PharmEd

pharmed

ALMAGEL 170ML SRP

ALMAGEL

 

ALMAGEL Tərkibi

Təsiredici maddələr:5 ml (1 ölçü qaşığı) suspenziyanın tərkibində 2,18 q alüminium hidroksid geli (218 mq alüminium oksidə müvafiq), 350 mq maqnezium hidroksid pastası (75 mq maqnezium oksidə müvafiq) vardır. Köməkçi maddələr: hidrogen peroksid məhlulu, sorbitol, hidroksietilsellüloza,

 

Farmakoterapevtik qrupu

Antasid maddə.

ATC kodu: А02АВ10.

 

Farmakoloji xüsusiyyətləri

Almagel mədə şirəsinin yüksəlmiş turşuluğunu aşağı salan preparatdır. Preparat tərkibcə alüminium və maqnezium hidroksidlərinin suda həll olmayan, mədə-bağırsaq sistemindən demək olar ki, sorulmayan balanslaşdırılmış gelidir. Almagel mədənin selikli qişasına yerli təsir göstərir və mədəni qidanın, xlorid turşusunun və digər zərərli maddələrin qıcıqlandırıcı təsirlərindən qoruyur; pepsinin fəallığını zəiflədir. Qida borusunun yüksəlmiş turşuluğunu aşağı salır. Qida borusunun, mədənin və onikibarmaq bağırsağın selikli qişasına büzüşdürücü və iltihab əleyhinə təsir göstərir. Köməkçi maddələrdən sorbitol zəif qazqovucu, mülayim ödqovucu və işlədici təsirlərə malikdir.

 

İstifadəsinə göstərişlər

− mədə turşuluğunun artması ilə müşayiət olunan qida borusu, mədə və onikibarmaq bağırsaq xəstəliklərinin simptomatik müalicəsi;

− ezofaqit, hiatus yırtığı;

− qastroezofaqeal reflüks xəstəliyi;

− kəskin və xroniki qastrit və qastroenterit;

− mədə və onikibarmaq bağırsağın xora xəstəliyi;

− postrezeksion qastrit və qastroanastomozit;

− mədə və onikibarmaq bağırsaq patologiyasının profilaktikası (dərman maddələrinin qıcıqlandırıcı və ulserogen təsirinin azaldılması istiqamətində).

 

Əks göstərişlər

− Preparatın hər hansı komponentinə qarşı yüksək həssaslıq;

− böyrək çatışmazlığının ağır formaları

– hipermaqneziemiya və alüminium intoksikasiyası riski artır.

 

Xüsusi göstərişlər və ehtiyat tədbirləri

Almagel aşağıdakı hallarda ehtiyatla təyin olunur:

− ağır vərdiş olunmuş qəbizlik, qarın nahiyəsində etiologiyası məlum olmayan ağrı, kəskin appendisitə şübhə, xoralı kolit, divertikulyoz, kolostomiya və ya ileostomiya (su-duz balansının pozulması riski artır), xroniki ishal, babasilin kəskin dövrü;

− orqanizmin turşu-qələvi müvazinətinin pozulması, metabolik alkaloz zamanı;

− qaraciyər sirrozu və digər qaraciyər xəstəlikləri;

− ürək çatışmazlığının ağır formaları, durğunluq ürək çatışmazlığı;

− hamiləlik toksikozu;

− böyrək xəstəlikləri (hipermaqneziemiya və alüminium intoksikasiyası riski artır). Alüminium sinir toxumasında toplandığına görə alüminium tərkibli antasid maddələrin yaşlı adamlara və Alsheymer xəstəliyindən əziyyət çəkən xəstələrə təyin olunması məhdudlaşdırılmalıdır. Yaşlı adamlar: Almagel qəbul etdikdə anamnezdə olan sümük və oynaq xəstəlikləri kəskinləşə bilər. Böyrək çatışmazlığından əziyyət çəkən xəstələrə preparatı uzunmüddətli (14 gün) istifadə üçün təyin etdikdə qanda maqneziumun miqdarını nəzarətdə saxlamaq lazımdır. Preparatın tərkibində olan parahidroksibenzoatlar allergik reaksiyalar (əsasən ləng gedişli) və nadir hallarda bronxospazm törədə bilər. Almagel-in tərkibində 2,5% etanol (spirt) var – yəni preparatın 5 ml-də 98,1 q etanol (2,5 ml pivə və 1 ml şəraba ekvivalent) və ya preparatın 10 ml-də 196,2 q etanol (5 ml pivə və 2 ml şəraba ekvivalent) və bu hal alkoqolizmdən əziyyət çəkən xəstələrə təyin olunduqda nəzərə alınmalıdır. Risk qrupuna həmçinin, hamilə və südverən qadınlar, uşaqlar, qaraciyər və epilepsiya xəstəliklərindən əziyyət çəkən pasientlər daxildir. Preparat durulaşdırılmamış qəbul edilir.

 

Digər dərman vasitələrilə qarşılıqlı təsiri

Almagel ilə eyni vaxtda digər preparatlar təyin olunarsa bu preparatlar Almagel-dən 1-2 saat əvvəl və ya 1-2 saat sonra qəbul edilməlidir. Preparat mədə şirəsinin turşuluğunu zəiflədir ki, bu da eyni zamanda qəbul edilən digər dərman vasitələrinin effektivliyinə təsir edə bilər. Almagel H2-histamin reseptorlarının blokatorlarının (simetidin, ranitidin, famotidin), üskükotu (digitalis) qlikozidlərinin, dəmir və litium preparatlarının, xinidinin, meksilitinin, fenotiazin preparatlarının, tetrasiklin sırasından olan antibiotiklərin, siprofloksasinin, izoniazidin, ketokonazolun, sulfanilamid preparatlarının müalicəvi təsirini aşağı salır. Almagel mədə şirəsinin turşuluğunu aşağı salır və buna görə də yuxarıda göstərilən dərman maddələrinin bağırsaqda həll olan tablet formalarının Almagellə birlikdə qəbulu onların örtüklərinin daha tez dağılmasına və mədə və onikibarmaq bağırsağın selikli qişasının qıcıqlanmasına səbəb ola bilər. Almagel bəzi laborator və funksional müayinə və testlərinin nəticələrinə təsir edə bilər: mədə sekresiyasını azaldır və mədə şirəsinin turşuluğunun funksional müayinəsinin nəticələrini dəyişir; texnesiumun (Tc99) istifadəsilə aparılan testlərin nəticələrini dəyişir (sümüklərin ssintiqrafiyası və qida borusunun müayinəsinin bəzi testləri), zərdab fosforunun miqdarını artırır, qanın zərdabının və sidiyin pH göstəricisini yüksəldir.

 

Hamiləlik və laktasiya dövründə istifadəsi

Hamiləlik dövründə, yalnız preparatın ana üçün gözlənilən müalicəvi təsiri döl üçün potensial riskdən yüksək olduğu hallarda 5-6 gündən artıq olmamaq şərtilə təyin edilə bilər. Hamiləlik toksikozunda istifadə edilmir. Preparat ana südünə az miqdarda nüfuz edir, lakin onun yenidoğulmuş körpəyə mənfi təsiri aşkarlanmayıb. Laktasiya dövründə, yalnız preparatın ana üçün gözlənilən müalicəvi təsiri yenidoğulmuş körpə üçün potensial riskdən yüksək olduğu hallarda 5-6 gündən artıq olmamaq şərtilə təyin edilə bilər.

 

Nəqliyyat vasitələrini və digər potensial təhlükəli mexanizmləri idarəetmə qabiliyyətinə təsiri

Preparatın nəqliyyat vasitələrini və digər təhlükəli mexanizmləri idarəetmə qabiliyyətinə mənfi təsiri barədə heç bir məlumat yoxdur.

 

ALMAGEL İstifadə qaydası və dozası

Böyükərə və 14 yaşdan yuxarı uşaqlara − Almagel gündə 3-4 dəfə 5-10 ml (1-2 ölçü qaşığı və ya 1 paket) təyin edilir. Zərurət yarandıqda birdəfəlik dozanı 15 ml-ə (3 ölçü qaşığı) qədər artırmaq olar. Terapevtik effekt əldə ediləndən sonra birdəfəlik dozanı 5 ml-ə qədər (1 ölçü qaşığı) və ya sutkada 2-3 dəfə 1 paketə qədər aşağı salmaq olar. Müalicə kursu 2-3 aya qədərdir.

− Böyrək patologiyası olan pasiyentlərdə, xəstəliyin ağırlığından asılı olaraq, sutkalıq doza aşağı salınır və ya dərman qəbulu arasında interval uzadılır.

− 10-14 yaşlı uşaqlara böyüklər üçün olan dozanın yarısı təyin edilir – gündə 2-4 dəfə 1 ölçü qaşığı və ya gündə 1-2 dəfə 2 ölçü qaşığı və ya gündə 1-2 dəfə 1 paket.

− Profilaktika üçün – qıcıqlandırıcı təsirli dərman preparatlarının qəbulundan 15 dəqiqə əvvəl 5- 15 ml (1-3 ölçü qaşığı və ya 1 paket) təyin edilir. Tövsiyə olunan müalicə kursu 12 gündür. İstifadədən əvvəl suspenziyanı çalxalayıb homogenləşdirmək lazımdır. Preparatı yeməkdən 45-60 dəqiqə sonra və gecə yuxusundan əvvəl qəbul edirlər. Preparatın qəbulundan sonra 15 dəqiqə ərzində maye qəbul etmək olmaz.

 

Əlavə təsirləri

− Qəbizlik – doza aşağı salındıqda keçir;

− ürəkbulanma, qusma, mədə spazmları;

− dadbilmə qabiliyyətinin dəyişməsi;

− allergik reaksiyalar;

− böyrək çatışmazlığından əziyyət çəkən və dializ müalicəsində olan xəstələrdə preparatın davamlı qəbulu əhval-ruhiyyənin dəyişməsi və əqli fəaliyyətin pozulmasına səbəb ola bilər;

− preparatın uzunmüddətli yüksək dozalarda qəbulu qidada fosfor çatışmazlığı ilə birgə osteomalyasiyaya (sümüklərin yumşalması) səbəb ola bilər;

− qanda hipermaqneziemiya. Əlavə təsirlər hər kəsdə və hər zaman aşkar edilmir.

 

Doza həddinin aşılması

Tövsiyə olunan dozanın birdəfəlik aşılması, adətən, yalnız qəbizlik, meteorizm, ağızda metallik dadı ilə özünü büruzə verir. Preparatdan yüksək dozalarda uzunmüddətli istifadə etdikdə böyrək daşının əmələ gəlməsi, qəbizliyin ağır forması, qarın nahiyəsində ağrı, yuxululuq, qanda hipermaqneziemiya qeyd edilir. Metabolik alkaloz (orqanizmin turşu-qələvi balansının pozulması) əlamətləri meydana çıxa bilər – əhval-ruhiyyənin dəyişməsi və əqli fəaliyyətin pozulması, əzələlərdə keyləşmə və ya ağrı, əsəbilik, tez baş verən yorğunluq, tənəffüsün ləngiməsi, ağızda xoşagəlməz dadın olması. Bu halı aradan qaldırmaq üçün dərman maddəsinin orqanizmdən xaricolması sürətləndirilir – qusma törədilir, mədə yuyulur, aktivləşdirilmiş kömür təyin edilir. Preparatın bir qəbulu ötürüldükdə, onu növbəti qəbul vaxtı dozanı artırmadan istifadə etmək lazımdır.

 

Buraxılış forması

170 ml suspenziya şüşə və ya polietilentereftalat flakonda. 1 flakon ölçü qaşığı və içlik vərəqə ilə birlikdə karton qutuya qablaşdırılır.

 

Aptekdən buraxılma şərti

Reseptsiz buraxılır.