Pharmed
ADEHEP 400MG N5 AMP
ADEHEP
Beynəlxalq patentləşdirilməmiş adı: Ademetionine
Tərkibi
Təsiredici maddə: 1 flakonda 400 mq ademetionin (ademetionin 1,4-butandisulfonat şəklində)
vardır.
Köməkçi maddələr:mannit.
Həlledici: L-lizin monohidroxlorid, natrium hidroksid, inyeksiya üçün su.
Təsviri
Toz
Ağ rəngli liofilizəolunmuş tozdur.
Həlledici
Şəffaf rəngsiz məhluldur.
Farmakoterapevtik qrupu
Həzm sisteminə və maddələr mübadiləsinə təsir edən dərman vasitələri. Həzm sisteminə və maddələr
mübadiləsinə təsir edən digər preparatlar. Amin turşuları və onların törəmələri.
ATC kodu: A16AA02.
Farmakoloji xüsusiyyətləri
Farmakodinamikası
Ademetionin (S-adenozil-L-metionin) demək olar ki, orqanizmin bütün toxumalarında və
mayelərində mövcud olan amin turşusudur. Ademetionin insan və heyvan orqanizminin əsas bioloji
proseslərində, əsasən, koenzim və metil qrupunun donoru (transmetilləşmə reaksiyaları) kimi iştirak
edir. Transmetilləşmə prosesi hüceyrə membranlarının plastikliyini təmin edən fosfolipidlərin ikiqat
təbəqəsinin əmələ gəlməsində mühüm rol oynayır. Ademetionin hemato-ensefalik baryerini keçə
bilər; mərkəzi sinir sistemində ademetioninin səbəb olduğu transmetilləşmə prosesi katexolaminlər
(dofamin, noradrenaliin, adrenalin), serotonin, melatonin və histamin daxil olmaqla
neyrotransmitterlərin yaranmasında əsas rol oynayır.
Ademetionin həmçinin transsulfatlaşma prosesində yaranan kükürd tərkibli birləşmələrin (sistein,
taurin, qlütation, koenzim A və s.) sələfidir. Ən aktiv antioksidant olan qlütation qaraciyərdə
detoksikasiya proseslərində mühüm rol oynayır. Alkoqol istifadəsi və digər səbəblərdən yaranan
qaraciyər xəstəlikləri olan pasiyentlərdə ademetionin istifadəsi qaraciyərdə qlütationun miqdarını
artırır. Fol turşusu və B12 vitamini orqanizmdə ademetioninin maddələr mübadiləsində və ehtiyatının
yığılmasında mühüm rol oynayır.
Farmakokinetikası
Sorulması
Ademetionin venadaxili yeridildikdən sonra sürətli toxumalara paylanma və xaricolma
(yarımxaricolma müddəti təxminən 1,5 saat təşkil edir) fazaları ilə bieksponensial farmakokinetik
profilə malikdir. Əzələdaxili yeridildikdə preparat demək olar ki tam sistem qan dövranına daxil olur
(96%) və plazmada maksimal konsentrasiyası istifadəsindən təxminən 45 dəqiqə sonra müşahidə
olunur.
Paylanması
Preparatın 100 mq və 500 mq dozada qəbulu zamanı ademetioninin paylanma həcmi müvafiq olaraq
0,41 l/kq və 0,44 l/kq təşkil edir. Ademetioninin plazma zülallarına bağlanma dərəcəsi
əhəmiyyətsizdir və ≤5% təşkil edir.
Metabolizmi
Ademetioninin əmələ gəlməsi, parçalanması və təkrar əmələ gəlməsi ademetionin sikli adlanır. Bu
siklin birinci mərhələsində ademetioninasılı metilazalar ademetionini S-adenozilhomosisteinin
istehsalı üçün substrat kimi istifadə edir. Bu isə sonra S-adenozilhomosisteinhidralaza vasitəsilə
homosistein və adenozinə qədər hidroliz olunur. Homosistein öz növbəsində 5-
metiltetrahidrofolatdan metal qrupunun ötürülməsi yolu ilə metioninə qədər əks transformasiyaya
məruz qalır. Nəticədə metionin ademetioninə çevrilir, və bununla sikl başa çatır.
Xaric olması
Radioaktiv nişanlı (metil14C) ademetioninin sağlam könüllülərdə peroral qəbulu zamanı, preparatın
qəbul edilmiş dozasının 15,5 ± 1,5% -i 48 saatdan sonra sidiklə, 23,5%± 3,5%-i isə 72 saat ərzində
mədə-bağırsaq traktından xaric edilmişdir. Preparatın istifadə edilən dozasının təxminən 60% -i
orqanizmdə (birləşmiş forması) saxlanılmışdır.
İstifadəsinə göstərişlər
˗ Müxtəlif etiologiyalı xroniki hepatit və qaraciyər sirrozu olan pasiyentlər daxil olmaqla
böyüklərdə qaraciyərdaxili xolestaz,
˗ qadınlarda hamiləlik zamanı qaraciyərdaxili xolestaz,
˗ depressiv sindromlar.
Əks göstərişlər
˗ Təsiredici maddəyə və ya preparatın digər komponentlərinə qarşı hiperhəssaslıq;
˗ metionin siklinə təsir göstərən genetik pozulmalar və/və ya homosisteinuriya və/və ya
hiperhomosisteinemiya yaradan pozğunluqlar (məsələn, sistationin beta-sintetaza
çatışmazlığı, B12 vitamin metabolizminin pozğunluğu).
Xüsusi göstərişlər və ehtiyat tədbirləri
Venadaxili istifadə zamanı preparat çox yavaş sürətlə yeridilməlidir.
Hiperammoniemiya ilə müşayiət olunan presirroz vəziyyəti və ya qaraciyər sirrozu olan pasiyentlərdə
preparat peroral qəbul edildikdə qanda ammonyakın səviyyəsinin yoxlanılması lazımdır.
B12 vitamini və fol turşusu çatışmazlığı zamanı, qan plazmasında ademetioninin konsentrasiyası
azala bilər, bu səbəbdən risk qrupuna daxil olan pasiyentlərdə, o cümlədən, anemiya, qaraciyər
xəstəliyi, hamiləlik zamanı və ya B12 vitamini və fol turşusu defisitinin potensial riski olan
pasiyenlərdə digər xəstəliklər və ya pəhriz ilə əlaqəli çatışmazlıq (məsələn, vegetarianlar), qan
plazmasında vitaminlərin səviyyəsinin müntəzəm monitorinqi aparılmalıdır. Çatışmazlıq aşkar
edildikdə, ademetioninin istifadəsinə başlamazdan əvvəl və ya ademetionin ilə müalicə zamanı B12
vitamini və/və ya fol turşusunun qəbulu tövsiyə olunur. Yuxarıda göstərilən müayinələrin aparılması
mümkün olmadıqda, müvafiq preparatların istifadə təlimatlarında olan tövsiyələrə uyğun olaraq risk
qrupuna daxil olan pasiyentlərə vitamin B12 və / və ya fol turşusunun (folatlar) qəbulu tövsiyə
olunur.
Dərman vasitəsini bipolyar pozğunluğu olan pasiyentlərə təyin etmək məsləhət deyil. Ademetionin
qəbul edən pasiyentlərdə depressiyanın hipomaniyaya və ya maniyaya keçməsi barədə məlumatlar
vardır.
Ademetionini klopiraminlə eyni zaman qəbul edən bir pasiyentdə serotonin sindromu halı qeydə
alınmışdır. Bu səbəbdən serotoninin geriyə tutulmasının selektiv inhibitorları (SGTSİ), trisiklik
antidepressantlar (klomipramin kimi), həmçinin bitki mənşəli və triptofan tərkibli preparatlarla
ademetionini ehtiyatla təyin etmək lazımdır; potensial qarşılıqlı təsir riski vardır.
Ademetioninin depressiyanın müalicəsində effektivliyi 3-6 həftə davam edən qısamüddətli klinik
tədqiqatlarda qiymətləndirilmişdir. Depressiyanın daha uzunmüddətli müalicəsində ademetioninin
istifadəsinin effektivliyinə dair məlumatlar mövcud deyil. Depressiyanın bir çox müalicə üsulları
olduğundan pasiyentlərə optimal müalicənin seçimi üçün həkimlə məsləhətləşmək tövsiyə olunur.
Pasiyentlər ademetionin ilə müalicə zamanı xəstəliyin simptomlarının ağırlığı azalmadıqda və ya
depressiya əlamətləri pisləşdikdə, həkimləri ilə əlaqə saxlamağın zəruriliyi barədə xəbərdar
olmalıdırlar.
Depressiya olan pasiyentlərdə intiharlar və intihar cəhdləri riski artır, bu səbəbdən bu cür pasiyentlərə
diqqətlə nəzarət edilməlidir və depressiya simptomlarının müalicəsinin effektivliyinin monitorinqi
məqsədi ilə ademetionin ilə müalicə zamanı onlara psixiatrik yardım göstərilməlidir.
Ademetionin istifadə edən pasiyentlərdə keçici narahatlıq və ya narahatlıq pozğunluğunun
kəskinləşməsi halları müşahidə edilmişdir, bu halların əksəriyyətində preparat ilə müalicənin
dayandırılmasına ehtiyac olmamışdır (bəzi hallarda doza azaldıqda və ya müalicə dayandırıldıqda
narahatlıq keçib getmişdir).
Laboratoriya göstəricilərinə təsiri
Ademetionin homosisteinin immunoloji analizinin nəticəsinə təsir göstərir, bu isə plazmada
homosisteinin yanlış yüksək səviyyəsinə səbəb ola bilər. Ademetionin qəbul edən pasiyentlər üçün
homosisteinin səviyyəsini təyin etmək üçün qeyri-immunoloji analiz metodundan istifadə etmək
məsləhət görülür.
Qaraciyər çatışmazlığı
Sağlam könüllülərdə ademetioninin farmakokinetik parametrləri xroniki qaraciyər xəstəliyi olan
pasiyentlərdə olduğu kimi idi.
Böyrək çatışmazlığı
Böyrək çatışmazlığı olan pasiyentlərdə ademetioninin istifadəsi ilə bağlı klinik məlumatlar
məhduddur, bu səbəbdən bu qrup pasiyentlərdə preparat ehtiyatla istifadə olunmalıdır.
Suisid/suisidal fikirlər
Depressiya intihar düşüncələri, özünə zərər vermə və suisid (intihar cəhdləri) riskini artırır. Bu risk
sabit remissiya əldə olunana qədər davam edir. Müalicənin ilk bir neçə həftəsində və ya daha çox
müddətdə pasiyentlərdə yaxşılaşma müşahidə olunmaya bilər, bu səbəbdən pasiyentlərin vəziyyəti
yaxşılaşana qədər onların monitorinqi təmin edilməlidir.
Ademetioninin istifadə edildiyi digər psixi pozğunluqlarda da intihar davranışı riski arta bilər.
Bundan əlavə, bu pozğunluqlar böyük depressiv pozğunluqla əlaqəli ola bilər. Bu səbəbdən digər
psixi pozğunluqları olan pasiyentlərdə ademetionin istifadəsi zamanı, əsas depressiv pozğunluğu olan
pasiyentlərdə olduğu kimi eyni ehtiyat tədbirləri görülməlidir.
Köməkçi maddələr haqqında xüsusi məlumat
Preparatın həlledicisinin 1 ampulunda 57,5 mq natrium vardır, bu da ÜST-ün böyüklər üçün tövsiyə
etdiyi gündəlik maksimal 2 q natrium qəbulunun 2,9%-nə bərabərdir.
Digər dərman vasitələri ilə qarşılıqlı təsiri
Ademetionini klopiraminlə eyni zaman qəbul edən bir pasiyentdə serotonin sindrom halı qeydə
alınmışdır. Bu səbəbdən serotoninin geriyə tutulmasının selektiv inhibitorları (SGTSİ), trisiklik
antidepressantlar (klomipramin kimi), həmçinin bitki mənşəli və triptofan tərkibli preparatlarla
ademetionini ehtiyatla təyin etmək lazımdır; belə halda dərman qarşılıqlı təsirinin potensial riski
mövcuddur.
Uyuşmazlığı
Preparatı qələvi məhlullar və kalsium ion tərkibli məhlullar ilə qarışdırmaq olmaz.
Hamiləlik və laktasiya dövründə istifadəsi
Hamiləlik
Ademetioninin hamiləliyin III trimestrində terapevtik dozalarda istifadəsi zamanı hər-hansı əlavə
təsirlər qeyd olunmamışdır. Ademetionin hamiləliyin I və II trimestrlərində yalnız həkimin ana üçün
fayda / döl üçün risk nisbətinin qiymətləndirilməsindən sonra istifadə oluna bilər.
Laktasiya
Ana südü ilə qidalandırma dövründə ademetionin yalnız o halda istifadə olunur ki, ana üçün
müalicənin ehtimal olunan faydası körpə üçün potensial riskdən üstün olsun.
Nəqliyyat vasitəsini və digər potensial təhlükəli mexanizmləri idarəetmə qabiliyyətinə təsiri
Müalicə dövründə başgicəllənmə yarana bilər. Bu səbəbdən bu cür hallarda göstərilən fəaliyyət
növlərində reaksiyanın sürətinə təsir göstərə bilən simptomlar tam itənə qədər nəqliyyat vasitələrini
və digər mexanizmləri idarə etmək tövsiyə olunmur.
İstifadə qaydası və dozası
Dozalanma
Müalicə ademetioninin (Adehep inyeksiya məhlulu hazırlamaq üçün liofilizəolunmuş toz) parenteral
yeridilməsi, daha sonra preparatın peroral qəbulu (Adehep enterik örtüklü tabletlər) və ya
ademetioninin (Adehep enterik örtüklü tabletlər) peroral qəbulu ilə başlanıla bilər. Peroral qəbul
edildikdə, preparatın gündəlik dozası 2-3 dozaya bölünə bilər.
Başlanğıc terapiya
Əzələdaxili və ya venadaxili yeridilmə
Tövsiyə olunan doza gündə 5-12 mq/kq təşkil edir. Adətən başlanğıc doza gündə 400 mq, gündəlik
doza isə 1000 mq-dan çox olmamalıdır. Başlanğıc mərhələdə parenteral terapiyanın müddəti
depressiv sindromların müalicəsində 15-20 gün, qaraciyər xəstəliklərinin müalicəsində isə 14 gün
təşkil edir.
Dəstəkləyici terapiya
Peroral qəbul(Adehep enterik örtüklü tabletlər)
Tövsiyə olunan gündəlik doza 800-1600 mq təşkil edir.
Müalicə müddəti xəstəliyin ağırlığından asılı olaraq həkim tərəfindən fərdi olaraq təyin olunur.
Xüsusi pasiyentlər qrupları
Yaşlı pasiyentlər
Yaşlı və gənc pasiyentlər arasında preparatla müalicəyə cavab fərqlərini qiymətləndirmək mümkün
deyil (klinik tədqiqatlarda kifayət qədər 65 yaşdan yuxarı pasiyent iştirak etməmişdir). Klinik
təcrübədə mövcud məlumatlara görə, yaşlılarda preparatla müalicəyə cavab gənc pasiyentlərdən
fərqlənmir.
Yaşlılarda preparatın dozası ehtiyatla seçilməlidir.
Bu kateqoriya pasiyentlərdə müalicəyə preparatın tövsiyə olunan minimal dozası ilə başlanılmalı və
qaraciyər, böyrək və ya ürək funksiyalarının pozğunluğu hallarının yüksək riski, yanaşı xəstəliklər və
digər dərman vasitələrinin eyni vaxtda istifadəsi nəzərə alınmalıdır.
Uşaqlar
Uşaqlarda preparatın istifadəsinin effektivliyi və təhlükəsizliyi müəyyən edilməmişdir.
İstifadə qaydası
Preparat əzələdaxili və ya venadaxili istifadə üçün nəzərdə tutulub.
Liofilizəolunmuş tozu yeridilməsindən bilavasitə əvvəl xüsusi əlavə edilmiş həlledicidə (qablaşmaya
daxildir) həll etmək lazımdır.
Hazırlanmış məhlulun tələb olunan miqdarı sonradan 250 ml fizioloji məhlul və ya 5% dekstroza
(qlükoza) məhlulunda durulaşdırılmalı və 1-2 saat ərzində yavaş venadaxili infuziya şəklində
yeridilməlidir.
İstifadə olunmamış məhlul utilizasiya olunmalıdır.
Liofilizəolunmuş tozun rəngi ağ rəngdən fərqli olduğu halda (flakonda çat olması və ya istinin təsiri
nəticəsində) preparatı istifadə etmək tövsiyə olunmur.
Əlavə təsirləri
Klinik tədqiqatlarda təxminən 2000 pasiyent ademetionin ilə müalicə olunmuşdur. Preparatın
istifadəsi ilə bağlı ən çox bildirilən əlavə təsirlər baş ağrısı, diareya və ürəkbulanma olmuşdur.
Depressiv sindromu olan pasiyentlərdə nadir hallarda intihar suisidal fikirlər/intihar cəhdləri halları
bildirilmişdir.
Klinik tədqiqatlardan (1922 pasiyent) və spontan hesabatlardan əldə olunan əlavə təsirlər MedDRA
sisteminin orqan siniflərinə uyğun olaraq aşağıda verilmişdir. Əlavə təsirlərin tezliyi aşağıdakı
parametrlərlə təyin edilir: çox tez-tez (≥ 1/10); tez-tez (≥ 1/100 - < 1/10); bəzən (≥ 1/1000 - < 1/100);
nadir hallarda (≥ 1/10000 - < 1/1000); çox nadir hallarda (< 1/10000); məlum deyil (əldə olan
məlumatlara görə tezliyi qiymətləndirmək mümkün deyil).
Mədə-bağırsaq sisteminin pozğunluqları
Tez-tez - abdominal ağrı, diareya, ürəkbulanma; bəzən - ağızda quruluq, dispepsiya, meteorizm,
mədə-bağırsaq ağrısı, mədə-bağırsaq pozğunluğu, mədə-bağırsaq qanaxması, qusma, ezofagit; nadir
hallarda - köp.
İnyeksiya yerində pozğunluqlar və ümumi pozğunluqlar
Tez-tez - asteniya; bəzən - ödem, qızdırma, titrətmə*, inyeksiya yerində reaksiyalar*, inyeksiya
yerində nekroz*; nadir hallarda - ümumi halsızlıq.
İmmun sisteminin pzğunluqları
Bəzən - hiperhəssaslıq reaksiyaları*, anafilaktoid reaksiyalar* və ya anafilaktik reaksiyalar (xüsusən,
dərinin qızarması, təngənəfəslik, bronxospazm, bel ağrısı, döş qəfəsi nahiyəsində diskomfort, qan
təzyiqində dəyişikliklər (arterial hipotenziya, arterial hipertenziya) və ya ürək vurğularının tezliyində
dəyişikliklər (taxikardiya, bradikardiya))*.
İnfeksiyalar və parazitar xəstəliklər
Bəzən - sidik yollarının infeksiyaları.
Əzələ-skelet sistemi və birləşdirici toxumalarının pozğunluqları
Bəzən - artralgiya, əzələ spazmları.
Sinir sisteminin pozğunluqları
Tez-tez - baş ağrısı; bəzən - başgicəllənmə, paresteziya, disqevziya*.
Psixi pozğunluqlar
Tez-tez - narahatlıq pozğunluğu, yuxusuzluq; nadir hallarda - ajitasiya, qarışıqlıq.
Tənəffüs sistemi, döş qəfəsi və divararalığı orqanlarının pozğunluqları
Bəzən - qırtlağın ödemi*.
Dəri və dərialtı toxumalarının pozğunluqları
Tez-tez - qaşınma; bəzən – həddindən artıq tərləmə, angioödem*, dəri allergik reaksiyaları (məsələn,
səpgi, qaşınma, övrə, eritema)*.
Qaraciyər və öd yollarının pozğunluqları
Nadir hallarda - qaraciyər sancısı; məlum deyil - qaraciyər sirrozu.
Damar pozğunluqları
Bəzən - qanaxını, arterial hipotenziya, flebit.
*Spontan hesabatlarda qeyd olunan (klinik tədqiqatlarda qeyd olunmayan) və tezliyi təxmininin 95%
etibarlılıq intervalının yuxarı həddinin 3/X-dən çox olmadığını nəzərə alaraq, "bəzən" təsnif edilən
əlavə təsirlər, X = 1922 (klinik tədqiqatlarda iştirak edən pasiyentlərin ümumi sayı).
Əlavə təsirlərin bildirilməsi
Preparatın qeydiyyatından sonra şübhəli əlavə təsirlər barədə məlumat vermək vacibdir. Pasiyentdə
ciddi əlavə təsir və ya bu bölmədə qeyd edilməyən yeni əlavə təsir baş verdikdə, Milli
Farmakonəzarət sisteminə uyğun olaraq məlumat verilməlidir.
Doza həddinin aşılması
Doza həddinin aşılması hadisələri nadir hallrda bildirilmişdir.
Doza həddinin aşılması zamanı yerli toksiklolji mərkəzlə əlaqə saxlamaq, pasiyenti müşahidə etmək
və simptomatik terapiya aparmaq məsləhət görülür.
Buraxılış forması
İnyeksiya məhlulu hazırlamaq üçün liofilizəolunmuş toz brombutilkauçuk tıxaclı və
kombinəolunmuş Flip off tipli qapaqlı, 10 ml-lik rəngsiz şüşə falkonlarda, 5ml-lik şəffaf ampulda
həlledici ilə komplektdə.
5 flakon və 5 ampul konturlu-yuvalı qablaşdırmada. 1 konturlu-yuvalı qablaşdırma içlik-vərəqə ilə
birlikdə karton qutuya qablaşdırılır.
Saxlanma şəraiti
25ºС temperaturdan yüksək olmayan, işıqdan qorumaqla və uşaqların əli çatmayan yerdə saxlamaq
lazımdır.
Hazırlanmış məhlul 25°С-dən aşağı temperaturda 6 saat ərzində və ya 2-8°С temperaturda 24 saat
ərzində stabildir.
Yararlılıq müddəti
3 il.
Yararlılıq müddəti bitdikdən sonra istifadə etmək olmaz.
Aptekdən buraxılma şərti
Resept əsasında buraxılır.
İstehsalçı/Qeydiyyat vəsiqəsinin sahibi
"WORLD MEDICINE İLAÇ SAN. VE TİC. A.Ş.", TURKEY.
ÇOSB G.O. Paşa Mah. 6. Cad: No.30 Çerkezköy/TEKİRDAĞ.