəkinmək lazımdır.
Eyni zamanda istifadə edildikdə, metamizol, asetilsalisil turşusunun trombositlərin aqreqasiyasına
təsirini zəiflədə bilər. Bu səbəbdən, kardioproteksiya məqsədi ilə asetilsalisil turşusunun aşağı
dozalarından istifadə edən pasiyentlərə metamizol ehtiyatla təyin edilməlidir.
Məlumdur ki, pirazolonlar sinfinə daxil olan birləşmələr peroral antikoaqulyantlarla, kaptoprillə,
litium tərkibli preparatlarla və triamterenlə qarşılıqlı təsir nümayiş etdirə bilər və eləcə də,
antihipertenziv preparatların və diuretiklərin effektivliyinin dəyişməsinə səbəb ola bilər.
Metamizolun bu qarşılıqlı effektlərə nə dərəcədə təsir edə biləcəyi məlum deyildir.

Tədqiqat metodlarına təsiri
Metamizoldan istifadə edən pasiyentlərdə Trinder reaksiyası və buna bənzər müayinələr (məsələn,
zərdab kreatininin, triqliseridlərin, YSLP (yüksək sıxlıqlı lipoprtoteinlər) xolesterinin və ya sidik
turşusu səviyyəsinin müəyyən edilməsi) əsasında aparılan laborator tədqiqatların nəticələrinə təsiri
barədə məlumatlar daxil olmuşdur.
Uyuşmazlığı
İstifadə edilmir.

Hamiləlik və laktasiya dövründə istifadəsi
Hamiləlik dövrü
Metamizolun hamilə qadınlar tərəfindən istifadəsi barədə məhdud məlumatlar mövcuddur.
Hamiləlik dövrünün birinci trimestri müddətində metamizolun təsirinə məruz qalmış hamilə
qadınlar (n = 568) barədə dərc olunmuş məlumatlara əsasən, preparatın teratogen və ya
embriotoksik təsirinin təsdiqi aşkar edilməmişdir. Ayrı-ayrı hallarda hamiləlik dövrünün birinci və
ikinci trimestrləri müddətində digər müalicə variantları mövcud olmadıqda, metamizolun birdəfəlik dozalarının

istifadəsi məqsədəuyğun ola bilər. Bununla belə, hamiləlik dövrünün birinci və ikinci
trimestrləri müddətində metamizolun istifadəsi tövsiyə olunmur. Preparatın hamiləlik dövrünün
üçüncü trimestrində istifadəsi, onun fetotoksik təsiri (böyrək funksiyalarının pozulması və arterial
axacağın daralması) ilə əlaqəlidir və bu səbəbdən, hamiləlik dövrünün üçüncü trimestrində
metamizolun istifadəsi əks göstərişdir (“Əks göstərişlər” bölməsinə bax).
Hamiləlik dövrünün üçüncü trimestrində metamizoldan təsadüfən istifadə edildikdə, USM (ultrasəs
müayinəsi) və exokardioqrafiya vasitəsi ilə amniotik mayenin və arterial axacağın tədqiqatı
aparılmalıdır. Metamizolun prostaqlandin sintezinin yalnız zəif inhibitoru olmasına baxmayaraq,
döldə və anada trombositlərin aqreqasiya qabiliyyətinin zəifləməsi nəticəsində perinatal
ağırlaşmaların mümkünlüyünü istisna etmək olmaz.
Metamizol plasentadan nüfuz edir.
Heyvanlar üzərində aparılan tədqiqatlarda metamizol teratogen effektlər deyil, reproduktiv toksiklik
nümayiş etdirmişdir (“Farmakokinetikası” bölməsində “Preparatın təhlükəsizliyinə dair preklinik
məlumatlar” hissəsinə bax).
Laktasiya dövrü
Metamizolun parçalanma məhsullarının əhəmiyyətli miqdarları ana südünə daxil olur və bu
səbəbdən, ana südü ilə qidalanan uşaqda riskin mövcudluğu istisna edilməməlidir. Xüsusilə,
laktasiya dövründə metamizolun təkrar istifadəsindən çəkinmək lazımdır. Metamizolun birdəfəlik
istifadəsi zamanı analara, preparatın istifadəsindən sonra 48 saat müddətində ana südünü sağmaq və
tullamaq tövsiyə edilməlidir.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Tövsiyə edilən doza diapazonunda konsentrasiyalaşma qabiliyyətinin və reaksiyanın məlum
pozulması barədə məlumat yoxdur. Lakin ehtiyat tədbiri qismində çox yüksək dozanın qəbulu
zamanı pasiyentin vəziyyətinin pisləşməsini nəzərə almaq və mexanizmlərlə işləməkdən, nəqliyyat
vasitələrini idarə etməkdən və digər təhlükəli fəaliyyətdən çəkinmək lazımdır. Bu xüsusilə alkoqolla
eyni vaxtda istifadə edildikdə, aktualdır.

Xüsusi pasiyent qrupları
Yaşlı pasiyentlər və kreatinin klirensinin pozğunluqları qeyd olunan pasiyentlər
Yaşlı pasiyentlərdə və kreatinin klirensinin azalması qeyd olunan pasiyentlərdə preparatın dozası
aşağı salınmalıdır, çünki, preparatın istifadəsi müddətində onun metabolitlərinin xaricolması
ləngiyə bilər.
Böyrək və qaraciyər funksiyalarının zəifləməsi qeyd olunan pasiyentlər
Metabolitlərin xaricolmasının ləngimə ehtimalını nəzərə alaraq, preparatın dozası aşağı
salınmalıdır. Böyrək və ya qaraciyər funksiyalarının zəifləməsi qeyd olunduqda, yüksək dozaların
çoxsaylı istifadəsindən çəkinmək lazımdır. Dozanı azaltmadan preparatın qısamüddətli istifadəsi dozalarının istifadəsi məqsədəuyğun ola bilər. Bununla belə, hamiləlik dövrünün birinci və ikinci
trimestrləri müddətində metamizolun istifadəsi tövsiyə olunmur. Preparatın hamiləlik dövrünün
üçüncü trimestrində istifadəsi, onun fetotoksik təsiri (böyrək funksiyalarının pozulması və arterial
axacağın daralması) ilə əlaqəlidir və bu səbəbdən, hamiləlik dövrünün üçüncü trimestrində
metamizolun istifadəsi əks göstərişdir (“Əks göstərişlər” bölməsinə bax).
Hamiləlik dövrünün üçüncü trimestrində metamizoldan təsadüfən istifadə edildikdə, USM (ultrasəs
müayinəsi) və exokardioqrafiya vasitəsi ilə amniotik mayenin və arterial axacağın tədqiqatı
aparılmalıdır. Metamizolun prostaqlandin sintezinin yalnız zəif inhibitoru olmasına baxmayaraq,
döldə və anada trombositlərin aqreqasiya qabiliyyətinin zəifləməsi nəticəsində perinatal
ağırlaşmaların mümkünlüyünü istisna etmək olmaz.
Metamizol plasentadan nüfuz edir.
Heyvanlar üzərində aparılan tədqiqatlarda metamizol teratogen effektlər deyil, reproduktiv toksiklik
nümayiş etdirmişdir (“Farmakokinetikası” bölməsində “Preparatın təhlükəsizliyinə dair preklinik
məlumatlar” hissəsinə bax).
Laktasiya dövrü
Metamizolun parçalanma məhsullarının əhəmiyyətli miqdarları ana südünə daxil olur və bu
səbəbdən, ana südü ilə qidalanan uşaqda riskin mövcudluğu istisna edilməməlidir. Xüsusilə,
laktasiya dövründə metamizolun təkrar istifadəsindən çəkinmək lazımdır. Metamizolun birdəfəlik
istifadəsi zamanı analara, preparatın istifadəsindən sonra 48 saat müddətində ana südünü sağmaq və
tullamaq tövsiyə edilməlidir.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Tövsiyə edilən doza diapazonunda konsentrasiyalaşma qabiliyyətinin və reaksiyanın məlum
pozulması barədə məlumat yoxdur. Lakin ehtiyat tədbiri qismində çox yüksək dozanın qəbulu
zamanı pasiyentin vəziyyətinin pisləşməsini nəzərə almaq və mexanizmlərlə işləməkdən, nəqliyyat
vasitələrini idarə etməkdən və digər təhlükəli fəaliyyətdən çəkinmək lazımdır. Bu xüsusilə alkoqolla
eyni vaxtda istifadə edildikdə, aktualdır.

İstifadə qaydası və dozası
Preparatın dozalanma rejimi
Preparatın dozalanması ağrının intensivliyindən, qızdırmadan və preparatın istifadəsinə qarşı
pasiyentin cavab reaksiyasından asılıdır. Preparatın, ağrıya və qızdırmaya nəzarət etmək imkanı
verən ən aşağı effektiv dozaları seçilməlidir.
Böyüklərə və 15 yaşdan yuxarı yeniyetmələrə (bədən kütləsi > 53 kq) birdəfəlik qəbula 1000 mq-a
qədər dozalar təyin edilə bilər. Birdəfəlik istifadədən sonra kifayət qədər effekt əldə edilmədiyi
təqdirdə, maksimal birdəfəlik dozanın 6-8 saat zaman intervalı ilə sutkada 4 dəfəyə qədər artırılması
mümkündür ki, bu da 4000 mq maksimal sutkalıq dozaya müvafiqdir.
Xüsusi pasiyent qrupları
Yaşlı pasiyentlər və kreatinin klirensinin pozğunluqları qeyd olunan pasiyentlər
Yaşlı pasiyentlərdə və kreatinin klirensinin azalması qeyd olunan pasiyentlərdə preparatın dozası
aşağı salınmalıdır, çünki, preparatın istifadəsi müddətində onun metabolitlərinin xaricolması
ləngiyə bilər.
Böyrək və qaraciyər funksiyalarının zəifləməsi qeyd olunan pasiyentlər
Metabolitlərin xaricolmasının ləngimə ehtimalını nəzərə alaraq, preparatın dozası aşağı
salınmalıdır. Böyrək və ya qaraciyər funksiyalarının zəifləməsi qeyd olunduqda, yüksək dozaların
çoxsaylı istifadəsindən çəkinmək lazımdır. Dozanı azaltmadan preparatın qısamüddətli istifadəsi mümkündür. Preparatın uzun müddət ərzində istifadə təcrübəsi barədə məlumat yoxdur.
Uşaqlar
Analgin preparatının 15 yaşa qədər uşaqlarda istifadəsi tövsiyə olunmur. Preparatın, kiçik yaşlı
uşaqlarda istifadəsi üçün müvafiq dozalarda digər dərman formaları mövcuddur.
İstifadə qaydası
Müalicənin davametmə müddəti xəstəliyin növündən və ağırlıq dərəcəsindən asılıdır. Bir çox
hallarda qənaətbəxş effektin əldə olunması üçün preparatın peroral qəbulu yetərli olur. Preparatın
peroral və ya rektal istifadəsi üçün göstəriş olmadığı hallarda, Analgin preparatının venadaxili və ya
əzələdaxili yeridilməsi tövsiyə edilir.
Tabletləri daxilə bütöv, kifayət qədər (məsələn, 1 stəkan) maye ilə birlikdə qəbul etmək lazımdır.
Gözlənilən effekt preparatın peroral istifadəsindən 30-60 dəqiqə sonra və parenteral
yeridilməsindən 30 dəqiqə sonra meydana çıxır. Preparatın istifadə qaydası seçildikdə nəzərə almaq
lazımdır ki, onun parenteral yolla yeridilməsi anafilaktik və anafilaktoid reaksiyaların inkişaf etmə
riskinin yüksəlməsi ilə əlaqəlidir.

Əlavə təsirləri
Arzuolunmayan reaksiyaların başvermə tezliyi aşağıda göstərilən kateqoriyalara əsaslanır: çox tez-
tez (≥ 1/10), tez-tez (≥ 1/100-dən, < 1/10-ə qədər), bəzən (≥ 1/1000-dən, < 1/100-ə qədər), nadir
hallarda (≥ 1/10000-dən, < 1/1000-ə qədər), çox nadir hallarda (< 1/10000), məlum deyil (əldə
olunan məlumatlar əsasında qiymətləndirilməsi mümkün deyil).
Qan və limfa sistemində baş verən pozğunluqlar: nadir hallarda – leykopeniya; çox nadir hallarda
– aqranulositoz, o cümlədən, ölümlə nəticələnən, trombositopeniya; məlum deyil – aplastik
anemiya, pansitopeniya, o cümlədən, ölümlə nəticələnən. Göstərilən reaksiyalar həmçinin,
metamizolun əvvəllər yeridilməsi zamanı ağırlaşmalar qeyd olunmayan hallarda belə meydana çıxa
bilər.
Analgin preparatının 1 həftədən artıq müddət ərzində istifadəsi zamanı aqranulositozun meydana
çıxma riskinin yüksəlməsi ehtimalı barədə təsdiq edilməmiş məlumatlar mövcuddur.
Göstərilən reaksiya dozadan asılı deyil və müalicənin istənilən mərhələsində meydana çıxa bilər.
Həmin reaksiya özünü bədən temperaturunun yüksəlməsi, vicə, boğaz ağrısı, udma aktının
çətinləşməsi, ağız boşluğu, burun, boğaz, cinsiyyət orqanları nahiyələrində və ya anus nahiyəsində
iltihab ilə biruzə verir. Bununla belə, antibiotiklərin istifadəsi ilə müalicə qəbul edən pasiyentlərdə
göstərilən əlamətlər minimal ola bilər. Limfa düyünləri və ya dalaq ödemi minimaldır və ya heç
mövcud deyildir. Eritrositlərin çökmə sürəti əhəmiyyətli dərəcədə yüksəlir, qranulositlərin miqdarı
azalır və ya onlar tamamilə yox olur. Ümumiyyətlə, hər zaman olmasa da, hemoqlobin, eritrositlər
və trombositlər norma göstəriciləri səviyyəsində qalır (“Xüsusi göstərişlər və ehtiyat tədbirləri”
bölməsinə bax). Sağalma üçün preparatın istifadəsinin dərhal dayandırılmasının həlledici
əhəmiyyəti vardır. Bu səbəbdən, pasiyentin ümumi vəziyyətinin qəflətən pisləşməsi, enməyən və ya
residivləşən qızdırma, selikli qişalarda, xüsusilə, ağız boşluğunda, burun və boğaz nahiyələrində
ağrı ilə müşayiət edilən dəyişikliklər qeyd olunduqda, laborator diaqnostik tədqiqatların nəticələrini
gözləməmək və Analgin preparatının istifadəsini dərhal dayandırmaq israrla tövsiyə olunur.
Trombositopeniyanın tipik əlamətlərinə qanaxmalara yüksək meyllilik və dəri və selikli qişalar
üzərində petexiyaların əmələ gəlməsi aiddir.
Pansitopeniya meydana çıxdığı halda, müalicəni dərhal dayandırmaq və göstəricilər normallaşana
qədər qanın ümumi analizinə nəzarət etmək lazımdır.
İmmun sistemdə baş verən pozğunluqlar: nadir hallarda – anafilaktoid və ya anafilaktik
reaksiyalar*; çox nadir hallarda – analgetiklərin istifadəsi ilə əlaqəli astma sindromu. Analgetik
astma sindromu qeyd olunan pasiyentlərdə dözümsüzlük reaksiyaları, adətən, astma tutmaları
şəklində meydana çıxır; məlum deyil – anafilaktik şok*.
* Göstərilən reaksiyalar xüsusilə, preparatın parenteral yolla istifadəsindən sonra meydana çıxa
bilər və həyat üçün ciddi və təhlükəli ola bilər, bəzi hallarda isə ölümlə nəticələnə bilər. Həmin
reaksiyalar həmçinin, metamizolun əvvəllər yeridilməsi zamanı ağırlaşmalar qeyd olunmayan
hallarda belə meydana çıxa bilər. Bu reaksiyalar inyeksiya zamanı və ya preparatın daxilə
istifadəsindən dərhal sonra və eləcə də, bir neçə saatdan sonra inkişaf edə bilər. Onlar əsasən,
preparatın istifadəsindən sonra bir saat müddətində meydana çıxır. Nisbətən yüngül reaksiyalar
özünü dəri və selikli qişalar üzərində təzahürlərlə (məsələn, qaşınma, yanğı hissi, qızarma, övrə və ödem), təngnəfəsliklə və daha nadir hallarda mədə-bağırsaq trakstında qeyd olunan simptomatika
ilə biruzə verir. Qeyd olunan nisbətən yüngül reaksiyalar generalizəolunmuş övrə, şiddətli
angionevrotik ödem (o cümlədən, qırtlaq nahiyəsində), şiddətli bronxospazm, ürək aritmiyası, AT-
nin (arterial təzyiq) enməsi (bəzi hallarda, əvvəlcədən AT-nin yüksəlməsi qeyd olunur), sirkulyator
şok ilə müşayiət olunan daha ağır formalara keçə bilər.
Bu səbəbdən, dəri reaksiyaları meydana çıxdığı halda, Analgin preparatının istifadəsini dərhal
dayandırmaq lazımdır.
Ürəkdə baş verən pozğunluqlar: məlum deyil – Kunis sindromu.
Damarlarda baş verən pozğunluqlar: bəzən – preparatın istifadəsi müddətində və ya istifadəsindən
sonra meydana çıxan hipotenziv reaksiyalar farmakoloji baxımdan əlaqəli ola bilər və anafilaktoid
və ya anafilaktik reaksiya əlamətləri ilə müşayiət olunmaya bilər. Göstərilən reaksiya arterial
təzyiqin kəskin enməsinə gətirib çıxara bilər. Sürətlə yeridilən venadaxili inyeksiya hipotenziv
reaksiya riskinin yüksəlməsinə səbəb olur.
Bundan əlavə, hiperpireksiya zamanı hiperhəssaslıq reaksiyasının əlavə əlamətləri olmadan arterial
təzyiqin dozadan asılı kritik enməsi müşahidə oluna bilər.
Mədə-bağırsaq traktında baş verən pozğunluqlar: məlum deyil – mədə-bağırsaq qanaxmaları barədə
məlumatlar daxil olmuşdur.
Qaraciyərdə və ödçıxarıcı yollarda baş verən pozğunluqlar: məlum deyil – kəskin hepatit, sarılıq,
qaraciyər fermentlərinin aktivliyinin yüksəlməsi də daxil olmaqla, dərman preparatının istifadəsi ilə
əlaqəli qaraciyər zədələnməsi (“Xüsusi göstərişlər və ehtiyat tədbirləri” bölməsinə bax).
Dəridə və dərialtı toxumalarda baş verən pozğunluqlar: bəzən – sabit dərman eriteması; nadir
hallarda – səpgilər (məsələn, makulopapulyoz ekzantema); çox nadir hallarda – Stivens-Conson
sindromu (SCS) və ya toksik epidermal nekroliz (TEN); məlum deyil – eozinofiliya və sistem
simptomlarla müşayiət olunan dərman reaksiyası (DRESS).
Metamizolla müalicə müddətində Stivens-Conson sindromu (SCS), toksik epidermal nekroliz
(TEN) və eozinofiliya və sistem simptomlarla müşayiət olunan dərman reaksiyası (DRESS) da daxil
olmaqla, ağır dərəcəli arzuolunmayan dəri reaksiyaları barədə məlumatlar daxil olmuşdur.
Böyrəklərdə və sidik-ifrazat yollarında baş verən pozğunluqlar: çox nadir hallarda – böyrək
funksiyalarının kəskin pisləşməsi, çox nadir hallarda proteinuriya, oliqo- və ya anuriya və ya kəskin
böyrək çatışmazlığı, kəskin interstisial nefrit inkiaşf edə bilər.
Ümumi pozğunluqlar və yeridilmə nahiyəsində baş verən dəyişikliklər: sidiyin qırmızı rəngə
boyanması barədə məlumatlar daxil olmuşdur ki, bu da metamizolun zərərsiz aşağı konsentrasiyalı
metaboliti olan rubazon turşusu ilə əlaqəli ola bilər.
Ehtimal edilən arzuolunmayan reaksiyalar barədə məlumatlar
Dərman preparatının qeydiyyatından sonra, dərman preparatının fayda/risk nisbətinin fasiləsiz
monitorinqinin təmin edilməsi məqsədi ilə ehtimal edilən arzuolunmayan reaksiyalar barədə
məlumatların mühüm əhəmiyyəti vardır. Tibb işçilərindən, Avrasiya İqtisadi İttifaqına üzv olan
dövlətlərin milli hesabat sistemindən istifadə edərək, dərman preparatının hər hansı ehtimal edilən
arzuolunmayan reaksiyaları barədə məlumat vermək tövsiyə olunur.
İstənilən arzuolunmayan reaksiyalar və dərman preparatının qeyri-effektivliyi barədə məlumatların
aşağıda göstərilən ünvana istiqamətləndirilməsi tövsiyə olunur: Belarus Respublikası, 220037,
Minsk şəh., “Səhiyyədə sınaqların ekspertizası Mərkəzi” (“Sentr ekspertiz ispıtaniy v
zdravooxranenii”)Respublika unitar müəssisəsi, Tovarişeskiy per., 2a.
E-mail: rcpl@rceth.by; www.rceth.by
Doza həddinin aşılması
Doza həddinin aşılması zamanı qeyd olunan simptomlar
Doza həddinin kəskin aşılması fonunda ürəkbulanma, qusma, qarın nahiyəsində ağrı, böyrək
funksiyalarının pozulması/kəskin böyrək çatışmazlığı (məsələn, interstisial nefrit şəklində) və
nisbətən nadir hallarda – MSS (mərkəzi sinir sistemi) ilə əlaqəli simptomlar (başgicəllənmə, yuxuya
meyllilik, koma, qıcolmalar). Arterial təzyiqin enməsi, şok və taxikardiya barədə məlumatlar daxil
olmuşdur.
Çox yüksək dozaların istifadəsindən sonra, rubazon turşusunun ekskresiyası sidiyin qırmızı rəngə
boyanmasına səbəb ola bilər.
Doza həddinin aşılması zamanı müalicəvi tədbirlərin aparılması Metamizolun spesifik antidotu məlum deyildir. Metamizol qısa müddət ərzində istifadə edildiyi
halda, birincili detoksikasiya tədbirləri (məsələn, mədənin yuyulması və aktivləşdirilmiş kömürün
istifadəsi) vasitəsi ilə preparatın orqanizmə sorulmasını məhdudlaşdırmağa cəhd etmək olar.
Preparatın əsas metaboliti (4-N-metilaminoantipirin) orqanizmdən hemodializ, hemofiltrasiya,
hemoperfuziya və ya plazmofiltrasiya vasitəsi ilə xaric edilə bilər.
İntoksikasiyanın müalicəsi və eləcə də, ciddi ağırlaşmaların profilaktikası üçün ümumi və
ixtisaslaşdırılmış intensiv müşahidənin və müalicənin aparılması tələb oluna bilər.
Ağır hiperhəssaslıq reaksiyaları (şok) zamanı təcili tədbirlərin aparılamsı
İlk əlamətlər (məsələn, övrə və hiperemiya, narahatlıq, baş ağrısı, tər ifrazının güclənməsi,
ürəkbulanma kimi dəri reaksiyaları) meydana çıxdığı halda, Analgin preparatının istifadəsi
dayandırılmalıdır. Adətən aparılan təxirəsalınmayan tədbirlərə, məsələn, başın və bədənin yuxarı
hissəsinin aşağı vəziyyətdə yerləşdirilməsi, tənəffüs yollarının sərbəstliyinin təmin edilməsi və
oksigenin yeridilməsi kimi tədbirlərə əlavə olaraq, simpatomimetiklərin və ya qlükokortikoidlərin
yeridilməsi tələb oluna bilər.

Buraxılış forması
10 tablet konturlu-yuvasız qablaşdırmada. 1 konturlu-yuvasız qablaşdırma içlik vərəqə ilə birlikdə
karton qutuya qablaşdırılır.
10 tablet konturlu-yuvalı qablaşdırmada. 2 və ya 5 konturlu-yuvalı qablaşdırma içlik vərəqə ilə
birlikdə karton qutuya qablaşdırılır.

Müalicə-profilaktika müəssisələri üçün
300 konturlu-yuvalı və ya 390 konturlu-yuvasız qablaşdırma 10 içlik vərəqə ilə birlikdə karton
qutuya qablaşdırılır.

Saxlanma şəraiti
25ºС temperaturdan yüksək olmayan, işıqdan və rütubətdən qorunan və uşaqların əli çatmayan
yerdə saxlamaq lazımdır.
Dərman vasitəsinin istifadəsindən sonra dərman vasitəsinin qalığının utilizasiyası zamanı xüsusi
ehtiyat tədbirləri və preparatla digər manipulyasiyalar
Utilizasiyasına dair xüsusi tələb yoxdur.
Tam qalmış dərman vasitəsi və qalığı müəyyən edilmiş qayda üzrə utilizasiya etmək lazımdır.

Yararlılıq müddəti
3 il.
Yararlılıq müddəti bitdikdən sonra istifadə etmək olmaz.

Aptekdən buraxılma şərti
Resept əsasında buraxılır.

İstehsalçı/Qeydiyyat vəsiqəsinin sahibi
“Borisov dərman preparatları zavodu” açıq səhmdar cəmiyyəti.
Belarus Respublikası, Minsk vilayəti, Borisov ş., Çapayev k., 64.
Tel.: +375 (177) 73 56 12; 73 11 56.
E-mail: market@borimed.com

Pharmed

ANALGIN 500MG 2ML N10 AMP (BELARUS)

Məhsulu dəyərləndir